الخميس، 1 مايو 2008

كلمنى شكراً


هى رساله نصيه على الهواتف المحمولة ، خدمة تقدمها شركات الأتصالات لعملائها مجاناً بواقع (على حدود اخر علمى) ثلاث رسائل يومياً كحد اقصى لمن لا يستطيع انفاق بضعه قروش فى الأتصال بمن يريد ، سواء كان عدم الأستطاعه بسبب الشُح او الأستنطاع او لضعف القدرة الماديه فعلاً ، وتختلف استجابة المتلقى لها وفقاً لمروئته وقدرته المادية والتوقيت الذى استلمها فيه وتفهمه لظروف واوضاع الراسل

وهى كذلك رسالة توجهها أغلب الزوجات لأزواجهن يومياً بكافة اللغات والأساليب وبشكل متكرر وبدون حد اقصى او ملل واستخدمت لفظة الزوجات والأزواج على سبيل التحديد متعمداً لأن الرجل والمرأة خارج مؤسسة الزوج حبل الكلام بينهم لا خوف على قطعه ، ولا تختلف دوافع الأستجابة من عدمها لهذه الرسالة عن دوافع مستقبليها فى حاله الهواتف وان لم تصب استجابة الزوج عاده وغالباً الا فى بحر الطناش فقط ، وان سلمنا جدلاً اننا نتحدث عن اسوياء فسأستبعد النذاله كسبب لنحت هذا المخر الى بحر الطناش ، وستنحصر بعد ذلك الأسباب فى اثنين احدهما يخص الراسل (الزوجة) وهو الفشل فى اختيار ملائمة اسلوب ولغة الرساله للتوقيت والظرف الذى يمر به المستقبل (الزوج) وهو سبب الذى تبرع الزوجه فى تنفيذه بحرفيه متناهيه ومهاره احسد كل النساء عليها ، اما السبب الثانى الذى يخص المستقبل (الزوج) فهو عدم فهمه للغة واسلوب الراسالة ، فالمرأة ترسلها بالطلب الصريح وبالتلميح وترسلها بالصمت والكلام وترسلها بالهدوئ المريح والصخب المفزع وترسلها محمولة على اجنحة ملائكة المودة ومرفوعه على شوكة شياطين الشجار وترسلها مع نسمات ليل سبتمبر وزوابع نهار ابريل وترسلها ايضاً بما لم استطع اكتشافه بعد

الرجل عاده يمر بثلاث مراحل الأولى عدم فهم المراة جيداً والثانيه فهمها جيداً (او هكذا يظن) والثالثه اكتشافه ان الفهم مكلف وعدم الفهم كان افضل فيعيش فى دور اللى مش فاهم حتى اخر العمر بقى ، كما ان الرجل كالألة إن توقفت فلا تعمل الا بالضغط على زر التشغيل مره اخرى وزر تشغيله هو العقل ، وهو عادة خارج بيته متصل مباشرة بكابل ثلاثه فاز سواء كان محدثيه من النساء أو الرجال ويصل للمنزل متوقف تماماً بطبيعة الحال ومن هنا يتضح اننا بصدد واحد مش فاهم ومتوقف مؤقتاً حتى الصباح

الطريقة ببساطة تمر بعده مراحل اولها التوقف عن ارسال الرسائل التى لا يفهمها لسبب او لأخر او عن عمد حتى فلا تقولى له كلمنى ولا شكراً ، وثانيها التفكير فى وسيلة لجعل عقله يعمل داخل المنزل مع الأخذ فى الأعتبار اختيار الوقت المناسب لكل ذلك وان يكون تشغيل العقل بعيداً عن المشاكل فضلاً عن ضرورة ان يكون الأسلوب كله لا يرتدى عبائة ارسين لوبين او بالطو شيرلوك هولمز
وسمعونى احلى كلام شكراً
.

هناك 44 تعليقًا:

صحفية روشة يقول...

