الخميس، 7 أغسطس 2008

كلمتين فى السريع


بإستثناء شبهة التربح فى المثلث وحقيبة الأسعاف نحتاج لتفعيل نصوص قانون المرور فعلاً رغم انها علينا بس ، فلم توضح مثلاً عقوبة ضابط المباحث الذى يجبر ميكروباص ما بالخروج معه فى مأمورية عمل او امر شخصى دون مقابل ، كما لم تحدد سقفاً لمقابل إسترداد الرخصة من طقم المرور فى الكمين

هناك فرق بين القتل الخطأ والقتل العمد وبين القصاص والأخذ بالثأر وبين رفع رايه طلب الحق والمتاجرة به وبين روح القانون ونصوصه ، فروق لم يأخذها احد فى إعتباره أثناء تناول موضوع الحكم المشبوه فى قضية العبارة السلام

فى الإنتخابات البرلمانية الأخيرة عام 2005 حصد الأخوان 88 مقعداً من اصل 150 تنافسوا عليها وأعتُبِر تفوقاً وقتها ، وشارفت الفترة على الإنتهاء وتفوقت خسائرهم فى هذه المغامرة على ارباحهم تفوقاً كاسحاً

حسدناهم ، الموريتانيين اعنى

ان زئير الأسود فى فارس يزعج الملك النائم فى واشنطن دى سى

بدام الشعب طاطا واخد زر البطاطا يبقى مفيش منه رجا . . مثل شعبى سوقى مُحَور
.

هناك 23 تعليقًا:

مـحـمـد مـفـيـد يقول...

تبقي يا محمد أحد الاقلام التي استمتع بمواضيعها
كلمتين ولكن يحملون ابدع التصورات

حكايه المثلث والادوات الهندسيه والصندوق الطبي والحوارات دي هقلك حاجه واحده بس
الصيدليه اللي عندي عليها اعلان انها تبيع الشنطه الطبيه وفي حديثي مع الدكتور أكد لي ان كل الشنط الموجوده غير مطابقه للمواصفات
وللعلم الكل بيشتريها من الصيدليه بداعي انها الصالحه
حكم العباره من اوله لاخره كله أخطاء جسيمه ولا تعلم لماذا خرج هذا الحكم
كما قلت ان الاخوان بوصولهم لمجلس الشعب وحصولهم علي هذه الكراسي ما هي الا هو كان اقصي طموحهم والدليل ما هو عليه حالنا الان
الموريتانيين خدوا عين من الاخر
الباقي
:)
لا تعليق

bastokka طهقانة يقول...

تفعيل؟؟؟؟ نصوص؟؟؟؟ القانوون؟؟؟؟

يعني اية سيادتك؟؟
القانون ده على الغلابة بس انما اللي في جيبه خمسة جنية يقف صف تاني عادي جدا و يظرف العسكري الخمسة جند و يا دار ما دخلك شر


و سلملي على التفعيل


اوروفوار

عصفور المدينة يقول...

لم أصدم بما حدث في موريتانيا

Unknown يقول...

اه والله عندك حق يا استاذ محمد
ونستاهل اكتر من كده كمان
طالما ساكتين وحاطين لا مؤاخذة في بؤنا

غير معرف يقول...

أخي العزيز أنا موريتاني ولأن فهمـي للهجة الـمصرية ضعيف فأود لو تشرفت و شرحت لي قصدك من ربط ما جرى مع إخوانكم بـما يجري أو جرى بـموريتانيا
ولك ألف شكر

قوس قزح يقول...

خير الكلام ما قل و دل :)

سمراء يقول...

العنكبوت فرد خيوطه على الزمم من قلة استعمالها
والناس من كسلها قالت دي خيوط حرير

سمراء

خمسة فضفضة يقول...

السلام عليكم ورحمة الله وبركاته

يارب نبطل نزرع بطاطا بقي خلينا نعرف ناخد حقوقنا نمشي رافعين راسنا

سلام

Ola يقول...

مش فاهمة كلامك!! يعني إنت موافق على الحكم في قضية العبارة ولا أنا متهيألي؟

غير معرف يقول...

أخى الفاضل : محمد عبد الغفار
السلام عليكم ورحمة الله وبركاته
هناك حالة من فقدان الثقة بين المواطن والحكومة .. ومهما فعلت الحكومة لن يصدق المواطن الغلبان المطحون أنها تعمل لصالحه
خبرات الأيام والسنين تنفى ذلك .

أخوك
محمد الجرايحى

وميض ابتسامة يقول...

