الاثنين، 2 أبريل، 2007

ما قل ودل

كنت أستعد لأضافة مقال جديد ووقعت على هذا المقال فى متابعاتى اليومية فلم أستطع ان امتنع عن اعاده نشره عندى ، أنه مقال الأستاذ انيس منصور فى عموده اليوم مواقف بجريده الأهرام عدد الأثنين الموافق 2 أبريل

اقترحت علي الأستاذ اسامة سرايا رئيس التحرير أن يكون سباقا وأن يتخذ قرارا بتكبير الحروف ـ أي تكبير‏(‏ فنط‏)‏ السطور‏.‏ وأن يبقي لكل كاتب المساحة المخصصة له‏,‏ فإذا كبرت الحروف نقصت الكلمات‏..‏ وأهم من ذلك استطاع الناس أن يقرأوا الصحيفة‏..‏ أما أن ينظروا إلي الصحيفة كل يوم علي أنها قضاء وقدر‏..‏ وأنه لا لطف لا في القضاء ولا في القدر‏.‏ وأن علي القراء أن يوجعوا عيونهم‏..‏ كأن وجع الدماغ ووجع القلب لا يكفي تعذيبا لهم في حياتهم في البيت والشارع والمكتب وساحات المحاكم والمستشفيات والعشوائيات‏.‏

ولايزال من رأيي أن الناس لم يعودوا يقرأون‏.‏ وليس عندهم وقت‏.‏ واكثرهم يعتمد علي الاذاعة والتليفزيون‏.‏ والسادة الحكام وصناع القرار هم ايضا ليس عندهم وقت‏.‏ ويعتمدون علي السكرتارية التي تلخص لهم ما جاء هنا وهناك‏.‏ الا اذا كان الموضوع يخصهم شخصيا‏..‏ ولكن عموما ليس عندهم وقت لقراءة كل هذه المقالات مهما كانت عناوينها كبيرة دموية‏!‏

كثير من الوزراء يقولون لمساعديهم‏:‏ اتصرفوا أنتم ـ أنا لا أريد وجع الدماغ‏..‏ وأنا لم أعد اهتز للشتائم والنقد‏.‏

كلام جرايد‏!‏
والمقالات السياسية بصفة خاصة متشابهة‏.‏ فالأخبار واحدة والتعليقات واحدة لأن التوجهات والتوجيهات واحدة‏.‏ فإذا كان هذا حال المقالات السياسية فلماذا تكون طويلة‏..‏ ولمن يكتب السياسيون؟ ان كان الهدف هو صناع القرار السياسي فهم لا يقرأون‏..‏ وان قرأوا فملخصات‏..‏ فلماذا لا نحترم انفسنا ونكتب ما يجب ان يقال وان يكون ذلك في اقل عدد من الكلمات؟‏!


وجهه وقصد به زملائه فى المهنة وأعتبرته يقصدنى والكلام الك يا جاره‏
>

هناك 64 تعليقًا:

دينا فهمي يقول...

والله وجهة نظر تحتاج إنهم يفكروا فيها
وخليهم ييجوا مدونتى ويتعلموا الاختصار (:

Memo يقول...

كام نفسي اكون اول حد
المهم فعلا ماعدتش طايقه الاهرام و لا اي جريده و بقت علاقتي الوحيده بالقرايه هى المدونات و الكتب الي على مزاجي يا رب اسامه سرايا يسمع كلامو ويريحنا اهو حتي يبقى الجرنان يستاهل اللحلوح الي بيدفع فيه

farida يقول...