_

اول تعليق________________________________
ميفوتكش البوست الجديد (شيوخ على ما تفرج)
______________________
للى عاوز يزور لوحه شرف يدخل مدونتى وهتلاقو لينك لوحة شرف فيها
لوحة شرف هى لوحه شرف لكل من دون فابدع وينشر بها افضل بوستات كتبها البلوجرية

صحفية روشة يقول...

والله الرسايل دى مستفزة جدا
انا لما حد بيبعتهالى مش بقراها اصلا
ومش بتصل بيه كمان
الرسايل دى للطوارئ
بس الناس الرخمة افقدتها معناها
__________________________________
ميفوتكش البوست الجديد (شيوخ على ما تفرج)
______________________
للى عاوز يزور لوحه شرف يدخل مدونتى وهتلاقو لينك لوحة شرف فيها
لوحة شرف هى لوحه شرف لكل من دون فابدع وينشر بها افضل بوستات كتبها البلوجرية

دكتور حر يقول...

الرجل عاده يمر بثلاث مراحل الأولى عدم فهم المراة جيداً والثانيه فهمها جيداً (او هكذا يظن) والثالثه اكتشافه ان الفهم مكلف وعدم الفهم كان افضل فيعيش فى دور اللى مش فاهم حتى اخر العمر بقى

*************
جميله قوي الجمله دي يا استاذ

لكن احنا شعب غلبان بنحب نستغل اي حاجه ببلاش
لكن يلا زي بعضه
ودن من طين وودن من عجين
واللي عاوني يكلمني وشكرا برضه

Rainbow يقول...

طيب يعنى حلك
ان الواحدة متبعتش رسايل موجهة وتختار الوقت على مزاجه و كمان متتكلمش عن المشاكل !!!

صعب انك تفضل تتكلم فى حاجات على مزاجك و اللى قدامك يفضل يسمع و يؤيد بس - اصل المعارضة كمان بتفسد للود قضية - طيب اللى قدامك لما يحب يتكلم يتكلم مين ؟؟؟لما هى بقى تحب تتكلم عن المشاكل و فى وقت على مزاجها تعمل ايه ؟؟؟

اعتقد الحكاية هات و خد
اسمعنى و اسمعك

la3lahakhier يقول...

ههههههههههه
يعنى انتوا ماوراكمش غير التقطيع فى فروة الستات مالها الستات يا سى محمد هههههههه
مش طبخنلك ماكلينك غسلينلك هدومك مربين عيالك حافظين بيتوكوا
انا اعترض
مش عارفة على ايه بس بعترض وخلاص مادام فيها ستات


******
لا بجد لو كل واحد فهم طبيعة التانى وكل واحد جه على نفسه شوية الحياة حتبقى جميلة
بس بذمتك مش الرجالة فى مصر بيزودوا الطناش حبتين وبيدوا غير متاح على طول
انا عارفة انك مش حتنكر حق
وانا مغلقة لحين اشعار اخر

Rania يقول...

بالنسبة للراسله
هى رساله ممله جداااااااا
اما لالنسبة للراجل و الست
فساعات الراجل اصلا مش بيحاول يفهم السيت
لان الاتنين مختلفين فى تفكيرهم جدا
الراجل بيفكر بعقله و بيكون عملى قوى فى تفكيره
اما الست حاجه مختلفة خالص
و لو الراجل قعد طول عمره يحاول يفهمها مش هيعرف

تحياتى

hend...hanady يقول...

على الله ينزلوا عرض جديد ايامنا بحيث ان الزوجة ترسل صوت وصورة وهى ماسكة المقشة فيرد على طول ويستحسن لو كان العرض متضمن ارسال رسالة للزوجة بيقول ان جوزها قرا الرسالة وسمعها بس جنابه بيستهبل علشان تبقى ليلته كحلى

سمراء يقول...

