السبت، 5 أبريل 2008

كلمتين فى السريع

فى المسألة الإضرابية

مينفعش اجيب بنتى البايظة وانصحها واقومها ولو مسمعتش الكلام اخاصمها عشان تتعدل وانا اصلاً راجل هلاس



فى ظل حاله لا نهائيه من الغموض الذى يغطى الحدث والمشاركين والمتفرجين ، تصير اى نتيجه نجاح ويكون من حق اى أحد فيما بعد ان ينسبه لنفسه كمان


المعارضة لو هدفهم فعلاً الأصلاح وليس التربح ، ميستهلكوش خبراتهم المزعومة ومجهودهم ووقتهم فى مقاومة الحكومه قبل ما يعلموا الشعب يشتغل ازاى ويستهلك ويصرف فلوسه ازاى ويتصرف فى كل حياته ازاى عند وقت تحدى وأزمة زى الى احنا فيها



سلوكنا احنا سواء فى الأنتاج او الأستهلاك هو السبب الرئيسى الحقيقى والأكبر لأزمتنا من غلاء وفساد وتدنى فى كل شئ ، نحن شعب لا نعمل ومفيش حد عاوز يتعب ويشتغل بصحيح كله عاوز يشتغل بيه ، لو الناس جاعت صحيح كانوا قبلوا اى شغله قدامهم حتى لو بطبق أرز




اعلم يقيناً ان ما سبق يستعصى على فئة ليست قليلة من المجتمع من شيوخ ومرضى وقليلى الحيلة ولكن قول الله عز وجل حاسم

بسم الله الرحمن الرحيم
وَاتَّقُوا فِتْنَةً لا تُصِيبَنَّ الَّذِينَ ظَلَمُوا مِنْكُمْ خَاصَّةً وَاعْلَمُوا أَنَّ اللَّهَ شَدِيدُ الْعِقَابِ
صدق الله العظيم

الجزء التاسع - سورة الأنفال - أية 25 - صفحة 179 مصحف المدينة

.

هناك 32 تعليقًا:

عصفور المدينة يقول...

معاك ياريس وانت عارف طبعا

أمــانــى يقول...

صدقت استاذ محمد والله شئ مخزى اللى بيحصل ومش عارفه هيكون ايه نتيجة الاضراب ده لانه مش منظم ومش مخطط والشعب موشك على الانفجار وفى حالة غليان من الغلاء وفى الغالب هيكون الاحباط حليف الجميع
تحياتى لحضرتك

la3lahakhier يقول...

تمام
موافقة على اننا جزء من السبب سواءا انتاجا او استهلاكا

ammola يقول...

صح
وما ينفعش اطالب بالحاكم العادل واناشعب مش مظبوط

Jana يقول...

حضرتك وباشمهندس محمد واخرون ..قربتوا تخلونى اقرر اعمل اضراب عن الاضراب نفسه ..وانا مش عايزة اغير رأيى بصراحة ..فياريت متحلفوش عليا..عشان متلككة
:)
بخصوص الكلمتين ..حضرتك
المسألة اصبحت اشبه ..بسؤال البيضة قبل الفرخة ام العكس
انا ليا ناس كتير عايشة بره ..لما باتكلم معاهم باحس قد ايه احنا شعب فاضى ..واذا اشتغل اشتغل بالشكوى عن غيرها
فى حين انهم فى الخارج حياتهم عملية ومنظمة وكل يعطى العمل حقه اى اسلام بلا مسلمين
ولكنهم فى النهاية ..يأخذوا حقوقهم كاملة
فمن اين تكن البداية ؟
كما اختلاف السلفيين والاخوان
من قاعدة الهرم ..ام من القمة؟
يعنى البيضة ولا الفرخة؟

عبد من عباد الله يقول...

انا عن نفسي ما سمعتش قبل كدا ان الشعب بزات في مصر انه كان اقوى من الدولة قبل كدا ؟؟! يعني انا وبدرس في التاريخ كل الثورات و الوقفات والإحتجاجات كانت شعبيه لم تؤثر و إن كانت اثرت فمجرد للحظه فقط على سبيل المثال : ايام الحملة الفرنسيه قامت ثورتين ( القاهره الاولى و القاهره الثانيه ) شويه تخريب على ضرب وزعييق و محصلش اي حاجه .... طيب دي زمان نشوف حاجه تانيه ثوره 1919 كانت شعبيه والدنيا هاجت وانقلبت وسكك حديديه انكسرت وضرب في الإنجليز و برده محصلش حاجه بس هدوا الشعب وشويه قرارات علشان تهدي الناس وبعدين الخساير كانت اكتر من المكاسب اما الثورتين اللي فعلاً كان ليهم تأثير كانوا من الجيش وهما ثورتين ( الثورة العرابيه - وثورة يوليو 52 ) وطبعاً دا موضوع كبير اوي يعني بس الشعب دائماً لا يكون اقوى من الدولة ولكن ممكن الدولة تسكته بكام حاجه كدا يعني علشان امتصاص الغضب و زي ما بنقول ترجع ريمه لعادتها القديمه

محمد فوزي يقول...

