الجمعة، 5 ديسمبر، 2008

تنضيف تنفيض مش عايز


احب العيد وفرحته والتى اختلفت مظاهرها وطقوسها فضلاً عن مشاعرها فى قلبى عده مرات بإختلاف مراحل عمرى ، انما لم يختلف ابداً كرهى الشديد لمقتضياته من تنظيف وتنفيض وقلبة البيت رأساً على عقب لا بإختلاف عمرى ولا بختلاف القائمين على العمل نفسه ، فمنذ نعومة اظافرى وحتى شارفت على السادسه والثلاثين وانا الا اطيق هذه الطقوس "وان كان يعجبنى شكل البيت بعدها" كذلك لم استسيغ هذه الأجرائات ولم استسيغ مايصاحبها من عصبية ونرفزه اجدها غير مبرره لم استسيغ الطقس كله لا من جدتى ولا امى ولا خالتى ولا عمتى ولا زوجتى ولا حتى عند الجيران .


للعمل فى قلبى حب كبير لدواعى عده ابسطها ان عملى هو انا فتقييمى على اى مستوى يعتمد على ما اعمل ونتائج هذا العمل ، وليس فى محل عملى فقط يؤثر هذا التقيم وإنما فى بيتى واسرتى وبين اهلى وجيرانى واصدقائى وحتى بينى وبين نفسى ، ولكنى امقت العمل يوم الجمعه "يوم اجازتى الأسبوعية اليتيمة" ولا استسيغه وأفر منه فرارى من المجزوم حتى انى امقت من يقبل ان يعمل الجمعه وامقت ان اقوم بأى واجبات فيه وليس مجرد الذهاب للعمل وان حدث فاكون كدراً نكداً غاضباً اتشاجر مع اطياف الهواء ، حقاً أنا اكره العمل فى هذا اليوم.


للحقيقة فأن زوجتى تراعى هذه النقطة وتتجنب اياً من هذه الأعمال فى يوم الجمعه مراعاة لشعورى وحرصاً منها على توفير اكبر وقت لتجمعنا كأسرة، اما يوم جمعتنا هذا فصادف انه على مشارف العيد وبدايه الطقوس التنظيفية والتنفيضية فلا مفر من البدأ فيه بهذه العمليات، كما صادف قراراً من ادارة عملى بجعله يوم عمل عادى فضلاً عن السبت حتى يستنى لنا انا نحصل إجازه من العمل اعتباراً من وقفه عرفات المعظم وحتى السبت الذى يليه ، وعليه فأنا فى عملى الأن ورغم هذا فأنا لا اشعر بالكره فى قلبى لحضورى اليوم وفتشت فيه عن اى ذره لمقت او ضيق فلم اجد بل على العكس تماما أجدنى سعيداً منتشياً طلقاً مقبل على الحياة والعمل انثر ابتساماتى على كل من صادفنى فعملى اليوم سيعفينى من سماع عبارة


ارفع رجلك عشان امسح تحتهم

.

هناك 9 تعليقات:

خمسة فضفضة يقول...

السلام عليكم ورحمة الله وبركاته

هههههههههه

ايوه ماهو انت لازم تقول كده ، ما انت لا بتنضف ولا بيتهد حيلك في تنفيض سجاجيد ولا بيتقطم ظهرك في مسح وكنس


:)))))))))

بس بيعجبك شكل البيت بعد العمليه الاستشهاديه دي وخلاص

طيب مشاركه وجدانيه منك ماتحسسناش انك ممتعض ومتكدر ومنتش طايق ايام التنضيف

جنّي يقول...

السلام عليكم

ومين سمعك الظاهر ان كل الرجالة عجينة واحدة ..
ما عدا نوع واحد وهو الذي يقوم بالتنظيف ..

nancy يقول...

السنة الجاية على عرفات و ترتاح بردو من التنفيض

كل سنة و انتم بخير

وميض ابتسامة يقول...

انا قلت كدة من الاول .. انت مزوغ من البيت واللى فيه ..!! وتعمل فى سعادة بالغة بعيدا عن كل ما ينغص عليك هناء عطلة الجمعة الحبيبة
والله برافوا على الشغل بتاعك اللى انقذك من هذا اليوم ....
كل سنة وانت طيب وعيد سعيد علينا جميعا
والسلام عليكم

محمد الجرايحى يقول...

أخى الفاضل
السلام عليكم ورحمة الله وبركاته
كل عام وأنت بخير
وإن شاء الله عيد سعيد ، وأوقات طيبة
تقبل تقديرى واحترامى
أخوك
محمد

رئـــــيسـة حزب الأحلام يقول...

كل سنة وحضرتك طيب
بس التنفيض قبل العيد دة لازم
البيت لو ماتنفضش مش هتحس بالعيد
عارف انا يوم التنفيض دة بيبقى يوم صعب اوى اقول لوادى لو سمحت عايزين نفضى المكان دة وكل مايروح فى حتة ابقى ملاحقاه وفى الاخر يقولى انتى مش عايزة تريحينى
معلش انتم بقى تستحملوا
تحياتى لحضرتك

مـحـمـد مـفـيـد يقول...

حبيبي
انا مره كتب كده علي الفيس بوك
كانوا هيبيحوا قتلي
:))
كل سنه وانت طيب

صبرني يارب يقول...

يا لهويييييي

غلطانه هى غلطااانه

المفروض كانت قالتلك قوم علق الستاير قوم نفض معايا السجاجيد قوم شيل المرتبه دي كده يعنى

بدل ما انت قاعد ممتعض قال ممتعض قاااااااال

او كانت قالتلك قوم شوف حاجه تتغداها انت وعيالك عشان مش فاضيالكم

ولا هاتلي خدامه بدل القهر ده

ولا قوم اصلا نضف معايا ماهو بيتك برضه هو يعنى بيت الجيران

مش تقولك شيل رجلك امسح تحتها ايه المولد ده

اما رجااااااااااااله صحيح

كائنات أنويه كلكم

ممكن تليفون المدام عشان انا باحب اهدي النفوس ؟؟؟

اه يا اديا الى واجعاني من التنظيف

محمد ابراهيم يقول...

ما هي دي بقت مظاهر العيد الاعتيادية
و الاجرائات الاستراتيجية الطارئى
كل سنة و انت طيب و عقبال كل سنة