هل قرأت كتاب النساء من الزهرة والرجال من المريخ
انه من الكتب القيمة والذي يوضح انه ثمة اختلافات بين طبيعة الرجل والمرأة واعني اختلافات وليست خلافات
وعلى كلا منهم ان يستوعب هذا الاختلاف ويحتويه
على المرأة ان تقدر ان الر جل يدخل داخل القوقعة عندما يشغله امرا ما وعليه ان يفهم انها تحتاج الى الامان
فاذا ارسلت رسالة كلمني شكرا عليها الانتظار حتي يجيبها وعلية ايضا ان يقوم بارسال رسالة يقول لها فيها انه مشغول الان وسيجيبها عندما يكون الوقت مناسبا
يحتاج كلا منهم الى بذل مجهود ليحبا بعضهما بعضا ويحتوي تلك الاختلافات التي خلقها الله
اشكرك
سمراء

يا مراكبي يقول...

موضوع جه في وقته

أولا هناك قلة من الزوجات بتعرف إزاي وإمتى تقول: كلمني شكرا

أما الغالبية فمش عارف ليه بيكونوا متعمدين إختيار الوقت الغير مناسب على الإطلاق .. مع إني متأكد إنهم عارفين إنه وقت غير مناسب .. وده اللي بيوسع المسافات بين الطرفين يوم بعد يوم


إحنا مجتمع محتاج إعادة تأهيل لمن هم داخل مؤسسة الزواج .. قبل ما نوصل لعصر نلاقي فيه ما حدش عايو يدخل المؤسسة دي من أصله

خمسة فضفضة يقول...

السلام عليكم وحمة الله وبركاته

والله احنا الستات مظلومات معاكوا يا رجاله ،يبقي الراجل من دول ماشاء الله بره البيت بربند واول ما يدخل من باب بيته يبقي اكنه واكل سد الحنك ، ومافيش اي حاجه تحوق معاه
لا يسمع لا يري ولا يتكلم
ويسلام بقي لو اتصمر قدام التليفيزيون ويكون في ماتش ولا حاجه من الي بيحبها
ويرجع يقول الست مش عارفه تختار الوقت المناسب
الله يكون في عونا منكم
:-)

رئـــــيسـة حزب الأحلام يقول...

الحمد لله انا ماعنديش موبايل

Reemo يقول...

حبيت بس احييك على اختيار الاغنيه
عجبتنى
:)

Nsreen Bsunee يقول...

الست برضه بتمر بتلات مراحل
الاول بتحاول تفهم الراجل
ثانيا بتلاقي نفسها فهمته كويس
ثالثا بتفهمه لدرجه التنبؤ بكل تصرفاته و ردود افعاله فابالتالى الحياه بتبقي فى منتهى الملل عشان كده الست بتختار الوقت اللى مش مناسب-زى ما احمد القاضي قال-عشان تقول كلمنى شكرا وعشان كده دايما بتحاول تستفزه وتضايقه وهى متعمده جدا0
انه الملل يا عزيزي
:)

mohand يقول...

ارجو المرور علي اخر موضوعاتي في مدونة الباحث عن الحقيقة يهمني رايك
تحياتي

Ahmed Mubarak يقول...

في الواقع انت جيت على الوتر الحساس..

الراجل غير الست .. وده حاجة نفسيه يجهلها معظم الناس .. فنفسيه كل واحد منهم مختلفه بشكل هائل عن الاخر

ولكي ينسجما مع بعضهما كان لابد ان يفعل كل منهما بعض الاشياء التي تخالف فطرته

مكنتش عارف الاختلاف ده لغايه ما قرأت تحفه المصلح
جون جراي
في كتابه الجميل
الرجال من المريخ والنساء من الزهره .. كتاب رائع بيعالج حجات كتير اوي ..
وبيصلح حجات كتير بسيطه جدا بتفرق مع الراجل والست ..

فلو كل واحد حاول يعرف الفروقات ديه من الاول .. هتفرق كتير اوي ..

