المشاركات
نظيف في مؤتمر عمالي بالمحلة الكبري يقرر صرف منحة 30 يوما لعمـال غزل المحلة
و15 يوما لكل عمال الغزل بالجمهورية
هيييييييييييييييييييييه "ده كان صوت العمال اللى صورتهم فوق دول"
أى حد بقى عاوز يغنى اغنية البسالة والكفاح والنجاح لا مؤخذه يعنى وبعد اذنكم يعنى
يــتــــلــهــــــــى
.
هناك 37 تعليقًا:
عزيزي محمد
بداية أنا لم أوافق على الإضراب .. ولا يوافق عاقل على التخريب لممتلكاتنا .. التي تربى الناس من زمن بعيد على أنها ملك الحكومة ..وما حدث في المحلة كان البديل الأسوأ لحالة القمع واحتكار السلطة ومصادرة حقنا في الاختيار .. وانتخابات المحليات كانت أكبر دليل على ذلك .. ليتنا نطالب بعلاج الداء قبل استفحال المرض .. وقبل أن نطالب بإعدام المريض ..
ولم تجد الحكومة المذعورة إلا الرشوة لإسكات الناس الغلابة .. وربنا يكفينا شر الفتن ..
عزيزي محمد أنتظر زيارتك ..
رشوة دي كلمه كبيرة
الناس دي عمال غلابه
وعرفوة يدخللهم منين
مش بيقولك اطعم الفم يستحي العين
وبعدين الكل باعهم
انا سمعت حوار علي التليفون
علي قناة الحياة مع رئيس عمال المحله
وفعد يتكلم كلام ميصدقوش عيل صغير
عارف يعني ايه تحس انك لوحدك
والكل باعوك
وفي نفس الوقت حد بيمدله ايدة ويساعدة
وبايه مكافاءةشهر
دي حركه شياطين وملعوبه
وكمان الناس اللي بتهلل مين قالك انهم
من العمال دول ناس قادرة
طغيانهم وظلمهم بقي فوق الحدود
عاوز تعلم ابنك يتكلم
اتكلم معاه من اول ما يتولد
لو معلمتوش هيطلع اخرس
يبقي بتلوم عليه ليه
ما هو انت اللي معلمتوش
مفيش حد بيتعلم لوحدة
واحنا شعب امي يعني جاهل مش امي انا
هههههههه الاميه مش قراءة وكتابه بس
يارب نتعلم
السلام عليكم ورحمة الله وبركاته
هي دي عادتهم ولا هايشتروها؟؟
اقصد الحكومه
السلام عليكم
والله للاسف يااستاذي شيء محزن ,والحكومه بغبائها بتحاول تعالج مواقف بطرق ساذجه ومتعرفش انها بتوقع نفسها في ورطه اكبر ليه بقي
1/اظن ان باقي العمل سيفعلون مثل عمال النسيج وعمال المحله لعلهم يحدث لهم هذا
2/عمال المحلة نفسهم هيعملوا كده تاني بعد فترة ليه بقي
لانه لايملاء عين ابن ادم الا التراب
وعامة انا اظن ان حركة الناس بشكل عام افضل الف مرة من الركود والسكون
والله المستعان
جزاكم الله خير
اطرف ما سمعته كان من احمد المسلمانى حين علق على هذا الموضوع قائلا بلهجته الساخرة المحببة وبلسان رئيس الوزراء طب مش كنتم تقولوا ...!!!؟؟؟
انا مكنتش اعرف انكم زعلانين كده
:)
قال يعنى هو كده صالحهم
وقال يعنى هم كده ارتاحوا
وبعدين احنا مزعلين نفسنا ليه ؟
هم مش فرحوا وقالوا هييييييه!!!!؟
ايوة يعني ال 15 يوم دول منحة مرة واحده والا كل شهر؟