حلو قوي يا سي محمد

هيه انا اول واحده اكتب كومنت

فعلا ليه منكتبش فيما قل و دل و خلاص

و الكلام اللي مش حيفيد بلاش منه

انا بطلت اشتري جرايد حكوميه خالص بقالي 3 سنين
خساره فيهم الفلوس
المصري اليوم غيرت وجهة نظري شويه
بس برضه مش مواظبه عليها

و الله يا محمد ساعات الواحد لما بيكتب في المدونه بيبقى حاسس انه طول زياده
او انه ملوش لازمه الكلام في الموضوع ده
عامة بحاول أكون مختصره
عشان مزهقش حد

بس الجرايدالحكوميه مش مشكلتها التطويل و لا الخط الصغير
المشكله انهم كدابين

Rania يقول...

طبعا المشكله فى التطويل و اللت و العجن
انا عن نفسى بقرا على السريع السريع علشان بس القط الفكرة
و ساعات كتير مش بلقط حاجة
تفتكر دة عيب فيا و لا فى الجرنال
خير الكلام ما قل و دل:))
nice pic
:((
is it new??????

مجهول يقول...

عنده حق
وعندك برضه حق

ahmEd_H يقول...

انيس منصور

الكاتب الذى اعشق كتباتة و اختلف معه دائما و محدش يسألنى ازاى

اذا كان شايف ان كتباتة فى الاهرام محكومة ياريت يكتب فى مكان تانى و يخلص

eldoctor يقول...

الختصار فن لا يتقنه الكثيرون..
و خصوصا المنظرون (اصحاب النظريات و الشرح..مثل اكثر المدونين)و لكن عندما تصبح علما معروفا لك فكرك الخاص .. يمكنك ان تختصر لان الخط الفكرى الخاص بك اصبح معروفا ...

شــهــروزة يقول...

يبقا سعر الجرنال حيغلا
لأن الطلب عليه حيبقا أعلا

بلا سياسة بلا بطيخ

تكونش بتقصدنا احنا نبطل سوياسة؟؟

تحياتى

حــلم يقول...

ماشى هاختصر
انا جاية أؤكد ان مدونتك جميلة
جميلة بجد
كفاية الصراحة والتلقائية

انا باحاول دايما اختصر
لكن السرد واضح انه متملكنى
لازم احكى

بس بالعكس لما باقرأ .. اقرأ تفاصيل التفاصيل
لكن اعترف انى اقرأ ما احبه فقط
واهتم بالوقفات لأنها قد تقلب المعنى
وانصح بنتى بهذا أثناء القراءة

ما قل ودل دايماً بيكون فى صالح القارىء العصرى
اللى هو كلنا حالياً

تحياتى

IRC President يقول...

والله هو عنده حق بالنسبة لحوار أساما سرايا

يعني لو كذا كلمة فونت 40 ونخلص يبقي حاجة جميلة

أنا شايف الصحف المستقلة والمعرضة بما فيها من جيد وسيء للوعي لا أكثر مش صالح للتغيير

إلا في حالة قدرة الناس نفسها للتغيير

REEMOO يقول...

انا بزهق من كتر الكلام اللى ملوش لازمه
وبطلت اشترى جرايد من زمان
بقت علاقتى بالاخبار والجديد عن طريق النت

lonely يقول...

انا مقاطعه الجرايد الحكوميه د من زمااااااااان وموش بفكر حتى ابص عليها
لان الكلام اللى فيها حتى لوصدق بيبق بالنسبالى كدب
وبحس ان جرنال النهارده هو بتاع امبارح هو بتاع بكره
الناس دى بتغنى علينا
موش على نفسها
ولا على اللى زيهم لانهم اكثر ناس عارفين ان كل اللى بيكتبوه كذب

يعنى بصراحه خساره تضيع لحظه فى محاولة النظر على الجرايد دى اساسا

غير معرف يقول...

حقاً..لقد صار الزواج مشكلة العصر !!

أحمد زكي

koukou يقول...

تصور ان موضوع الخط الصغير ده بيخليني في بلوجات مش بخشها لأن انا عمشه و مش ناقصه
اما بقي لموضوع الاهتمام بمقالات و مقالات لأ تفتكر هي جت علي دي
؟؟؟؟؟؟؟؟؟؟؟؟؟؟؟؟؟؟؟؟؟؟؟

BinO يقول...

