الأربعاء، 21 مايو 2008

نقطة التلاشى


عندما تصل حاله احدهم الى ان يغفوا ورأسه بين يدى الحلاق ، فلا يدل هذا الا على انه اما يعيش سلام مطلق ولانهائى مع نفسه او ان الجهد والأرهاق أوشكا على قتله .

وهى كانت الثانية

وعند هذه النقطه تحديداً يتلاشى بكل بساطه ويسر اى أحساس بألم او معانة لديه او لدى الأخرين ، ويتضائل امام ناظريه كل المشاكل الحتميه فى حياته ، وتصم اذنه عن اى شكوى او تذمر من اوضاع وتصرفات وأخطاء شتى لا تروقه من اخرين سواء على المستوى الشخصى او على المستوى المجتمعى ولن ينشغل فكره بحال من الأحوال بأمور حكم وسياسة او غلاء وفساد او فقر وغنى أو أى شئ أخر فى العالم.
>

.

هناك 37 تعليقًا:

أميمة كامل يقول...

مش بالضرورة

مـحـمـد مـفـيـد يقول...

الجميع اصبح علي مقربه من نقطه التلاشي هذه

la3lahakhier يقول...

يعنى احيانا لكن اكيد فى امل ما موجود
كل التحية

Hypatia يقول...

يا سلام
يا بخته بجد بجد
اهو انا نفسي فى لحظه التلاشي ديه
انا قلوقه جدا لدرجه انى بافكر وانا نايمه وباصحي اكمل تفكير
:(

عصفور المدينة يقول...

غالبا المشكلة بتطلع الحلاقة مش مظبوطة
:)

شــــمـس الديـن يقول...

الحالة دي ليها شبيه في الطب و تفكسيرها بالبلدي كالتالي

الواحد لو ناقصة شئ بشدة و مش قادر يحصل عليه و لسة عايزة و هيتجنن لو محصلش عليه الجسم بيتأقلم , لو مثلا محتاج جدا للنوم و مفيش اي ظروف انه ينام ... الجسم بيفرز اشباه المورفين الطبيعي ... بتخلي الواحد حاسس - بالكذب - بانه جت له طاقة رهيفة بجئة ... بس بيدخل في مرحلة التوهان

المرحلة دي فعلا خطر , لانها شعور زائف بالسعادة و لكن الجسم بيكون ابتدي ينهار فعلياً, و لو منامش في خلال اسبوع بتحصل عواقب وخيمة

يعني ...

قوس قزح يقول...

لا و ممكن كمان يكون بينام لما حد يلعب له فى شعره و ده نتيجة انه و هو صغير اتعود وقت النوم امه تلعب له فى شعره
فكانت النتيجة ان اى حد يقرب من شعره ينام

زى ما احنا اتعودنا كده العلاوة = زيادة الاسعار

سمراء يقول...

أو في طريقة تانية انه يمارس اليوجا
اشكرك على الزيارة
سمراء

أمــانــى يقول...

يااااه هل يصل الانسـان لمثل هذه المرحلة من التعب ويبحث عن اى شئ للراحة حتى لو كان عند الحلاق ياااه لقسوة هذا الزمـان

خمسة فضفضة يقول...

السلام عليكم ورحمة الله وبركاته

عشان كده اللي اطلق مقولة النوم سلطان ما قلهاش مكن فراغ

المشكله بقي انه لو نام وهو تحت ايد الحلاق ممكن الموس يطول ولا حاجه وتبقي كارثه

:-)

Unknown يقول...

على الرغم من ان البعد عن اى مشاكل حتميه او مشاكل فساد او غلاء و الراحة من التفكير فى كل ما يعكر صفو النفس هذه الايام
الى ان بلوغ نقطة التلاشى هذه حقا نقطة قاسية على النفس
اتمنى لك التوفيق و النجاح فى حياتك

تحياتى

!!! عارفة ... مش عارف ليه يقول...

أعتقد أن نقطة التلاشي هذه جاءت على لسان عمرو عبدالجليل في فيلم حين ميسرة

الدبددددبات بتجري واحنا بنجري قدامها

ويطرح سؤال فلسفي

هم مش شايفناااااااااااا ؟

كريمة الفاسي يقول...

نقطة التلاشي او انها نقطة المصالحة
ان نقبل ما نحن فيه ولو وضعت نفسي مكان صاحبنا لنمت وبالمطلق،سواء منوراء حاجتي للنوم او لحاجتي للأمان
منذ ايام يحكي لنا صديق انجليزي مبرراً لماذا ينام في كل مكان يجلس فيه لأكثر من خمس دقائق فقد خرجنا في رحلة وعندما جلسنا للتناول الغذاء وجدناه نائم، واكمل هو حكايته مع النوم وراح يقص علينا كيف أنه نام في (المترو) وفي القطار وكيف ينام في الحافلات وكلما اهتزت به عجلات سيارة،
أما عن السبب فانه لايراه ظاهراً لانه يأخذ كفايته من النوم في كل حين
لكنه يقول انه يجد سكينته فيه
وللناس فيما يعشقون مذاهب

المـــفـــــــقــــــــوعـــــة مــرارتـهــا يقول...

سعيدة بمعرفة حضرتك في حفلة توقيع الكتاب ... شخصية محترمة بصحيح
تحياتي

Dr. Ibrahim يقول...

نقطة تلاشى
وقد تكون تسمم نتيجة سموم نمتصها يوميا

د/هيما

رفقة عمر يقول...

بتحتاج نقطه التلاشى وقت مانكون فى شدة الحزن والهم لانها تريحنا نوعا ما من التفكير

علي الالفي يقول...