الواحد بيبقى سعيد قوي لما يلاقي حد قريب قوي من تفكيره انا تقريبا كتبت عن نفس الموضوع عندي تحت عنوان (مدونات من جوانتانامو ومعارضه هندي)
تحياتي لك أ.محمد

خمسة فضفضة يقول...

السلام عليكم ورحمة الله وبركاته

معاك ومش متفائله خالص باي نتايج ايجابيه للاضراب بتاع بكره ده

ربنا يستر

رفقة عمر يقول...

بس استاذ محمد الناس عايزه تشجيع علشان تعرف تنتج
مش معقوله اتعب واجتهد والواسطه هى اللى تمشى
او اخد مرتب مش على طاقتى ومجهودى
ادينى حافر اديك ابداع
انا لما كنت فى الدراسه المدرسين اللى كانوا بيعاملونا معامله فيها تحفيز كنا شطار فى مادتهم والمدرس اللى بيحبطنى وبيعاملنا بعنف كنا بنكره مادته جدا وفاشلين فيها
الناس محتاجه حافز علشان تقدر تنتج صح وتبدع فى عملها

المستنصر بالله يقول...

قصدك كلمتين فى الصميم مش فى السريع

الطائر الحزين يقول...

الله

الله ينور عليك


عارف يا استاذ محمد

بقول ان التصادم مع النظام لن يفجر الا فرقعه وقتية وشهرة خاصة



تحياتى

انجى يقول...

معلش يا استاز محمد انا حاولت اكتب ف التعليقات اللى عندى معرفتش الظاهر فى حاجه غلط عموما اميلى اهو ويشرفنى انك تبعتلى رأيك gana_love204@yahoo.com

حائر في دنيا الله يقول...

نحن في مصر لا نحتاج اجازة لكي نستريح بل نحتاج لنعمل كي نستريح

said يقول...

عزيزي محمد
أن تتحدث وتقول رأيك وتوافق وترفض .. فهذا شئ صحي جميل ..
أن تتظاهر سلميا وتطالب بحقك في الأختيار .. وحقك في الحياة فهذا شئ صحي وجميل ..
أن تتمرد على الفساد والرشوة والمحسوبية .. فهذا شيئ صحي وجميل ..
أن ترفض القهر والتعذيب والموت تحت سياط جلادك فهذا شئ صحي وجميل ..
أن تطالب بتحسين وجه الديموقراطية التي لطخوها وجعلوها أمنا الغولة وأظهروا أنيابها وعيونها الحمراء .. فهذا شئ صحي وجميل ..
أن ترفض بيع مصر شبرا سبرا وتوريثها تكية تكية .. فهذا شئ صحي وجميل
أن نتهم المعارضة بالتربح والخبرة المزعومة .. فهذا شئ غير صحي ..
أن نتهم المعارضة بأنهم لم يعلموا الشعب كيف يعمل وكيف يستهلك وقد حالت الحكومة بينهم وبين الشعب وامتلكت الحكومة كل مقومات التعليم والتعلم فهذا شئ غير صحي ..
أن نتهم الشعب بأنه لا يعمل ولا يريد أن يتعب .. فهذا شئ غير صحي ..
أن تطالب بأن يجوع الناس بصحيح ( أكثر من هذا جوع !!! ) .. فهذا شئ غير صحي ..
قالوا لماري انطوانيت الناس لا تجد الخبز فقالت : ياكلو جاتوه ..
أخيرا أنا لست ممن يشجعون على الإضراب .. ولكني مع الحرية مع المطالبة بالتغيير لأنه من سنن الله في الكون ..
جميل أن أتفقق معك في بعض الأمور وأن أختلف معك في بعض الأمور .. ولكن الأجمل أن نتحاور .. أن نتواصل أن يحترم كل منا رأي الآخر ..
لك التحية والشكر على سعة صدرك سلفا .. وأتشرف بدعوتي لشخصكم الكريم لزيارة مدونتي ..
إلى لقاء ..
السلام عليكم

farida يقول...