احم
أسف مش بقرأ جرايم
أأقصد جرايد

khaled يقول...

يا عم بلا جريد بلا بتاع مالها المدونات
جريده الاهرام اول صفحه لقد قام حسنى بافتتاح كوبر
ثانى صفحه فوائد نهر النيل
ثالث صفحه اعلان موبينيل
رابع صفحه حطط عليها السمك وبالهنى والشفى

khaled يقول...
أزال المؤلف هذا التعليق.
اثناء الحياه يقول...

احسن مكان للجرايد المصريه هتلاقيه عند بتاع الطعيه

khaled يقول...
أزال المؤلف هذا التعليق.
david santos يقول...

I don`t speac Arabic, but I can make words with letters and with the words I can make sentences.
Thank uou. Have a good day

Sampateek يقول...

نت زمان بشتري جرايد بس الحمد لله ربنا شافاني
و بطلت اقراها و تحولت الى النت انضف و ارخص و اسهل في التخلص
تحياتي

A.SAMIR يقول...

بمناسبة الجرايد طبعا الاخبار والاهرام والكلام اللطيف دة معدش بيتقري الا علشان حاجتين:
يا اما صفحات الرياضة للناس اللي غاوية كورة
يا اما كل يوم جمعة للناس اللي عايزة تشتغل او تسافر الخليج علشان الجرنال بيكون مليان اعلانات
انما صحافة يبقى
المصري اليوم او الدستور
والله لو كبروا الفونت في الاهرام 10 مرات.....خلاص خلصت يا عم اسامة يا سرايا

khaled يقول...

الله يا سى محمد
:)
يا ريت الاخوة المدونين
اقصد بعضهم
ما يتعبوش عنينا و كمان دماغنا
يختاروا واحدة بس

حائر في دنيا الله يقول...

كلام أنيس منصور للسادة في الأهرام والصحف القومية، يستحق ان يطبق ولو أنه ينادى على نفسه وعليهم وهم في حالة موات كامل

أما الجارة التي تقصدها يا صاح
فلك كل الحق
فنحن المدونين الذين ما زلنا في طور البداية نحتاج ان نهدأ قليلاً، ولا يكون كلامنا سد خانات وملئ فراغات وفرد عضلات
المشكلة ان أغلب المدونين وأنا منهم غير متخصصين ولا دارسين ولا حتى متعلمين لأسلوب ولا كيفية الكتابة السهلة البسيطة،
أحيانا نحتاج لتفاصيل وذلك بلا شك أمر جيد ولكن المشكلة أن نحترم عقلية من يقرأ ولا نضيع وقته
ووقتنا

مع كامل احترامي وتقديري
وحبي

مبرمج حر يقول...

طب ليه كده , ده انا أخر بوست عندى طويل جدااااااااااااا
هههههههههههههه


عموما لازم أقولك الخبر ده

I tagged you
:)))))))))))))))))))))))

ياسمين يقول...

انا بنادى بكدة من مدة طويلة
دة بصفتى قارئة طبعا
وأكيد انت فاكر يا محمد اننا اتكلمنا فى الموضوع دة فى اللقاء الأول للمدونين
لازم نتعلم اننا نكتب ما يقرأ
ايه معنى اننا نكتب كلام كتير وبخط صغير يعذب القارىء
آجى ادخل مدونة الاقى عريضة
ايه كل دة .. احنا عاوزين نقرا لكن المواضيع الطويلة والخط الصغير بتتعب العين و بيستفز القارىء ويخليه مش عارف يكمل
زى ما يكون حد بيكتب وبيتحداك انك تقدر تقرأ اللى كاتبه
تحية على البوست دة يا محمد

سمسم يقول...