والموضوع جميل اوي

تحياتي

ammola يقول...

شخصيا لا أفرض وجودى على اي حد
عملا بالحكمة القائلة"اللى عايزنى يجيلى..أنا ما باروحش لحد"وبرضة اللى عايزنى يكلمنى من غير ما حد يزقه
:)

مصر هى أمى يقول...

محمد

اصلا الست مش عارفة تفهم نفسها
الست ممكن تعمل حاجات كتير هيا اساسا مش عارفة بتعملها ليه


فهم طريقة صنع القنبلة النووية اسهل من فهم واحدة ست

م يقول...

انا للاسف اول مرة ادخل مدونتك
أد ايه هي رائعة ولها روح زي ما اكون في بيتي
انا سمعت حوارك في صوت مدون , اعتقد انك واضح جدا وده شئ جميل

تحياتي لك

وليد فاروق
مدونة يا أبت ..إني رأيت

مدونة يا أبت ... إني رأيت يقول...

انا للاسف اول مرة ادخل مدونتك
أد ايه هي رائعة ولها روح زي ما اكون في بيتي
انا سمعت حوارك في صوت مدون , اعتقد انك واضح جدا وده شئ جميل

تحياتي لك

وليد فاروق
مدونة يا أبت ..إني رأيت

مدونة يا أبت ... إني رأيت يقول...

انا للاسف اول مرة ادخل مدونتك
أد ايه هي رائعة ولها روح زي ما اكون في بيتي
انا سمعت حوارك في صوت مدون , اعتقد انك واضح جدا وده شئ جميل

تحياتي لك

وليد فاروق
مدونة يا أبت ..إني رأيت

بنوتة من وسط البلد يقول...

امال لو دخلنا بقى على
(سلفنى شكرا)
هيعملها ايه
هيطلقها بـ
SMS

:)

تحياتى

BinO يقول...

أعتقد أن أسباب عدم الفهم الحقيقة هو أنقطاع الكلام حقيقةً
يعني خط الحوار في المراحل الثلاثة ليس متماثل

amina يقول...

لماالآنسه س تتجوز الاستاذ ص يتجوزوا بعد فترة خطوبه تقليديه كان كل همهم فيها ان كل واحد فيهم بيبن للتانى قد ايه كل الحاجات الحلوه الى فى الدنيا وانه ياسلام ملاك ياخواتى هيستمحمل الطرف التانى بكل عيوبه اللى هو اساسا مش شايفها... طبيعى جدا بقى بعد الجواز الانسه س تكتشف ان الاستاذ ص بقى ض والاستاذ ض يكتشف انه اخد الآنسه ش بدل س... ولهذا لما بتقوله بعد الجواز كلمنى شكرا بيقولها اعد الاتصال فى وقت لاحق...

ضى القمر يقول...

اعتقد أن المشكله مش ليست فى الرسايل .. المشكله فى الشخص نفسه ..

فكل شخص قادر على استخدام الأسلوب الصحيح لكل شىء .

وبخصوص الأزواج .. فمن رأيى كل زوج يفهم زوجته جيدا .. ويستطيع ان يتقن هل رسالتها ضروريه حقا أم لا ..

من فهمه لها .. يستطيع فهمه لمدى رسالتها .
تحيتى لك بشدة .. فلقد أستخدم موضوع أشغل الكثيير .. بطريقه رائعه حقا .

تقديرى لك

صبرني يارب يقول...

سلام عليكم

على فكره انا هالم الزوجات كلهم وهاجيلك هنا نكسر كراسي المدونه كلها


اه بلطجه هىالى ماشيه الايام دي ههههههههههههه

حضرتك بقى شايف ان الزوجه تبطل زن ورخامه وما تتحايلش على جوزها انه يكلمها وتسيبه كده لما يبقى الشوق يهفه يرميلها كلمه وهو ماشي زي بعضه اوك .