معلش الرشوه عبيطه وهبله ، يعني بقي كل محافظه تعمل زي بتوع المحله علشان تطلع لها بقرشين يروحوا يجيبوا بها 2 كيلو لحمه
ليه مسميها رشوة
هو بيضحك عليهم باى حاجة علشان يسكتوا
والناس غلبانة يا محمد
وفيه كتير هيمشى على مبدأ اللى يجى منها احسن منها
تحياتى
اختك خيخة
مش هما كانوا عاملين الاضراب علشان كده برضة؟؟
استاذ محمد انا مش شايفها رشوة دول بيحاولو ا ياخدوا حقوقهم
حتى لو دى مجرد بدايه يكفى ان الحكومه مرعوبه وتنازلت وعرضت مثل هذا العرض السخى بالنسبه للحكومه طبعا
لان اقصى حاجه عندها يوم مش 30 يوم
سهل قوي اني اجيب كام واحد واقول عليهم عمال واخليهم يهتفوا يهيصوا عشان البيه نظيف تكرم وتعطف عليهم، والكفاح والنضال اللي مش عاجبين حضرتك دول موجودين رغم أنف الكثيرين
ههههههههههههههههههههههههههههههههههههههههههههههههههههههههههههههههههههه
لازم عشان يحصل حاجة
البلد تولع الاول
لما المحلة ولعوا فى البلد اتحرك النضيف ( نظيف ) يبقى لما البلد كلها تعمل زى المحلة يبقى عندها حق
انت لخصت الموضوع في الجملة الاخيرة اللي بعتبرها بلاغة منك
لاني انا واحد من الناس كنت متوقع ان العمال ترفض الرشوة
وتقول شهر هيعملوا ايه مش تهلل بالشكل ده والمصيبة انهم
عملوا كده بعد المؤتمر وقالوا اما العدسات شهر هيعمل ايه
طب وبعد الشهر مايخلص ، طب ما كان الراجل امامكم
محدش اتكلم ليه فرحتم وهللتم ليه.
أبويا كان زمان بيقول مثل فهمتوا يوم الاضراب
بلد تجمعًها زمارة وتفرقها عصاية
ودمتم
السلام عليكم ورحمة الله وبركاته
بص يا اخويا محمد الفكره مش فكرة رشوه ولا مكافئه ولا حاجه
الحومة بتعتنا عرفت وحفظت شعبها بيفكر ازاى واخره ايه
عارف اخرة ايه دى بذات مربط الفرس يعن ناس تجعجع بطريقة عشوائيه
يطلعلهم شوية بلطجيه يضربو ويكسرو وبعدين يموت ويتصاب ناس ملهاش ذنب وبكده تبقى عملت بمبدء اضرب المربوط يخاف السايب
وعلشان الحكومه عارفه انه شعب غلبان بيضيحك عليه بأى حاجه
تروح مصلحاه بقتات ويبقى كده طيبت بخطره
وهوه ده الحال من زمان ويقولو عاوزين حقهم
لما يعرفو هويتهم الا راحت الاول يبقو يطلبو بحقهم
وهى دى مصر يا محمد
باعتذر بشدة للى هاقوله هما فاكرين الشعب كلاب تنبح ولما يرموا لهم عضمة هيتلهوا ويسكتوا بس صدقنى يا محمد الايام الجاية هتثبت لهم اننا مش مجرد كلاب
ولاحظ ان دى سياسة متبعينها دايما يلهونا فى لقمة العيش واللى بيدوه باليمين بياخدوه بالشمال
بس صدقنى بجد بجد الناس اتغيرت وهتغير مقدرات البلد دى بس المسالة محتاجة مثابرة ووقت مش اكتر
تعالى كده شوف كان حد يقدر يعمل ده من سنوات لكن الضغوط على المواطن بقت كبيرة جدا وطبيعى ان الضغط يولد الانفجار وربنا يستر
والله يا أستاذ محمد المشكلة ان تفسيرك للأمر كله عقلاني زيادة عن اللزوم!