والله مقال الأستاذ منصور فيه كذا فقرة

تستحق التعليق

وجع قلب المواطن
والعشوائية في كل شيء
ولا مبالاة الحاكم لما يعانيه المحكوم

وتلكم لعمر الله محاور تستحق الشفقة

اكثر مما تستحق الكلام عنها

تحياتي

copa يقول...

مع ثقل وزن انيس منصور و نظريته التي يجب ان تحترم قد اختلف في النقطه دي لو نظريا ممكن يكون صح لكن عمليا الكلام ده مينفعش وانا اوقات بحس ان في مقالات مطوله جدا و ده عادي مطالبات الموضوع كدا بس ده من واجب الصحفي انه يوفي موضوعه حقه سواء الناس بتسمع ولا لا يعني انا مثلا لسه قارئ جديد هل المفروض لو اتطبقت وجهة نظره هستفاد نفس الاستفاده مع المقالات الحالية يمكن وجهة نظري منحازه للقارئ اكتر من الصحفي لان الصحفي واجب عليه انه يكتب لاكن القارئ يحق له الا يقرا او يقرا و اختلاف وجهة النظر قد تكون حامله الصواب او الخطاء و اعتذر عن اي اخطاء املائيه ههههه

Ghost يقول...

وكمان عامل مراجعة قبل النشر

تبأه راجل فعلا لو نشرت كلامى

Mohamed A. Ghaffar يقول...

تعليق اعتراضى قبل الرد على الجميع

Gost
ان تهاجمنى فلا غضاضه فى ذلك لكن ان انشر لفظ نابى فى مدنتى فلن يحدث حجبت تعليقك الأصلى لأحتوائه على لفظ نابى واورده هنا بعد حذف اللفظ للأمانه

عزيزى محمد
هو كان لى ملاحظه صغنونه
بجد انت بتعتبر اللى بتكتبه دا هنا مقالات؟ "لفظ نابى" يا سيدى الفاضل

:)

Gost يقول...

ياسيدى الفاضل لم انتقدك

فقط استخدمت حقى ف الاندهاش

Mohamed A. Ghaffar يقول...

عزيزى جوست
اندهش واعترض وارفض وانقد ما اكتب كيفا تشاء وبالأسلوب الذى تريده وسأنشره حتماً

انما الألفاظ النابيه لا مكان لها عندى

مرحباً بك ان اردت المرور والتعليق فى اى وقت

ولكن أستأذنك ان يكون هذا باسلوب راق

Rania يقول...

انا بقيت بعانى من التطويل دة و حسيت به قوى فى اخر موضوع عند عبد الرحمن
بتعالج اليويمن دول من الحول
و مش راضى يدينى الفيزا بتاعة االدكتور
فقلت افضح الدنيا بقى
و على قد ما قدرت كتبت بوست مختصر علشان اتعقدت من موضوع التطويل دة
انا اتكلمت كتير مش كدة؟

zordeak يقول...

انا فهمت قصدك يا جمييل

والاحترام زى ما هو مقلش ولا حاجة

طبعا دى حريتك الشخصية

بس انا كنت فاهم غلط

ودلوقتى فهمت قصدك

اتمنى انى مكونش ضايقتك

انا كان قصدى خيير

شكرا على اهتمامك

نبيــذ يقول...

بس المشكله مش التطويل المشكله عدم المصداقيه

الخط الصغير بيتحل بنضارة القرايه لكن فقد الثقه ؟
:\

shermen يقول...

مفيش أحلى من الأختصار
فعلا ما قل ودل
إحنا بقينا ف عصر السرعة
الوقت بيجري ويجري معندوش وقت
حكمه

shermen يقول...

على فكره أنا حذفت ال
word verification
عشان خاطرك مستنيه تعليقك
سلام

نمنماية يقول...

