الخميس، 8 نوفمبر 2007

كلمتين فى السريع

مؤتمر الحزب الوطنى التاسع وخطابات صفوة قياداته بلا استثناء أقل شأناً من ان اكتب فيها نصف كلمة

أفتى احدهم بحرمة الزواج من أسرائيليات وقامت الدنيا فوق راس الرجل ولم تقعد !! هو المصريين عاوزين يتجوزوا من إسرائيليات ولا ايه؟؟

وسط دعم الأسد وتفهم المالكى وحث بوش على التريث وضبط النفس ، تركيا عازمه على توجيه ضربه عسكريه تأديبيه لأكراد العراق ، فهل هو انتقام وتصفيه باق الحساب مع اهل صلاح الدين ام انه أستباق باجهاض أمته خوفاً من ان تلد مثله يوماً؟
فى الجامعات الحصول على مقاعد اتحاد الطلبه بأى ثمن مقدم على تحصيل العلم ، فيما يبدو ان فى فقه اولويات الجماعة ، اولويه التواجد والظهور مبداه على اى اولويه اخرى


احبكم وتحبوننى نحن نعيش سعداء ، يتغنى بها عبد الرحمن نقلاً عن كارتون الديناصور بارنى وهو فى منتهى السعاده

هناك 34 تعليقًا:

عصفور المدينة يقول...

هو انت عندك كائنات كرتونية برضه زيي

عصفور المدينة يقول...

بالمناسبة دي أهديك أغنية

سلم نفسك أنت محاصر

من كرتون أكاديمية الشرطة

غير معرف يقول...

متهيالى المصريين عاوزين يتجوزوا اى حد الا المصريات

حتى لو اسرائيليات

sim sim

FATMA يقول...

احبكم وتحبوننى نحن نعيش سعداء
فاليحيا عبد الرحمن ابن ابيه

bastokka طهقانة يقول...

مؤتمر الحزب الوطنى التاسع وخطابات صفوة قياداته بلا اثتثناء أقل شأناً من ان اكتب فيها نصف كلمة

--
لا ملكش حق
و البدل الشيك السنييه اللي لابسها النجم جمجم دي بلاش تتكلم عنها؟!!لا ده حقد طبقي

طبقي انا مش طبقك انت


اوروفوار

البنت الشلبية يقول...

كلمتين فى الجون من الاخر
انا سمعت الفتوى وفهمت وجهة نظر الشيخ الى افتى بيها
ولو انى بقيت بشك فى اى فتوى اليومين دول لانى بقيت احس ان الفتاوى بقتت بتتقال على جسب هوى الحكومة او اهواء شخصية
ربنا يرحمنا منهم باعو دينهم بشوية مناصب او فلوس
بالنسبة للمؤتمر,,اهى جه بجديد وبعدو عن كلمة كله تمام وناقشو شوية مشاكل معروفة واهم اسمهم اتناقشو وسمعت ان احمد عز اتكلف بجزء من ترتيبات المؤتمر..ماهو على قلبه قد كده
كفاية كده
سلام

رفقة عمر يقول...

طيب واللى اتجوزوا فعلا يبقى جوازهم حرام
طيب يعملوا ايه وولادهم يبقى مصيرهم ايه

YHYيــوســف الـمصـرى يقول...

السلام عليكم
...........
والله بوست دماغ اوى

بالنسبة للمؤتمر .....ولا شىء يتقال
بالنسبة للفتوى بالصدفة النهاردة شفت فى برنامج وائل الابراشى ..كان بيتكلم عن موضوع الجواز من اسرائيليات على فكرة النسبة علية اوى كان فيه احصائية بتقول انه سنة 90 كان عدد المتزوحين من اسرائليات 10الاف مصرى والعدد دلوقتى بقى 27 الف حالة يعنى العدد مقلق وفى زيادة !!!
على فكرة النسبة دى على الناس المتزوجين ومتواجدين داخل اسرائيل ..
متهيقلى الفتوى دى علشان تحد من الظاهرة دى شوية
تحياتى

غير معرف يقول...

