الثلاثاء، 19 أغسطس، 2008

أنتخوا . . أنتخوا

..

تصدقوا ان فالدنيا بتاعتنا ديه موجود ناس بنى ادمين زينا بالضبط وعالم ثالث زينا بردو بالضبط ، وتخيلوا بقى كمان مسلمين زينا بالضبط وانجلترا أحتلتهم سنين طويلة يعنى زينا بالضبط ، والأكادة انهم فوق كل ده حاربوا حروب كتير أوى زينا بالضبط وايه بقى عندهم أقتصاد متطور وسلاح نووى ومعارضه قوية ورئيس دوله بيستقيل

بعد مراجعة الموقف واستشارة المستشارين القانونين، والحلفاء السياسيين، قررت الاستقالة معتمدا على نصيحتهم
برفيز مشرف رئيس باكستان

مش زينا بالضبط

);

.

هناك 20 تعليقًا:

خمسة فضفضة يقول...

السلام عليكم ورحمة الله وبركاته

طبعا طبعا هو حضرتك شاكك في ايه

دا بالظبط ...بالظبططططططططططططط

مـحـمـد مـفـيـد يقول...

ومسئولين ورؤساء بيحسوا
مش زينا بالظبط

عصفور المدينة يقول...

ما تستعجلش يا محمد
وعلى كل حال هو الشعب هناك مسلح يعني مش قانون وكدة

وميض ابتسامة يقول...

ايوة تم احتلالنا مش من الانجليز وبس ..
مصر طول عمرها محتلة .. من الاغراب ومن أهلها...!

mhg1962 يقول...

أخى :محمد
مشرف أصبح كارت محروق واستنفذ دوره ووصلته الأوامر من البيت الأبيض..
الزم بيتك ..وتم التنفيذ

لماضة يقول...

ايه ده هو فيه ناس كده
انا فكرتهم انقرضوا
او لغوا موضوع استقالة الرؤساء
ده حتى الموت بدأت اشك انه بقى محصور لعامة الشعب بس اللى هما احنا ولا مؤاخذة

amr يقول...

اية دة ؟؟؟؟؟ دة مش مقياس يا استاذ انت فاكر ان اللي عملة بوريز مشرف دة صح !!! ؟؟ ؟ ؟؟ ؟؟ ؟ ؟
لالالالالالالالالالالالالالالالالالالالالالالالالالالالالالا


لآ طبعا ..... دة من الكبائر ... الشرع مقالش كدة يا استاذ ....

شرع الدكتارورية مش بيقول كدة ...


الراجل برويز دة ولا بربريز مش مذاكر كويس ... دة مش مذاكر اصلا :(((

دة اسمة كلام برضة ؟؟؟؟؟

Frustrated يقول...

يعني....بس أنا برضو رأيي إن استقالة الراجل ده تحديدا مش بوازع ضمير ولا حاجة! هوه لأه نفسه حيتخلع فقال يمشي بكرامته و يحافظ على تاريخه!!!

عاشــــــ النقاب ـقــــة"نونو" يقول...

ههههههههههههههههههه
اصلك مش عارف
الظاهر ما عدتش مفيد خالص فاحبابه قالوله اركن على الدكة انت دلوقتي

كل عام وحضرتك بخير
خلينا مانتخييييييييييييين

farida يقول...

N.B
أو ملحوظه " علشان متقولش عليه معووجه"
:)
طريفه للغايه

سمراء يقول...

الورطة كبيرة لو استقال زي دة بالضبط هيتقطع من 70 مليون واحد

هو كدة محمي

سمراء

سمر الشافعى يقول...

كل سنه وانت طيب يااستاذ محمد

Epitaph يقول...

احنا مالناش زي
:D

Esraa Hamed يقول...

ان الله لا يغير ما بقوم حتي يغيروا ما بأنفسهم

أول زيارة لي لمدونة تحضرتك
و اللي بجد مميزة جداااااا


تحياتي

ahmEd_H يقول...

بلاش الكلام الفاضى دا
انت عايز الناس تقول علينا بنقلد باكستان !!!

دكتور حر يقول...

تكه حلوه

من الراجل صاحب كوكتيل الجنسيات

بس برضه لسه في أمل

يا راجل

:))))))))))

دنـيـا محيراني(ايناس لطفي يقول...

احنا فين وباكستان فين دول ناس بيحاولوا يكونوا حاجه ويعملوا حاجه عليها قيمه اما احنا ------ لا تعليق
---------------
كنت منور الحفله والله يا فندم

سبهللة يقول...

على فكرة
احنا مافيش زينا بالظبط
احنا دولة فلته
قصدى احنا عزبة فلته مالهاش زى

صانعة الأحلام يقول...

may be

مظنش انه في حد زينا بالظبط

غير معرف يقول...

في خلال الثلاثين عاما الماضية تعرضت مصر الى حملة منظمة لنشر ثقافة الهزيمة - The Culture of Defeat - بين المصريين, فظهرت أمراض اجتماعية خطيرة عانى ومازال يعانى منها خمسة وتسعون بالمئة من هذا الشعب الكادح . فلقد تحولت مصر تدريجيا الى مجتمع الخمسة بالمئه وعدنا بخطى ثابته الى عصر ماقبل الثورة .. بل أسوء بكثير من مرحلة الاقطاع.
هذه دراسة لمشاكل مصرالرئيسية قد أعددتها وتتناول كل مشاكلنا العامة والمستقاة من الواقع وطبقا للمعلومات المتاحة فى الداخل والخارج وسأنشرها تباعا وهى كالتالى:

1- الانفجار السكانى .. وكيف أنها خدعة فيقولون أننا نتكاثر ولايوجد حل وأنها مشكلة مستعصية عن الحل.
2- مشكلة الدخل القومى .. وكيف يسرقونه ويدعون أن هناك عجزا ولاأمل من خروجنا من مشكلة الديون .
3- مشكلة تعمير مصر والتى يعيش سكانها على 4% من مساحتها.
4 - العدالة الاجتماعية .. وأطفال الشوارع والذين يملكون كل شىء .
5 - ضرورة الاتحاد مع السودان لتوفير الغذاء وحماية الأمن القومى المصرى.
6 - رئيس مصر القادم .. شروطه ومواصفاته حتى ترجع مصر الى عهدها السابق كدولة لها وزن اقليمى عربيا وافريقيا.
ارجو من كل من يقراء هذا ان يزور ( مقالات ثقافة الهزيمة) فى هذا الرابط:

http://www.ouregypt.us/culture/main.html