كان الأولى بالاستاذ انيس ان يدعو هذا الاسامة ان يكف عن النفاق قليلا
او جايز هو كان بيدعوه لتكبير فونط الخط اختصارا لمساحة النفاق علشان مرارة الشعب راحت و مش هترجع تاني
دا حتمال وارد برده
علي أي حال لا اعتقد ان هناك من لايزال يقرأ جرائد قومية إلا قلة قليلة لسة مفاقتش من الغيبوبة

eldoctor يقول...

انت مدعو للرد على التاج اللى عندى

توتة توتة يقول...

تعرف انهم لو عملو بالكلام ده الجرايد هتكون مشوقة اكتر

خالد وليس بخالد يقول...

صحيح يا استاذ محمد
المسئولين بيكبروا دماغهم
ويقولوا للي تحتهم اتصرفوا انتم
طب انا متأكد ان الرئيس ميعرفنيش..
لان كل اللي تحتع مش بيوصلوا له انا مين
لانه عايش مع نفسه
اصدي قي شرم الشيخ..بنحبك يا ريس
بصراحة
انان هقولك على حاجة
انت عارف ايه الاستقادة الوحيدة اللي بستفيدها من الجرايد المصرية؟؟؟
قول انت كده

اقولك انا

لما باجي اتغدى او افطر..بافرششها على الصينية علشان الصينية متتوسخش..

و د م ت م ب ع ا ف ي ة

Esmeralda يقول...

تفتكر العيب فى مين
اللى بيكتب و لا اللى بيقرا؟؟؟؟؟
تفتكر اللى بيكتب ممكن يقدر يتوقف عن الكتابه؟؟؟ ماظنش
بعض الناس لسه عايشين فى العصر الخنفشارى و الكلام المجعلص , مش حاسين العالم اتطور و بيجرى . فعلا الناس معندهاش وقت , نص الكلام بيبقى عن تشكرات و انجازات و احنا من غيرك مش عارف كنا حنبقى عايشين ازاى.......... و اوقات كتيرة بيبقى شتيمه و ردح
الاسلوب المفروض يتغير

و بعدين ان جيت للاهرام
ما هو نصه اعلانات

شكرا ليك

daktara يقول...

الله عليك
انا كتير جدا بتعب من الموضوعات الطويلة وباضطر ماكملهاش
كمان اللي بيكتب بخط ضغير بيبقي متعب جدا

daktara يقول...

طبعا ممكن تستعمل بانر صلاتي
هو اصلا مش انا اللي عاملة انا برضه شفتة في مدونة فعجبني وحاطيطه

sarah la tulipe rose يقول...

من ناحية ان كلام الجرايد محدش بيقراه دي حقيقة بس مش كل الجرايد
وبالنسبة لان مفيش حد من المسؤلين بيهتز من كلام جرايد دي ححقيقة مخجلة فعلا وصلنا لدرجة عدم الاهتمام بالتقد او حتي الاتهام
يعني من الاخر اتقالنا من زمان
اخبطوا دماغكم في الحيط

Tamer Nabil يقول...

انا معاك خير الكلام ما قل ودل

انا قريت المقال وعجبنى فكر انيس منصور فية

صحيح احنا بنكتب لمين وياترى الخط الصغير دة حد بيشوفة

انا اعرف ناس تبص على العنوانين الرئيسية فقد لاغير

انا بقى لازم عندى اتابع المقالات من اولها الى اخرها مثل الاخبار

لكن ليس كل مقالة تشدنى واحيانا عند بداية اطلاعى على مقالة اجد الفكرة شوفتها قبل كدة اتركها وادخل على غيرها

وفية ادباء وكتاب الواحد بيحب يتابع كل حرف ليهم

تحياتى

خالد وليس بخالد يقول...

الحقيقة اكبر فايدة بناخدها من الجرايد
هو اننا لما بنيجي نفطر او نتدى او نتعشى...
اننا بنحطها على الصينية...علشان الصينية متتوسخش...
اصلي بحب اكل على الارض..ع السنة يعني

ت ح ي ا ت ي

كبير المتشردين يقول...