تقريبا المصريات خلصت وحلينا مشكلة العنوسة علشان كده الناس عاوزة تتجوز اسرائليات ولا يمكن الاسرائليات التكاليف بتاعت الجواز عندهم مش زينا انا كده يبقى الشباب ليهم حق يتجوزوا منه بس ربنا يكرمهم ومش يخلهم عملاء

سها السباعي يقول...

المؤتمر ؟ يعني ايه مؤتمر؟

وهو مش فيه اكراد في تركيا برضه وياما اتشطروا عليهم؟ لازم يتشطروا على اكراد
العراق كمان؟

لذيذ بارني

سها السباعي يقول...

يعني ايه مؤتمر؟ هو اللي يجتمعوا فيه عشان يتامروا علينا

هم اكراد تركيا خلاص خلصو؟

باين اتحاد الطلبة بيوزع فلوس على اللي بيدخله

بارني فعلا لذيذ جدا

تحياتي

سها السباعي يقول...

اما الزواج من اسرائيليات فربنا محلله
" والمحصنات من الذين اوتوا الكتاب من قبلكم"
فازاي اللي افتى حرمه؟
بس هما جالهم نفس؟

سها السباعي يقول...

انا رغيت كتير
معلش ابقى حضرتك امسح الزيادات

تحياتي

غير معرف يقول...

مؤتمر الحزب الوطني فكرني باجتماع سكان عمارتنا"يفضلوةيشربوة في شاي وقهوة وفي الاخر مش بتحصل حاجه من اللي اتفقوة عليها بس في بيبقي نفسي اعرف ياتري المشروبات علي مين اما الفتوي بحرمه زواج الاسرائيليات الشباب زعلوة علشان اللي بيتجوز اسرائيليه بيدوله صلاحيه مدي الحياة ودقايق مجانيه واللييتجوز اتنين عليهم واحدة هديه حاجه تخنق مش لما بناتنا تخلص نبقي ندور برة"زي القرع" الاسد والمالكي وبوش ازايالاسماء دي تبقي جنب اسم صلاح الدين ممكن تكون سقطت سهوا واتحاد الطلبه اصلك متعرفش السر المقعد بيبقي مريح جدا واخيرا احبكم وتحبونني نحن نعيش سعداء حد عندة مانع لالالالالالالالالالالالالالالا

dead man يقول...

بالنسبة للمؤتمر كفاية انهم كاتبين عنوانه "بلدنا بتتقدم بينا",, ودي فيها افيه ممكن ابقى اقولهولك بعدين

:)

أما موضوع الفتوي فده طبعا بيرجعنا للفتاوي التفصيل .. واخرها الفتوى بتاعت اللى يرمي نفسه قدام عربية وشباب الطائرين إلي ايطاليا.. وكمان في مصرين كثير متجوزين من اسرائيليات .. ممكن نبقى ندور ونجيب العدد بالظبط

اما موضوع الأكراد ده بقى بكبر ولعب علي واسع .. وخلي بالك من ايران في الحتة دي .. واتفاقية الجزائر بين ايران والعراق لترسيم الحدود في السبعينات واللى بموجبها وقفت ايران دعم الثورة الكردية في العراق.. وبعدها قامت الثورة الايرانية والنهاردة النظام العراقي بقى متصالح مع الثورة الايرانية

كلام كبير عايز قعدة حلوة

أما بالنسبة لشباب الجماعة والجماعات واتحاد الطلية فمحتاجين نحط تحتهم خط او اتنين

ونتمني انك تكون عايش سعيد

واخيرا بعد التعليق الطويل اللي يزهق .. وحشتني

أحمد الشمسي يقول...

ده هو المختصر المفيد، أنا أحبكم أنتم تحبونني، نحن نعيش سعداء!

سلم لي على عبد الرحمن

Unknown يقول...

