الاثنين، 30 يونيو 2008

ومازال فى العمر بقية . . للأسف

.  
فى الشهر الماضى كانت الإغفائة بين يدى الحلاق ، واقصى ما قد يصيبه فى هذه الحاله هو ان تطيش يد الحلاق بالمقص فى رأسه لتفسد القصه وهذا هين ، اما اليوم فكانت إغفائته على عجله القيادة لتطيش السيارة وتطيح بيافطة وإحدى الأشجار متوسطة العمر على جانب الطريق الأيمن وينتبه ليتفادى باعجوبة السيارة المارقة جواره ويحمد الله ان لم يكن هناك غيرها والا كانت حادثة مروعة بعد ان استعرضت سيارته الطريق ودارت فيه قبل ان تتوقف على جانب الطريق الأيسر

لم يعجل لسانه بالشهادتين والتى كان دائماً سباق لها فى مثل هذه المواقف حتى وان كان نائماً واستيقظ فجاه على صرير المكابح !! فيما يبدوا انه قلبه مثقل ببعض الأثام ولاأجد غير ذلك تفسيراً ولابد هنا من وقفه مع النفس يراجع فيها افعاله ومواقفه

بعد ان أفاق بين يدى الحلاق صب جام لومه وغضبه على اخرين لأنه ما وصل لهذه الحاله الا بفرط الجهد الذى يبذله للصراع من اجل البقاء داخل الدوامه الجهنمية المفروضة علينا عن عمد لتلهينا وتصرفنا عن التفكير فى اى شئ سوى البقاء ، وما وصل لها إلا بفرط الجهد الذى يبذله فى جبر النقص والتقصير فى عمل الأخرين الذى يؤثر بالتبعيه فى نتاج عمله محاولة منه لأخراج الصورة النهائية بأى شكل حتى ولو كان مشوهاً ، أما اليوم فقد اضاف نفسه لقائمة مستقبلى لومه وغضبه فهى تستحق ذلك حقاً

لم يُصب بخدش وكان ينبغى ان يكون فى عداد الموتى ولكن الله سلم فمازال فى العمر بقية رغم أنفه وانف السيارات المسرعة وانف الإجهاد وأشجار ولافتات الطريق
.

هناك 31 تعليقًا:

غير معرف يقول...

لقد صار النوم حلماً صعب المنال بعدما أصبح أفضل هوايات معظم البشر .. ألف سلامه ياباشا وربنا يستر علينا

أحمد زكي

رفقة عمر يقول...

حمدا لله على سلامه حضرتك
الحمدلله ان حضرتك بخير
ودة اكيد بيكون انذار علشان تعلم ان لبدنك عليك حق كما قال الرسول صلى الله عليه وسلم
ربنا يحفظك لاولادك ولزوجتك اللهم امين

عصفور المدينة يقول...

الحمد لله رب العالمين
عفا الله عنه وأما عدم سبق الشهادة ربما أراه ادخر للموت الحقيقي آمين

دفعت تمن الشجرة واليافطة ولا لأ؟
:)
يا حبيبي تعلمت منذ ثلاث سنوات أن العالم لا ينهار عندما نتوقف عن العمل في موعد نهاية العمل بل نعود من غد أكثر نشاطا

علا من غزة يقول...

يا ربي !!!

حمد الله ع سلامتك بجد !!!

ابقى خد بالك من نفسك شوية ... فيه ناس كتير عايزينك لسه ...

ربنا يخليك خد بالك على نفسك

تحياتي

Unknown يقول...

الموت هو الحقيقة الوحيدة فى حياة البشر
ورغم ذلك نغفل عنها....

مابين النوم واليقظة تاهت الحقائق
ونسأل الله العفو والعافية

حفظك الله ورعاك

أخوك
محمد الجرايحى

غير معرف يقول...

الموت هو الحقيقة الوحيدة فى حياة البشر
ورغم ذلك نغفل عنها....

مابين النوم واليقظة تاهت الحقائق
ونسأل الله العفو والعافية

حفظك الله ورعاك

أخوك
محمد الجرايحى

خمسة فضفضة يقول...

السلام عليكم ورحمة الله وبركاته

الف حمد الله علي السلامه

بس الشجره المسكينه ذنبها ايه انك مش واخد كفايتك في النوم اهي كده فديتك بعمرها
الحمد لله

بالمناسبه مش عاوزه اتعلم السواقه رغم الالحاح المستمر من زوجي عشان يوفر تمن السواق اللي بيجبهولي لما اروح اي مشوار لاني كل ما اركب اي عربيه لازم ولابد اروح في النوم فورا فاحفاظا علي ارواح الاشجار بارفض بشده
:))

سلام

رئـــــيسـة حزب الأحلام يقول...

حمدا لله على سلامتك
وربنا يكفينا شر الطريق كانت هذة دعوة جدتى لنا دائما

تحياتى لحضرتك

Ahmad Hegab يقول...

:)

Alf million salma ya Mohamed Basha

subhan Alla

lisa bafkr feelmodo3 da la2ny banam daimn we 2arrt akhreen eny mesh 7aroo7 shiftat el night by car !!!

elhamdlelaah rabna salem

ma 3lina يقول...

ايه ده .. ؟؟؟

الف حمد لله على السلامة .. والحمد لله على البقية في العمر لا اسف عليها ولا حاجة .. دي نعمة تستحق ان تشكر

لسه في العمر بقية عشان تزود الحسنات وترفع الدرجات .. اعانك الله ووهون عليك الصعاب

يخلي باله بقا وهو بيسوق بعد كده

الطائر الحزين يقول...