هو بصراحة انا ليه وجهة نظر تانية خالص هما ممكن يبيعو الجرنا فاضي خالص انا موافق ويزودوا الورق انا بشتري الاهرام علشان افرشها للاكل وده طبعا علي فترات طويلة يا عم محمد احنا عارفين جرايدنا من قبل ما تطلع

المهم انك تكون كويس انا بقالي فترة لا بعرف اطمن علي حد ولا بعرف اقري بلوجات بس النهاردة قريت كل البوستات الي فاتتني

كراكيب عادل يقول...

جرايد ؟؟

كان زمان انا نسيت الجرايد دي

الصورة الجديدة ليك معبرة وجميلة

اجمل شئ فيك الوضوح

ghost يقول...

يااستاذ رد على قد السؤال

هل تعتبر ما تكتبه هنا
مقالات؟

Sharm يقول...

لا احنا اتعودنا على اللت و العجن و مواضيع الانشاء الطويلة عشان سؤال التعبير في خامسة ابتدائي و العلم في الصغر كالنقش على الحجر

Esmeralda يقول...

هى المشكله فى اللى بيكتب و لا بيقرا؟؟؟
اللى مش بيهتم يقرا مش حيفرق معاه
خط كبير و لا اسلوب مختصر

شكرا

soosa el-mafroosa يقول...

و المشكلة كمان لما بيبقى فيه حدس مسيطر ع الأخبار

تلاقي كل المقالات و التحقيقات و الحوارات بتدور حوالين نفس الموضوع ..و لت و عجن و لت و عجن..و إعادة لنفس الكلام مليون مرة

زي مايكون ماحدش بيقرا الكلام ده قبل مايتنشر

khaled يقول...

انا جايلك مخصوص عشانك والله شكلك كده
ظريف ومحترم يريت نتعرف

خالد وليس بخالد يقول...

الاستاذ محمد

بارك الله فيك
دي تقريبا تالت مرة اعلق وحضرتك مجتش
لعل المانع خير
اسال الله ان يصلح حالك وان يريح بالك
وان يدخلك الجنة بلا حساب ولا عذاب

Arabian GiRl يقول...

وجهة نظر وطريقة السرد ممتازة

GEBSON يقول...

الحقيقه يا محمد انت ذكرتها فعلا وسائل الاعلام المقروءه اصبحت تاتى فى المرتبه التانيه بعد الاذاعه والتليفزيون والكلام ده بيدرسوه طلاب كليه الاعلام وسببه الاول الثوره التكنولوجيه الهائله فى عصرنا و ضيق الوقت والرغبه فى الحصول على المعلومات باسرع واسهل طريقه.
تحياتى

reri يقول...

أهلا يا محمد.... طبعا كان لازم يلفت نظرك مقال أنيس منصور... لأن ده الحقيقه فعلا... أنا في الغالب بنط السطور لصغر الخط...أما لو الأفكار متشابهه فبنط المقال كله..تحياتي ليك

سلاااااااااااااام

Pakinam Nasser يقول...

هو واضح يا استاذ محمد ان الشخص (GHOST) ده مريض ، الحقيقة انا قررت ان ارد على تعليق حضرتك هنا قبل ما ارد فى مدونتى لانى لم ارد ان انتظر حتى ارد على باقى التعليقات ، انا فعلا مش عارفة اشكر حضرتك ازاى على تعليقك الرائع ، طبعا انت محق بس يمكن عشان انا جديدة فالموضوع كان غريب عليا ، انا لم اتعامل مع مثل هذه النوعية من البشر من قبل ، بس كلمات حضرتك بجد شجعتنى و انا فعلا هغير عنوان الموضوع ، لانها فعلا تجربة و الحمد لله اديتنى ثقة اكتر فى نفسى بوقوف بقى المدونين معى ، اشكرك جدا و اتمنى ان اكون عند حسن ظنك دائما

ALiaa يقول...