طيب كلامك مظبوط
بس انت بتناقش قضية البيضه قبل الفرخه و لا الفرخه قبل البيضه
الشعب ما بيشتغلش علشان ما بيقبضش
و لا ما بيقبضش علشان مش بيشتغل
و الأوضاع المترديه علشان قلة الضمير
و لا قلة الضمير كان سببه الأساسي الأوضاع المترديه
؟؟؟؟
مليون سؤال
و كل حاجه ممكن يتبص لها من الناحيتين
و الناس لسه لم تجوع تماما
ده صحيح
بس الأوضاع بقت غير محتمله

المهم
ان في النهايه
الحكومه هي المسئوله عن الشعب
مش الشعب هو اللي مسئول عن الحكومه
و الدوله ليها موارد
و الحكومه مهمتها ان الموارد تكفي الاحتياجات
و ان الشعب يشتغل كويس
و ان النمو الاقتصادي يتقدم
و ان السلع متغلاش في الشهر الواحد أكتر من مره
!!!!!
لو الحكومه مش قادره تعمل كده تسيب الحكم

و يفضل السؤال
الشعب مش كويس علشان الحكومات الفاشله اتسببت في كده
و لا الجكومات فاشله علشان الشعب مش كويس
؟؟؟؟؟؟

المهم
ان يكون في تحسن
ان يكون في أمل
ان يكون في حقوق ليك في موارد بلدك

الاضراب ده اضعف الايمان
انا لا معاه
و لا ضده
لكن متفهمه تماما دوافعه حتى و لو بدا انه شيء اهوج غير متنظم

أم أحمد يقول...

أنا مع الإضراب ... بس كان نفسي يبقي منظم عن كدة ... ومايقلبش لمظاهرات ذي أللي حصل في المحلة

Ahmed El-Agouz يقول...

وجهة نظر معتبرة ومدونة نظيفة وجميلة واتمني ان نتواصل دائما

العجوز
9 x الخير

محمود يقول...

اختلف معاك يا استاذ عبد الغفار
اولا الاضراب منظم و معلن عنه من فترة طويلة و الجهات المنظمة له معروفة و هي حركة كفاية و حزب العمل و الكرامة و الغد ...الدعوة كانت للبقاء في المنازل فما الذي يحتاجه هذا من تنظيم مع اعلان انه لا مانع ان يذهب لعمله اصحاب الحاجات الخاصة كالاطباء ...بالاضافة انه لا تنسى رجاء قوله تعالي في وصف فرعون (استخف قومه فاطاعوه)...
رجاء بعد الغلاء الرهيب اللي عايشينه و الفساد اللي خلاص جاب اخره معانا نعمل حاجة ...زي ما ناس قالوا الحكومة هي اللس مسؤلة عن الشعب مش العكس ...

محمد فوزي يقول...

استأذنك ارد على تعليقين عندك عشان نثري الحوار ونقدر نكون رأي:
هل احنا شعب عامل , يعني منتج ؟ الإجابه لأ
هل موظفين الحكومه بيشتغلوا طول الوقت؟ طب نصف الوقت؟
الإجابه لأ طب بيطالبوا بزيادة رواتب على أي أساس؟
هل حاولت الناس الإتجاه الى الحرف مثلا ومنها ما هو ضروري جدا ومطلوب؟
الإجابه لأ لأن الحرف عيب أو لأنها متعبه مش على مكتب ده غير انها مفهاش معاشات
هل الدوله طلبت من مهندسي الأحياء انهم ياخدوا رشاوي؟ ومن المواطن انه يدفعها عشان يخالف او عشان مالوش خلق يتصدى للفساد
الإجابه برده لأ
هل في حزب فكر يعمل فصول لمحو الأميه بدل التفرغ للإنتقاد والإتهام؟
الإجابه لأ

محمد فوزي يقول...

معلهش أكمل بس :
لما شركات المحمول تحقق أرباح مهوله في بلد تعبانه اقتصاديا زي بلدنا يبقى احنا نمطنا استهلاكي ولا انتاجي؟
الدش والوصله , السجاير اللي بناكلها مش بنشربها ايه رأيكم فيها؟
هل الحكومه مسئوله عن اننا مبنحبش النظام ومبنطقش نقف في الطابور
هل الأب عندنا بيعاقب ابنه لما بيرمي ورقه في الشارع زي ما بيعاقبه اذا كسر فازه في البيت مثلا ؟

كلمه أخيره للحكومه : اذا كنتي فاشله في ادارة الدوله ومراقبة الفساد يبقى ارحلي احسن, واذا كنتي بتعملي اللي عليكي ومش قادره تقنعي الناس يبقى برده ارحلي احسن!!
حاجه كمان , والنبي يا حكومه بلاش تستعبطينا او تستعمينا يعني ميبقاش اضراب وانتي تقوليلنا انه كان يوم تاريخي من حيث نسبة الحضور!!!!!
لأن اللي بيكدب في حاجه بيكدب في كل حاجه.