أدعوك للمشاركة في الحملة ضد جريدة المصري اليوم

زوروا مدونة مظلومين للتعرف على الحملة وأسبابها وأهدافها

كن إيجابيًا وشارك وقل
لا للكذب والتلفيق

مالك مصطفى

غير معرف يقول...

اما عن الجلسه الختاميه لمؤتمر البطيخ المقلى فأحب اكشف راسى واتجه وادعى عليهم دعوه ولية ساعة مغربيه.. انا ذنبى اييييييييييييييييييييييييه اتسحل مشى من القصر العينى للتحرير عشان خاطر بسلامتها جلسة المؤتمر
* تنويه هام: احبكم وتحبوننى ونحن نعيش سعداء (دى ترجمه فوريه لما يشدو به عبرحمن وهو منشكح للغايه)

Dr.khaled يقول...

الحقيقة يا استاذ محمد...
انا كنت باشهاد حلقة الدكتور فرحات المنجي..وكنت باستغرب للي بيقوله...
عمال يحرم ويحلل...
طيب احنا نقول ماشي....كما قال القرآن...
نتجوز يهوديات أو نصرانيات...بس بشرط يكونوا محصنات....

أما بالنسبة للاسرائيليات دول...فهم في الغالب-مسلمات-

في الحقيقة كلامه كان ينقصه التأصيل العلمي...

أما عن توجيه ضربة لأكراد...فأنا أعتقد إن الامر ميعنيناش كتير...

لان الاكراد لات يحملوا فكر ولا منهج أهل السنة...إنما هم حملة للفكر الماركسي....يرغبون بالانفصال...واقتطاع جزء من تركيا لهم0....
بالمناسبة...
أنا عندي كرتونات في السايد بار بتاع المدونة بتاعتي هدية من عمو خالد للأولاد...

أخيرا وآخراً....الكرتونات دي لأطفال بس...
ماشي....

يعني متحفظشي النص وتيجي تقول لنا دا عبد الرحمن هو اللي متفرج عليه....
:)
ربنا يخليهولك :)

غير معرف يقول...

ممكن أستغل المساحه دى واعمل اعلان صغير
نوفمبر يا جماعه16 ..مستنياكو يوم الجمعه الجايه الساعه 8 م..قاعة الحكمة بساقية الصاوى
هانتقابل ونحضر حفلة لفرقة أيامنا الحلوه..واحده من اكبر التجمعات البلوجرية المهمه
تعالوا وقولوا للحبايب

sara يقول...

بوست مختصر مفيد زي عموم تعليقاتك :)

بالنسبه للمؤتمر ..يعني الراجل الكبير ربنا يعلي مراتبه لحد ماتوصل للسقف قال انهم هايعملوا تأمين صحي كامل شامل محمد احمد حسين ..وقال انهم هايصلحوا الصعيد وهايصلحوا الريف وهايعملوا حوار مجتمعي لمواجهة الزياده السكانيه ومش بعيد يطلعوا فتوي بأهدار دم الستات اللي بيخلفوا توائم _ربنا يستر _ وهايوفروا اراضي سكنيه لمحدودي الدخل بأسعار معقوله وهايطوروا التعليم وهايصلحوا البنيه التحتيه ومش بعيد يطبقوا لكل مواطن خمسينايه في ايده ويدوهاله ..يعني الحياه هاتبقي بمبي علي رأي سعاد حسني والقشيه هاتبقي معدن
كل دا ومش عاجب ..دا احنا شعب زي القطط ناكل وننكر والله

مش عارفه ليه جاي علي بالي ..شاديه في مسرحية ريا وسكينه وهي بتقول ..كلام ..مابخدش منك غير كلام ..وبس

انا كمان بحب بارني وبتفرج عليه ..اقصد انا والبنات يعني

وسلامي لعبد الرحمن ابن ابيه

غير معرف يقول...