أيوة نفسي في خير الكلام ما قل و دل يبقي شعارنا

mesh2dra يقول...

السلام عليكم

فعلا خير الكلام ماقل ودل
خلاص االواحد معندوش وقت
يقرا الجورنال كله
استحالة
وبعدين..الاهرام
ده عفي عليه الزمن خلاص
مافاضلش غير شوية ناس يتعدوا علي الصوابع ينفع يتقرالهم
والباقي اعلانات

Mohamed A. Ghaffar يقول...

دينا فهمى
ده انت عندك اللى يجيى هيتعقد دى شده اللإختصار مش الإختصار

ميمو
مره تانيه انشاء الله وانا على اى حال يهمنى وجودك بغض النظر عن ترتيبه ، انا اتعلمت من ثروت اباظه انا مغلطش غلطته واسيب نفسى اقرا اللى يعجبنى وواطنش اللى ميعجبنيش

فريدة
لا مش اول واحده ولا حاجه انا بس مكنتش لسه نشرت التعليقات ، مبنعملش كده لأن ثقافتنا مش كده الوقت ملوش اى قيمه ، انا بتابع الأهرام على النت فى كتاب ومقالات لابد انى اتابعها مهما كان ، المصرى اليوم بتابع فيه الأخبار بس انما فكر وكتابات لا

يعنى هى دعوه ان كل واحد يراجع كلامه قبل مينشره ويشيل اللى يشوف انا لا يخل بالسياق

رانيا
عيب فى الأثنين الحقيقه ، متشكر على اطرائك الصوره هى الأحدث وبتاريخ 2007-01-13

مجهول
تعليق ما قل ودل ده

أحمد
محدث بيختلف مع حد على طول الخط انما احترام الخبره والأحتراف واجب ، بيكتب فى الشرق الأوسط يومياً بس مش فى السياسه

الدكتور
التنظير وشرح الفكره شئ ، والتطويل الذى لا لزوم له شئ اخر

حلم
وسام على صدرى ، انا لم اطالب عزيزتى بالأختصار انا فقط اطالب بحذف اللت والعجن ، وتوقفى فوراً عن قراة ما تحبيه فقط هذا خطأ ثقافى عميق

IRC President
هاهاها اربعين ، يا سلام ده الجرنال هيبقى كلمتين وبس

ريمو
انا بطق مثلك كلام طويل عريض وخلاصته تتكتب فى جمله

لونلى
غلطان لازم تبص ، والمصداقيه دى مشكله رهيبه فعلاً بس منقضرش نقاطعها وصاحب العقل يميز

احمد اخويا
هو يا تن تن يا تن تن

كوكو
اوافق تماماً على حكايه الخط دى انا بتعمى

بينو
ليه يا ترى؟

خالد
لا هو بطل كبارى خلاص ، بس فى صفحات تستحق بردو وكتاب تستحق

أثناء الحياة
مش اوى كده

سمباتيك
انا كمان زييك

a.samir
الدستور ينهار منيل انا مبعتبرهاش صحافه من اى نوع غي صحافه صفراء ، وعارف ان الدنيا هتتقلب على دلوقتى بس اللى يحصل يحصل

خالد
ياريت يا خويا ياريت

حائر
موات صح اكلينيكياص خلاص فعلاً وشكراً لموافقتك الراى

احمد المبرمج الحر
الله يسامحك ، على فكره انا مش بعرف اعلق عندك خالص كل اما اعلق الأكسبلرور يقفل تفتكر ليه