احنا ناس بينضحك علينا بسهولة، ومؤمنين جدا بنظرية التقدم التدريجي، يمكن لأننا أصلا مؤمنين بأنه "مافيش فايدة"!
السلام عليكم
هيفضلوا فى إستخدام أساليبهم القذرة والمحرمة لأنهم أفلسوا أخلاقيا
مين اللى قل ان العمال عملوا اى حاجه اساسا؟؟؟
اللى عملوا المظاهرات فى الشارع كان الناس الغلابه مش العمال اصلا ده اولا
ثانا لو بصيت فى الصور كويس هتلاقى ناس كتير قاعدين مبلمين
ثالثا بقى الامن المركزى كان مبلط فى مساكن الشركه من الليله اللى قبل الاضراب والعمال لما نزلوا المصنع اعتقلوا منهم 150 واحد واجبروا الباقى على العمل
بس هذا لا يتعارض مع مبدا ان كله فى الكليتش
لسه بدرى على البساله والحاجات دى
فسسسسسسسسسسسس
عندك حق و الله اتلهوا و الف اتلهو
اهم بيسكتوهم
ياربت الفلوس كانت هى اللى بتحل الازمات
يعنى هو شهر وهيرجعو تانى وكانك يا ابو زيد مت غزيت
السلام عليكم و رحمة الله و بركاتة
امال انت عايزهم يقولوا لأ ؟ مش عايزين المكافئة ؟؟؟
دول ناس غلابة و عمال فعلا بسيطة , و ياريت لما نقول علي ناس شئ منحكمش عليهم من منظورنا احنا و لكن نحاول نحط نفسنا في موضعهم و نعيش بالمية ولا متين جنية و ندبر حالنا بيهم و نشوف كدا الدنيا هتمشي ازاي ؟؟؟
و ياريت كمان تقولنا حل مناسب لوضعهم و ازاي ممكن يعبروا عن غضبهم و حنقهم بعد ما الحكومة بقت تعامل كل الناس في البلد عي علي انهم صراصير و ملهومش اي قيمة
علشان فعلا مش عارفة ايه البديل اللي في بال حضرتك
بدون تعليق...لكن ما باليد حيلة
عرفت بقى ان الاضراب كان ضرورى يا استاز محمد على فكره انا انجى ومدونتى اتمسحت وعملت واحده تانيه اتمنى اشوف تعليقاتك عليها زى ما كنت بتعلقلى عالمدونه القديمه
وخربها من حيث لا يدري
بعد
-
-
-
-
-
-
-
أن خربها من حيث درى
ههههههههههههه
--
--
--
-
-
ربنا يلطف بينا
الحمد لله
نحن المصريين ـ شعبا وحكومة ـ مصرين على اختراع العجلة واكتشاف النار ـ رغم ان الانسان الاول اكتشف النار واخترعت العجلة من قديم الزمان ـ ان ما يحدث فى بلدنا الحبيب حدث مثلة واسوء لشعوب غيرنا وتغلبوا عليها بوسائل معروفة وليس من بين هذة الوسائل ماهو سر من اسرار كهنة فرعون ـ وكفى ان ننظر لما حدث فى دول الكتلة الشرقية بعد انهيار الاتحاد السوفيتى ـ اعقد انه مر حوالى 18 سنة فقط لاغير منذ ذلك التاريخ ـ واليوم هذة الدول منها من دخل فى الاتحاد الاوربى ومنها من ينتظر بعد ان وصلت الى مستويات متقدمة تسمح لها بالانضمام الية ـ واحنا لسة فى عنق الزجاجة لية ؟ مش عارف ـ رغم ان احنا كنا احسن بكتير جدا جدا من تلك الدول وكان ممكن نخطى باسرع منهم من الضنك لكن بكل اسف هما نجحوا وطلعوا واحنا بنغوص لتحت ـ لية ؟ مش عارف