أخى الفاضل : أ/ محمد عبد الغفار
السلام عليكم ورحمة الله وبركاته
بالنسبة لمولد سيدى الوطنى فهو يستحق ويستحق ليس لقيمة الحزب وإنما لأن هؤلاء يدبرون ويخططون لأمور ستؤثر علينا وعلى مستقبل البلد
وأعتقد أن مستقبلنا ومستقبل أولادنا يستحق...!!!!

أما الزواج من الإسرائيليات وبغض النظر عن الفتوى فأنا لست بمفتى
ولكن الأمر فى غاية الخطورة فهو يتم على مستويين المستوى الأول الزواج من أبناء زعماء القبائل السيناوية وممن يمتلكون أراض فى سيناء حتى يصبح الأولاد مستقبلاً مالكين لهذه الأراضى والقانون الإسرائيلى يعطى الجنسية الإسرائيلية لأولاد المرأة الإسرائيلية المتزوجة من غير الإسرائيليين أى بحسبة بسيطة تصبح قانوناً هذه الأراضى ملكاً لإسرائيل ..!!!!!
أما المستوى الثانى فهو الفتيات المريضات بمرض الإيدز فهن يأتين إلينا عن عمد للزواج بالمصريين لنقل هذا المرض القاتل
والأمر فى غاية الخطورة .. ولكن لاحس ولاخبر
حروب من نوع جديد أخى الكريم
سبق وكتبت فى مدونتين عن هذا الموضوع بالتفصيل
وحسبنا الله ونعم الوكيل

أخوك
محمد

ammola يقول...

كل يغنى على ليلاه

MAKSOFA يقول...

ماهو لو فيه مخابرات عدله كانوا أستغلوا الشباب اللي رايح يجوز أسرائليات لمصلحه أمن مصر ، الله يرحم رفعت الجمال المسمي برأفت الهجان دراميا وغيره من الأبطال

كلبوزة لكن سمباتيك يقول...

رغم انني غير متابعة للحركة الكرتونية الا انني سوف اغني مع عبد الرحمن
بارك الله لك فيه

تحياتي

لحظة يقول...

يا نهار ابيض
كل ده حصل
:)

Unknown يقول...

الفتوي دي عشان القضيه اللي فجرها وائل الابراشي في برنامجه
عن جواز المصرين من اسرائليات ويعيشوا معاهم في اسرائيل
وان الأولاد بيطلعوا مشتتين بين الاتنين

غير معرف يقول...

بسم الله الرحمن الرحيم
السلام عليكم ورحمة الله وبركاته

شكرااا أخوي في الله على هذه الكلمات المعبرة
الله يصلح الأحوااال

دمت بطاعة الله

سها السباعي يقول...

اعتذر عن اختفاء التعليق
كل البوستات اتمسحت والتعليقات والمدونه كلها
مبتدئة بقى
اعتز بمتابعتك وشكرا لاهتمامك
ولكن حضرتك مش بترد على التعليقات ليه؟

إيمان الحسيني يقول...

صراحة البلد بقيت مليانة حاجاة سريعة وغير قابلة للتعليق عليها

أتذكر وأنا في الكلية الحرب الشعواء للحصول على كراسي اتحاد الطلبة
والخلافات الداخلية ما بين الحلفاء لاقتسام الكعكة الكبيرة فيما بعد

ربنا يسترها معانا جميعا

كلبوزة لكن سمباتيك يقول...

ايه الكسل ده؟؟

خير؟

اسامة يس يقول...

مقتطفات في كل منها لغز ...
دعنا نفكر...

دمت بكل ود..
خالص تحياتي

إبـراهيم ... يقول...

كلمتين حلوين يا فندم، وفي العمق


.
.
تحياتي لسعادتك :)

lonely يقول...

والله فى نوعيه من شباب مصر دلوقتى عندهم استعداد يعملوا اى شيء عشان يوصلوا لاهدافهم موش بس الزواج من اسرائليات
وانا شفت قبل ذلك بحك عملى السابق وثيقة زواج شاب مصرى عمره عشرون عام
من اسرائليه عمرها 82 عام
ولو دورت هتلاقى بلاوى تانيه