حمدا لله على السلامة
الحمد لله انك بخير

كلما اركب سيارة و تضرب فرامل اتشاهد واتساءل هل سيختم الله لى بها؟؟

قوس قزح يقول...

ان لبدنك عليك حق و شكله هياخده حتى لو بالراحة الابدية

حمدلله على سلامتك

عدى النهار يقول...

ربنا سلِّم

ألعن شىء هو إنشغال الإنسان عن نفسه وما فيه صالحها فى ادنيا والآخرة وإن كان للأسف بيحدث كتير

ربنا يجعل عدم السبق بالشهادة إدخار لها للموت الحقيقي كما قال عصفور المدينة

غمض عينيك يقول...

مش فاهم الكلام دا عليك فعلا
دا لو كده يبقى بجد الف الف سلامة عليك
يانهار ابيض...خد بالك شوية
الف حمد الله ع السلامة

أحمد الشمسي يقول...

لا يا أستاذ محمد، لحسن حظنا نحن أنه مازال في عمرك بقية، أطال الله في عمرك وحفظك من كل شر.

شــــمـس الديـن يقول...

يا ربنا !!!!!!!!!!!

حمد لله علي السلامة و معلش انا بعتذر اوي انها متأخرة بس بجد لازم تاخد بالك و تخلي بالك من نفسك اكتر من كدا

و ان لبدنك عليك حق و ياسيدي الدنيا مش هتخرب لو اخدت اجازة يوم ولا حاجة تنام فيه

الف لا بأس عليك

lonely يقول...

استوقفتنى عبارة عدم النطق بالشهاده من شخص اعتاد النطق بها فى كل الاوقات
قد تكون فعلا ذنوب وربما كل ما حدث تذكير من الله
حمدالله ع السلامه

Unknown يقول...

الحمدلله ان ربنا سلم

ألف حمدالله علي السلامه

يا مراكبي يقول...

قدر الله وما شاء فعل .. حمدا لله على سلامتك .. أعي تماما عدم القدرة على الراحة رغم الحاجة الماسة لها .. فهناك من المهام ما يستحيل التغاضي عنه وإلا أدى تركها إلى كارثة

بنوتة من وسط البلد يقول...

قدر الله وما شاء فعل
والف حمد الله على السلامة يا فندم

ويا رب تكون فصة قصيرة وليست حقيقة

ع العموم اكيد اللمبة بتاعة اليافطة كانت مطفية :)

ويا عزيزى حاول الا تنغمس فى اعماق التجربة حتى لا تصاب بالاحباط ولعلها انذار للرجوع الى ما قد تركته فى طريقك

واقصد هنا الاشارة الى انت كسرتها طبعا :)


الف حمد الله على السلامة

تحياتى

غير معرف يقول...

فاعط كل ذي حق حقه
وانت عارف الباقي بقي

أمينة زكى

kochia يقول...

ولكن الله سلم
الحمد لله علي السلامة

تحياتي

جسر الى الحياة يقول...

اكتشفت انى مقصرة جدا معاك انت دائم الزيارة وانا منقطعة عن العالم ولكن على راى بوستك السابق اننا فى كبد طول الوقت المهم اعتذر اولا عن التقصير
ثانيا الحمد لله على سلامتك وقضاء الله كله رحمة واحيانا كثيرة عندما يجدنا الله فى دوامة الحياة ينبهنا بشىء اعط لنفسك حقها عليك والله خير الحافظين
دمت بمودة

yasmina يقول...

فعلا وما زال في العمر بقية

الله اللي بيستر

تحياتي

سبهللة يقول...

الف حمدا لله على السلامة
كل دة من ارهاق الجرد؟؟

Jana يقول...

للأسف!!!!!!!!!!!!!!!؟

وقفة مع النفس
تقييم جديد للأمور
اعادة حسابات .."لاأقصد الجرد"
:)

أىٍ من هذا يدعو للأسف اذن؟

bastokka طهقانة يقول...

العمر مش بعزقة و لو ان اللي اتجوز يبقى مطمن انه مش حينفد
يعني لا حلاق و لا عربية
هو الساطور و دمتم
اوروفوار

دنـيـا محيراني(ايناس لطفي يقول...

انا ماكنتش عارفه الموضوع كده واضح اني بقيت مقصره جدا في حقك وحق متابعه مدونتك حمد لله علي سلامتك والحمد لله علي كل شيء - كلنا محتاجين وقفه مع النفس
ربنا يعينا جميعا
تحياتي

•√أريـ السمر ـج√• يقول...

حمد لله على سلامتك
و و أن شاء الله لك العمر كله بطاعة الله
دمت بكل الخير

إيمان الحسيني يقول...

حمدا لله على السلامة
يستحق الحمد والشكر
في أحيان كتيرة باصحى الصبح وآخد قراري وأنا في السرير :
مش رايحة الشغل النهاردة
يمكن يكون بيأثر على نظرة رؤسائي ليا
بس ضميري مرتاح لإني - ولله الحمد وما شاء الله لا قوة إلا بالله - بامشي وأنا مخلصة شغلي
محتاجة أحس بالراحة
وغالبا بتبقى راحة نفسية أكتر منها بدنية

اللهم بلغنا رمضان

Ahmed Kamal يقول...

لا يوجد ما يدعو للأسف ، فكلنا ممهل ، و لا تأتي النهاية إلا بميعاد ، الحمد لله على السلامة ، و لعل أجمل ما في العمر هو الآتي .