وبعدين بقى تنقى الوقت الى يلائم طرقعة صوابع حضرته وتكلمه عن الورد الى فى الجناين ما تكلموش عن الشوك الى في الورد الى فى الجناين ؟؟؟؟

طب ولما يفكر ان الورد مالوش شوك بقى ؟؟
يروح ياخد الورده بالحضنه وترشق شوكه منهم فى عينه ويبقى بعين واحده ؟؟؟
ويمكن يشكوا فيه انه المسيخ الدجال والاخوه يرجموه ولا حاجه هههههههههههههه
نبقى خلصنا .

يا سيدى الفاضل انا ضد تحميل طرف واحد كل المشاكل والطرف التاني قاعد فى التراوه .
وكمان ضد ان الزوج يتحمل مشاكل عمله
والزوجه تتحمل مشاكل ا لبيت
وعملها كمان لو كانت بتشتغل

انا بقى شايفه ان الزوجه والزوج دول على قدر عالي من الشراكه لازم يشتركوا فى حل مشاكل البيت الاول قبل اي شيء
ولازم يكون الاب على علم بكل فتفوته فى حياة ولاده من اول اليوم لاخره
وبعد كده بقى يبقى يشركها فى شغله لو حب وتشركه فى شغلها لو حبت
وياخدوا راي بعض فى شغلهم

لكن قبل كل شيء لازم البيت ومشاكله والعيال ومشاكلهم يبقوا دايم محطوطين على طبق كبييييير واضح للطرفين على مائدة حياتهم دايما

ده غير ان اختيار الوقت المناسب ده ملحق للطرفين يعنى هو برضه يبقى يختار الوقت المناسب لما يجى يكلمها عن رجل مامته الى بتنقح عليها مثلا ؟؟!!!!

واه يا نفوخي كل ما احاول اغير فكري عن ان الراجل دايما انسان انوي مافيش فايده .
ما حدش يقولي يعنى ايه انوي .

شكلك هاوحي عليك كل الستات هنا

bastokka طهقانة يقول...

ايوة عندك حق الراجل يقعد يرغي مع صحبته بالساعة و لما يكلم مراته يختصر قال بيوفر
بريه منكم يا رجاله

اوروفوار

محمد الجرايحى يقول...

أخى : محمد
لانستطيع أن نغفل منغصات الحياة والأعباء
التى أثقلت كاهل الرجال والنساء فلم تعد الحياة سهلة يسيرة

Miss. Sosa يقول...

تحليل اكثر من رائع

البنت الشلبية يقول...

هههههههه ايه البوست الفلسفى ده
الواحد يبعت رسالة كلمنى شكرا لما يكون خلاص يأس من كتر الاتصال وعدم الاجابة ومن هنا بيطلب المساعدة من الشخص الى مش عايز يرد اصلا
قيس على كده مواقف كتيرة فى الحياه
ولانى لسه مجرتش حياه الازواج ..فبعتبر نفسى مش محتاجة لرسايل كلمنى شكرا
اتمنى انك تكون بافضل حال

Jana يقول...

الست دايما مظلومة معاكم
يعنى لو هو لبسلها بالطو شيرلوك هولمز
يبقى من حقها تلبسله باروكة اجاثا كريستى

لحضرتك عندى تاج ..ولو تحب متجاوبش على السؤال الاول ..ذاتس اوكيه
لكن الباقى يهمنى فعلا اعرف اجابته

جاوبنى ..شكرا
D:

Eman M يقول...

قلبت عليك كل الستات :)

smraa alnil يقول...

النسبة لرسايل الموبيل
نفسي يخترعوا رد علي الكلمة السفيها دي

مش هكلمك عفوا

وبما اني مخطوبة فحبل الكلام لا نيقطع
بس يامين عارف ممكن بعد الجواز مش يبقي في حبل اصلا
:))

reri يقول...