عايز تصلح شىء يبقى لازم تصلح الشىء ولزوم الشىء..قانون المرور ماهو الا اسلوب جديد ولكن للاسف غير منظم فقد تم طبخه فى استعجال ..وعشان كدة تحس انه ملوش طعم ومفيش حد مستريح له ..
لو القانون ده من أجل تنظيم الشارع المصرى فعلا ..كان كل مصرى ساعد حتى ولو كان على نفسه..لكن للاسف كل شىء زى ماهو ..شوارع بايظة ..ألارصفة لغير المشاة..عساكر مرور وكأنهم من كوكب تانى
الناس مش عارفة تعدى الشارع لان مفيش اسلوب منظم وحضارى لهذا من أصله..لازم تعدى وهى بتنط وتجرى وتحجز وهى وحظها ياصابت ياخابت ..

اما عن الاخوان ..فحدث ولاحرج.
تصرفاتهم غير مريحة بالمرة.. ومكاسبهم السريعة ..اصبحت مقابل خسائرهم الاسرع.. ياريت تكون النوايا فعلا لله وليس لاغراض ومكاسب دنيوية!!

والسلام

عاشــــــ النقاب ـقــــة"نونو" يقول...

السلام عليكم
واحد من بتوع المرور في التليفزيون قال ما تشتروش دلوقتي لشنط ولا غيره وغيره قال اندي اصلا ولا لها لازمة ومش هي دي المطابقة للمواصفات العالمية
واهو ناس بتسترزق على قفانا
واحسن حاجة ان اللي معاه عربية يركنها لحد الامور ما تهدى
حكم العبارة مش هقدر اقول غير حسبنا الله ونعم الوكيل
الاخوان ربنا معاهم ومعانا
موريتانيا بقى مش عارفة ليه مش عارفين نعمل حاجة احنا كمان
تدوينة على السريع بس مليانة
كل عام وحضرتك بخير
تحياتي

AHMED SAMIR يقول...

طيب بتقلب علينا المواجع ليه
احنا شعب نستحق اي حاجة في الدنيا
والله لو قرروا كلنا نركب حمير بدل العربيات سنفعل طائعين
عندي موضوع في المدونة عايزك تقول لي رأيك
تحياتي

يا مراكبي يقول...

إنت قلت كلمتين بس .. دول طلعوا أكتر من 5 كلمات .. هههه

ياريت بقى تفرد بوست مخصوص لمووضوع البطاطا وهو الموضوع الأهم في اللي إنت ذكرتهم هنا دول

سبهللة يقول...

عداك العيب وأزح

بنوتة من وسط البلد يقول...

بعد كل الى حصل
وبعد كل الكلام الى اتقال
يا ليتنى كنت موريتانيا :)

مصر يا موكوسه .....يا مزارع الكوسه يقول...

بسم الله الرحمن الرحيم
اقوم ومجموعه من المدونين تكوين حمله لانقاذ اطفال الشوارع
التفاصيل هنا
http://awraqwasrar.blogspot.com/
نرجو انضمام الجميع

كلبوزة لكن سمباتيك يقول...

رمضان كريم
تحياتي

حزيــــــــــــــــــن يقول...

فى حاجات كتير مش بعرف اعلق عليها اقول ايه
تفتكر ليه ؟
هل بيكون الكلام اعمق من اننا نسطحه بتعليقات
ولا الوجع بيحطم كل قدرة على الكلام
ولا خلاص معادش الكلام بيفرق

قوس قزح يقول...

عايز تساعد نفسك و غيرك و بلدك
وعايز فعلا تبقى مشاركتك مش بس كلام
تعالى شارك معنا
التفاصيل هنا

http://kouskoza7.blogspot.com/2008/08/blog-post_12.html

او هنا

http://bekyaforsale.blogspot.com/2008/08/blog-post.html

صيد الخاطر يقول...

السلام عليكم استاذ محمد تحياتي لك
شرفت بمقابلتك من مدة

واول مرة ادخل عندك ولن تكمون الاخيرة باذن الله تعالى

وقفات رائعة والكلام بصراحة بيلخص الاحداث ببساطة


وبالنسبة للموريتانيين
شكلنا كده عنينا وحشة

تحياتي لك

غير معرف يقول...

ايه ده هو خير الكلام ما قل ودل على كده البوست الجاى هننتظر سلاحاسرائيل وازمة روسيا وجورجيا

كل خبر لوحده يجيب الضغط والسكر موريتانيا اللى متهنتش بالديمقراظية المزعومة
ولا ايران اللى بترقص دلوقت لان امريكا مشغولة مع الدب الروسى وسيباها تسلك بيها فى الاخر

وبعدين انتخابات ايه وهباب ايه يكفى ان البيه خالد الذكر ممدوح زفت كان عضو فى مجلس الشورى وعضو ايه وايه هو اه حاجات كتير وكلها بقرار رئاسى بس فى الاخر اللى بيمشى هو المسنود اى حاجة تانية متهمش ولا حتى راى الشعب بالانتخابات

بس هو كيلو البطاطا دلوقت بقى بكام يمكن ننفع نشتريه بدل الغلو ده

koukawy يقول...

كلها محسوبيات