ازيك ياعمى

لو تعرف انا محتاج مش نقطة التلاشي
مححتاج بقعة التلاشي
كلكوعة التلاشي

سنة التلاشي

اقول لك حاجة غبية قوي
نفسي ادخل في وضع الجنين بتاع المسلسل العبيط

بنت مصريه يقول...

وما يدريك
لعله يحلم بكوابيس
ههههههه

رئـــــيسـة حزب الأحلام يقول...

السلام عليكم
الواحد فعلا من كتر المشاكل ساعات بيشعر بتلاشى المشاكل عشان يقدر يكمل حياتة بس الواحد بيقدرش يطول عشان الواحد بيصحى كل شويه على مشكلة جديدة من مشاكل الحكومة
تحيات لك وسعدت برؤيه حضرتك

Jana يقول...

وده اللى بيخلى كتير يتعاطى حبوب تلاشى عن قصد من كتر همه وغلبه اللى زاد ..ومن كتر ما تعب فى التفكير فى حلول
لأنه ببساطة ملقاش حل

طب حضرتك حبوب التلاشى حرام وممنوعة قانونا
ومش ينفع اروح للحلاق
ازاى اتلاشى بقى ؟؟؟

جيهان علي يقول...

السلام عليكم ورحمة الله وبركاته

ليس في كل الأحيان يكون للأرهقا هذا التأثير الذي يصل غلى نقطة التلاشي
بل على العكس يكون له تأثير إفاقة من غيبوبة طويلة سبب هذا الأرهاق



تحياتي

مدحت محمد يقول...

كلامك ده اثار فيا النوم

تصبح على خير بلا سياسة بلا ارف انا مش قادر

عروسة ننوسة يقول...

تحياتى لك

باب النجار يقول...

تحياتى لك
بس انت كاتب ان هذه مدونة نظيفة
وبعد كام سطر كاتب
بلا دستور بلا نيلة
تفتكر نيلة دى كلمة نظيفة؟؟
ثم انت مقاطع الدستور ليه ؟؟
ممكن تقولى السبب؟
تقبل مرورى وبالتوفيق ان شاء الله

صباح الخير يا مصر يقول...

فى العمق . . . مكان للحرية
************************
انا معاك تماما فيما تقول فهذا هو الحال الذى تريده الحكومه للشعب عشان ما يبقاش عنده طاقه يفوق بيها على الحكومه
تحياتى

حائر في دنيا الله يقول...

كلنا هذا الرجل يا صديقي
..
وصلني الموضوع مطابق للحالة التي أعيشها تلك الأيام من إجهاد(والمشكلة أنه دون فعل حقيقي لشيء ما)ولذا نقطة التلاشي تلك تغلغلت حتى النخاع

لك تحياتي
السلام عليكم

الطائر الحزين يقول...

اكيد هيصحى لو استخدم الحلاق الموس

مبروك مدونات مصرية للجيب

انكسارات .. احمد البوهى يقول...

اصبحت نقطة التلاشى مبتغى يبحث عنه من ارهقتهم الحياه.. واثقلت بهمومها عليهم .. او ربما اكون اكثر دقة اذا قلت انها مبتغى لمناقحمو انفسهم بين ويلات المشكلات وعنائها
ــــ
وانا بقول الحلاقة سعرها زاد ليه ليه ؟؟؟؟ اتاريهم كانو بيقولو فوترنى وبلاش تلبسنى العمة... دالناس بتوع الضرايب طلع عندهم حق على كده
وانا اقول الحلاق عنده تكييف جايب مروحه ليه ؟ ودش وفيديو ؟؟
ـــــــــ
دا انا قعدت افسر فى كلمة ( فلان ده بيحلقلنا ) يجى سنتين اتاريها يعنى بيوصلنا لنقطة التلاشى
(:
ـــــــ
ارقى تحياتى
اخوك احمد البوهى

حزيــــــــــــــــــن يقول...

مش عارف اضحك ولا اسكت ؟

حزيــــــــــــــــــن يقول...

مش عارف اضحك ولا اسكت ؟

يا مراكبي يقول...

حلاق إيه بس اللي إنت رحتله ده .. ما الحال من بعضع .. وإحنا برضه بنحتاج حلاقين؟ إحنا حالقين طبيعي من زمان

راعي "شعوري" شوية .. ههههه

sara يقول...

حلوه اوي فكرة نقطة التلاشي دي
بس السؤال بقي بجد ليه مرتبطه بالحلاق عند الرجاله والكوافير تحت السيشوار عند الستات ..
اكيد في علاقه !!

دنـيـا محيراني(ايناس لطفي يقول...

حتي لو لم ينام تحت يد الحلاق اكيد نقطة التلاشي ديه بتجي لينا كلنا في ظروف مختلفه لما الدنيا بتتكالب علي الانسان
كلنا في حاجه لنقطه التلاشي و مش سرط يكون مش مشغول بل العكس ده هموم الدنيا كلها حوايا بس من كترها مش حاسس بنفسه ربنا يستر علينا

قوس قزح يقول...

لك عندى تاج ياريت تقبله .. بس تجاوبه و انت مش تحت ايد الحلاق :)

مصطفى حسان يقول...

"او ان الجهد والأرهاق أوشكا على قتله"

جمله في غاية الروعة ..
فعلاً أسلوب رائع وموضوع على قدر بساطة تناوله إلا أنه يحمل وراء هذه البساطه فلسفه عميقة

سعدت بزيارة مدونتك

دكتور حر يقول...

ياريته على قد الحلاق

FATMA يقول...

دي نقطة تلاشي .... طب و اللي ينام و هو سايق ؟؟؟ :)