ياسمين
فاكر ونادى زى من عاوزه انت عارفه بقى بيت الشعر المشهور

سمسم
صدقت

كوبا
اللى من المتطلبات مفيهوش مشكله كشرح او تمثيل انما التطويل هو المشكله

رانيا
لا مش كتير

زوردياك
ربنا يديم المعروف

نبيذ
التطويل مشكله ، وعدم المصداقيه كارثه عندك حق

شيرمين
ان كان اختصار غي مخل فما احلاه لديق الوقت فعلاً ومتشكر على الأستجابه

نمنمايه
اكيد قاله بس ده فى دمه ، وانا بقرأ جرائد الحكومه وانا فى كامل وعيى

الدكتور
روح يا شيخ ، اشوف فيك تاج

توته
بس مش هيعملوا

خالد وليس بخالد
اولاً بلاش استاذ ، ثانياً عشان احنا مش فى دماغهم اساساً

Esmeralda
التنين يا فندم

دكتره
انت بتتكلم عنى لا عن نفسك ، انا مش عارف استعمله ازاى

ساره زهرة التيوليب
مش اما يبقى يشفونا يقولا كده ، احنا مش فى حسابتهم من الأساس ومش مكلفين نفسهم يقولوا اخبطوها فى الحيط

كبير المتشردين
مش موافق معاك فى الحته دى ، وربنا يروق بالك وتفضالنا

كراكيب
متشكر اوى اوى

جوست
رد السؤال . . لأ

شارم
انا الصراحه مش عارف اتعود

سوسه
خطوه عزيزه نادره ، دى بقى مشكله المشاكل يتلاقى الدنيا كلها بمبى يا كلها اهلى يا كلها سواد

خالد
نورتنى يا باشا واتمنى اكون عند حسن الظن

خالد وليس بخالد
انشغال لا اكثر وشكراً على السؤال

الفتاه العربية
اشكرك

جيبسون
لازم نواكب الكلام ده احنا كمان بقى

ريرى
الله يسلمك وموافقك

باكينام
لا شكر على واجب يا فندم ، بس بلاش تغلطى فيه وتقولى مريض والكلام ده ملوش لازمه ولا هيقدم ولا هيأخر ، وبلاش كمان استاذ

علياء
مش باين

مقدرش
عليكم السلام
فعلاً مفيش وقت خالص ، صوابع اليد الواحده معاكى حق

Mohamed A. Ghaffar يقول...

تامر نبيل
اسف الرد على تعليقك سقط سهواً

معك حق انا اهتم بالمقالات اكتر من اى شئ اخر

غير معرف يقول...

A片,A片,成人網站,成人影片,色情,情色網,情色,AV,AV女優,成人影城,成人,色情A片,日本AV,免費成人影片,成人影片,SEX,免費A片,A片下載,免費A片下載,做愛,情色A片,色情影片,H漫,A漫,18成人

a片,色情影片,情色電影,a片,色情,情色網,情色,av,av女優,成人影城,成人,色情a片,日本av,免費成人影片,成人影片,情色a片,sex,免費a片,a片下載,免費a片下載,成人網站,做愛,自拍

情趣用品,情趣用品,情趣,情趣

情趣用品,情趣用品,情趣,情趣,情趣用品,情趣用品,情趣,情趣,情趣用品,情趣用品,情趣,情趣,情趣用品
情趣用品,情趣用品,情趣用品,情趣用品.情趣,情趣,情趣,情趣.
視訊聊天室

情色,AV女優,UT聊天室,聊天室,A片,視訊聊天室


UT聊天室,視訊聊天室,辣妹視訊,視訊辣妹,情色視訊,視訊,080視訊聊天室,視訊交友90739,美女視訊,視訊美女,免費視訊聊天室,免費視訊聊天,免費視訊,視訊聊天室,視訊聊天,視訊交友網,視訊交友,情人視訊網,成人視訊,哈啦聊天室,UT聊天室,豆豆聊天室,
聊天室,聊天,色情聊天室,色情,尋夢園聊天室,聊天室尋夢園,080聊天室,080苗栗人聊天室,柔情聊天網,小高聊天室,上班族聊天室,080中部人聊天室,中部人聊天室,成人聊天室,成人