Whispers just for a Night يقول...

السيد محمد

حقاً صدقت. فالمسئولية مشتركة بين جميع الأطراف حتى وإن كان مصدرها الحكومة

ولكن

أنا السبب

إحترامي وتقديري

دنــــيــــــا مـحـيـرانـي يقول...

عندك حق و الله

مواطن مصرى نايم يقول...

تحياتى لك اولا
انا متفق مع جزء من كلام حضرتك
لكن حضرتك مقتنع
بموضوع ان الواحد يشتغل و يطلع عينة
فى الشغل و ياخد ملاليم
و كمان زيادة فى الاسعار
و مش عاوزهم يعملوا اضراب
فاقد الشئ لا يعطية
تحياتى لحضرتك

eldoctor يقول...

الطريق الى جهنم ملىء بالنوايا الحسنة .. فما بالك لو النوايا مش واضحة اص ...
حتى هذه اللحظة لم استوعب ما الهدف .. او الخطة للاضراب .. اى شىء لابد له من هدف و مسار و طريق..
فين ؟؟؟

Rania يقول...

كلنا مشتركين فى الخطا
و لكن الم يحن الوقت لتصحيحه؟؟؟

تحياتى

غير معرف يقول...

السلام عليكم

ملحوظة واحدة فقط رداً على موضوع البيضة والفرخة .. الحكومة والمعارضة هما إفراز مجتمعي .. بمعنى أن مصنع مجتمعنا الفاسد لا ينتج إلا هؤلاء.
والشعب ليس فقيرا بأكلمه ولكن يوجد سوء فظيع وإجحاف في طريقة توزيع الثروة وعملية الإثراء نفسها.
لا يوجد فاسد كبير بدون الالاف من الفاسدين الأصغر في تسلسل يعرفه الجميع.
وأعتقد أن 95% أو أكثر من الشعب إذا تولوا سدة الحكم فلن يسعه إلا أن يفعل مثل ما يفعل هؤلاء .. لأن هذا هو ماتربوا عليه ولا يعرفون غيره ..
عندما نجد شخص سئ جدا نطلق عليه (ده يهودي) ماهو هذا اليهودي؟ هم اليهود الذين ابتعدوا عن الدين وعن المنهج الإلهي المنزل فصار شخصاً (لا ديني) وأي إنسان يبتعد عن دينه المنزل وتعاليمه في سلوكه الشخصي ومعاملاته مع الناس يصبح (لا ديني) لذلك نقول على حكوماتنا المسلمة أنهم أصبحوا (ولا اليهود يا أخي).
أتمنى أن أكون واضحاً.

وشكراً
أحمد زكي

بنت مصريه يقول...

شوفت اللى حصل ف المحله .الاضراب هو اللى حصل ف القاهره لكن اللى حصل ف المحله ده ارهاب مش اضراب (شكرا عالتعليق) اتمنى تتابعنى عالطول

بنت مصريه يقول...

انا صاحبه الكومنت اللى فات انا انجى

MAKSOFA يقول...