مره واحده صاحبتي بعتت ليا الرساله دي
كلمتها
لقيتها بتعزمني علي فرحها
استندلتها جدا بصراحه
من يومها ما بتصلش بحد يبعتها غير أخويا طبعا لأني ما بقدش أتأخر عليه
عموما هي رساله مستفزه جدا

funckydoctor يقول...

أحلى كلام والله

احمد الجيزاوى يقول...

طيب كويس اوى انا كنت محتاج اقراء البوست كدة علشان داخل على جواز واعرف مراتى نويه على ايه معايه
تحاتى على التوينه الرائعه
احمد الجيزاوى

ammola يقول...

ليه الغياب ده كله..لعله خير

طيب...طمنّا شكرا

سكوت هنصوت يقول...

ندعوكم لحضور حفل توقيع كتاب مدونات مصرية للجيب بمكتبة عمر بوك ستور بشارع طلعت حرب يوم الخميس القادم الموافق 22 من مايو 2008 من الساعة السادسة وحتى منتصف الليل

سكوت هنصوت يقول...

ندعوكم لحضور حفل توقيع كتاب مدونات مصرية للجيب بمكتبة عمر بوك ستور بشارع طلعت حرب يوم الخميس القادم الموافق 22 من مايو 2008 من الساعة السادسة وحتى منتصف الليل

حائر في دنيا الله يقول...

تنويعات موفقة جدا
.
.
.
كلمني شكرا انتا بقا، فينك؟؟

لك تحياتي
السلام عليكم

مروة الزارع يقول...

بجد أنت تناولت الموضوع بشكل جميل جدا جدا ورطت بين حاجتين مختلفين بشكل تحفة

وعلى فكرة مش كل الستات مظلومين أنا عارفة

تحياااتى

أم أحمد يقول...

حضرتك شرحت مشكلة الخرس الزوجي بطريقة مبتكرة وشيقة
بس عشان نتخلص من المشكلة دي لازم الراجل وزوجته يتكاتفوا مش العبء يكون عليها بس انها تنطق ابو الهول
طب تعرف انا زوجي بيحكيلي عن زميلاته اللي بيتصلوا بيه في الشغل ويقعدوا بالساعات يشكوا ازواجهم ويحكوله عن حكاياتهم وهو المستمع الجيد لكل هيافاتهم وحواديتهم السخيفة وييجي لحد عندي ويعمل مصدع فالخرس الزوجي انضرب في اتنين واصبحت اتحاشي معه الحديث عشان الصداع اللي بيجيله من كلامي فاصبح هو المتلهف لسماع احاديثي القديمة وانا اللي تقلانة عليه
تحياتي

أم أحمد يقول...

حضرتك شرحت مشكلة الخرس الزوجي بطريقة مبتكرة وشيقة
بس عشان نتخلص من المشكلة دي لازم الراجل وزوجته يتكاتفوا مش العبء يكون عليها بس انها تنطق ابو الهول
طب تعرف انا زوجي بيحكيلي عن زميلاته اللي بيتصلوا بيه في الشغل ويقعدوا بالساعات يشكوا ازواجهم ويحكوله عن حكاياتهم وهو المستمع الجيد لكل هيافاتهم وحواديتهم السخيفة وييجي لحد عندي ويعمل مصدع فالخرس الزوجي انضرب في اتنين واصبحت اتحاشي معه الحديث عشان الصداع اللي بيجيله من كلامي فاصبح هو المتلهف لسماع احاديثي القديمة وانا اللي تقلانة عليه
تحياتي

غير معرف يقول...

الله يامحمد كلماتك رقيقة معبرة حلوة رايت فيها صورة بائسه للناس البسطاء ورايت جمال النعمة في حصاد المحصول وصورة للموت في سمار الارض وبها بعض مخلفات الحصاد.

nana83 يقول...

مش عارفة لية دايما الراجل ظالم المراه
بجد احنا اللى مظلومين والله
ومظلومين منكم يارجالة