انا بقول الكلام دة عن تجربتى مع ناس عرفتهم ـ من بولندا ـ كانوا فى امريكا وبيقولوا ان المحلات عندهم كانت خاوية من المواد الغذائية ـ الناس دية سابت امريكا ورجعت بولندا من عدة سنوات مضت لان مستوى المعيشة فى بولندا اصبح ـ بناء على كلامهم ـ مماثل لاى بلد اوربى متقدم ـ تحياتى
علقت عندك اكثر من تعليق لم أجده
وعلى تدوينات فائتة
ليس الموضوع موضوع عمال
بلطجة فى المقام الاول
هههههههههههههههههههههه
فعلا شر البلية ما يُضحك
والله انا لما سمعت الخبر فى الاخبار
قلت فى بالى يا ترى العمال هيكون ردهم ايه؟؟
هيقبلوا الفلوس وتضيع حقوقهم ؟؟
ويضيوع المجهود اللى بذلوه فى الاضرابات دى كلها والمظاهرات ؟؟
والله دى تبقى خيبة بالويبة ونبقى شعب يستاهل كل اللى يجراله
ولا مؤاخذة
تحياتى
شيماء
بص يااخي العمال دول غلابةوعايزين ياكلوا عيش
فبلاش تلوم عليهم لكن لوم علي الناس المتعلمين المثقفين - اللي انا وغيري منهم - لكن واقفين ساكتين مش بنعمل حاجة يا اخي لعلك تعلم ان لاكل العيش مر واذا انت اتحملت الجوع ولادك ومراتك مش هيتحملوا ولو اتحملو يوم مش هيتحملوا التاني كل واحد عنده ظروفه والبيوت ابوابها مقفوله علي بلاوي ياما
ارجو ان تتقبل مرورى وتحياتي
السيستانى سلفى وهابى
اضحكتنى حقاً
هاها هاهاهاهاهاها
طب ليه يتلهى ؟
هيا ايه مطالب الإضراب ؟ فلوس ورغيف عيش .. وهل فى مطالب أسمى من كده ؟
صدقنى الثوره من اجل الثوره والحاجات دى كلها اى كلام
لازم يكون فى مطالب حقيقيه وراء الثوره والاضرابات والذى منه
نفسي اللعب يبقى على المشاريب.. توتو على كبوته.. مطالب واضحة من غير تغليف بشعارات سياسية غبية..
أنا لما صاحب الشغل ما يدينيش مرتب شهرين أقوله في وشه انت ليه ما اديتنيش المرتب شهرين ، مش أقول إنه فاسد وحرامي ، ما الفاسد والحرامي دة كان بيديني المرتب وكنت باهتفله بالروح بالدم بالفشة والطحال.. لما أعمل عليه ثورجي وبطل حيبقى منظري يهلك من الضحك..
الخاسر الأكبر من كل ذلك هو عمال غزل المحلة ، أما الشركة فكسبت معركة جديدة ضد أصحاب منطقة في المحلة قيل أن الشغب قد خرج منها بينما كشف زميلنا وائل عباس أن الشركة تريد الاستيلاء على بعض أراضي تلك المنطقة..والله أعلم..
السيد الكريم
تابع على مدونة قولاً سديداً رد الحكومة الهولندية على حملة المدونة لدعوة الحكومة الهولندية لسن قوانين ردعية تمنع حدوث الإستهزاء بالمقدسات الدينية ورد المدونة عليهم على الربط التالي
http://kawlansadida.blogspot.com/2008/04/blog-post_18.html
وجزاكم الله عن نبيكم خيراً
هما كانوا عاوزين فلوس ..خدوا الفلوس يا محمد بس كدة
الدور والباقي علي اللي عملها معركة سياسية
ماهي دي المشكلة، الموضوع مش سياسة عند العمال ، الموضوع لقمة عيش
ياخدوها من ربنا ياخدوها من الشيطان
هي لقمة عيش
إرسال تعليق