تعرف يامحمد أنا متفقه تماما معاك ، لكن لما بأقول رأي ده الناس تهاجمني وتقول لي أنت موش حاسه بالناس اللي في مصر ، أرد واقول بالعكس أنا علشان عشت بره قادره أقيمهم قوي قوي ، أحنا بصراحه شعب عايز يتربي من أول وجديد ،الغالبيه العظمي من الشعب هجاص وموش عايز يشتغل وعايز يمد أيده في جيبك ولازم تدفع له بالعافيه من اول ماتنزل من الطياره لحد ماترجع تاني تسافر، واذا نفضت لهم يبصولك بصه وكأنهم حا يقتلوك وكأنه فرض علي اللي جابونا أنا علشان عايشه بره لازم أصرف على كل اللي يمد لي أيده وكأنها ضريبه لازم أدفعها بعد كلمة حمد الله على السلامه
---------------------
تسلم ايدك على البوست ده كتبته بطريقه مهذبه منطقيه ، لكن أنا لو كتبته حايكون مختلف علشان كده بأفرمل نفسي ساعات كتير
تعرف انا حا اكتب بوست عن المصريين الجدد في الأمارات ، طبعا دلوقتي بقم مالين البلد ، بدل مايجيبوا هنود بيجيبوا مصريين كتر خيرهم اهو بيحاولوا يحلوا أزمه عندنا ويحلوا العرب مكان الهنود وهما يستفيدوا من العماله الرخيصه ، بس تعرف بيجوا بكام بحوالي مثلا 1500 جنيه وسكن مشترك التمانيه في اوضه وكده ،وطبعا كلهم خريجين جامعات تعالي شوفهم ، أن شاء الله حايطردوهم قريب ،مافيش أنضباط في العمل ، مافيش أدب وهو بيتكلم معاك ، وغيرها فاهمين أنهم لسه في مصر ، والبياعه فاهمه نفسها في عمر افندي ناقص تضرب الزباين ،وسواق التاكسي التابع للشركه اللي زي مثلا تاكسي الغزال يتنطط عليك هو مافيش بواب يشيل الشنط ، قلت له لا يا أخويا أنت اللي حاتشيل ، بصراحه بأشوف النماذج دي وأقول كتكم الغم، نفس سلوكياتهم في مصر جايه هنا بس وحياتك مافيش الكلام ده هنا ، ويأما يتلموا يحيرجعوهم تاني ويقولوا يارتنا ماجبناهم عموما انا موش عايزه أحرق كلامي بس حا اكتبه بوست بالتفصيل
=====================
رغم أني كنت فاهمه زمان أنك متشدد وربما لايعجبك ما أكتبه الا أنني أكتشفت أننا نتفق في قضايا كثيرة لنا فيها نفس الرأي
-------------------
تحياتي يا اخي العزيز

قلم جاف يقول...

ح أضحككم..

حسين عبد الرازق قال إن حزبه قدم في بداية عهد الرئيس مبارك ورقة عمل كاملة فيها الحلول الكاملة للمشاكل الاقتصادية للمؤتمر الاقتصادي اللي اتعمل مع بداية تولي الرئيس الحكم.. وإن المقترحات دي كان مصيرها سلة المهملات..

كلام يموت من الضحك ، يكشف عن خيبة حزبه ولجان حزبه ودكاترة حزبه ، خاصة وأن احتمال أن يكون البرنامج الاقتصادي للبيه الحزب يستحق الإلقاء فعلاً في الريسايكل بين..

التجمع وشركاه : ديماجوجية في الطرح ، شعبوية في توصيله.. نموذج للمعارضة التي يمكن للحزبوطني أن يعمل عليها شوربة ونقنقة!

والحزبوطني لا يريد معارضة تفكر وتحلل وتبحث عن بدائل وتناقش .. هذه العمليات الذهنية المعقدة تفوق قدرة التجمع والوفد والأحرار وحتى التيار الديني مجتمعين.. وربما قدرات السواد الأعظم من قيادات الحزبوطني نفسه..

كان هناك كلام في الصميم على حق -مش زي برنامج التجمع الاقتصادي- عن الازدياد السرطاني للتكاليف في مصر مما يجعل كل شيء في مصر يتكلف أكثر من غيره بكثير في باقي أنحاء العالم ولم يسمعه أحد ، ونفس الشيء ينطبق على تفسيرات للفقر منها بُعد شرائح كبيرة من المجتمع عن عملية التنمية لكونهم يعملون في الجهاز الحكومي الخدمي المصري البعيد عن أي عملية إنتاجية ، بعكس من يعملون في السياحة أو في المرافق المؤثرة مثل قناة السويس .. اجتهاد له وجاهته ويمكن لأي شخص أن يتفق أو يختلف معه..

لكن التفكير أصبح جريمة مؤخراً.. وعقوبة صاحبه أن (....) (.....) الكلاب حتى يصيب "النَنَّح" عقله الصغير ثم نراه تدريجياً يتحول إلى مجذوب لا يختلف عن مجاذيب "أعلى مستوى" و "مصر مصتهدفة"!

غير معرف يقول...

6K聊天室,080中部人聊天室,聊天室交友,成人聊天室,中部人聊天室,情色聊天室,AV女優,AV,A片,情人薇珍妮,愛情公寓,情色,情色貼圖,情色文學,色情小說,色情,寄情築園小遊戲,AIO交友愛情館,情色電影,一葉情貼圖片區,色情遊戲

言情小說,情色論壇,色情網站,微風成人,成人電影,嘟嘟成人網,成人,成人貼圖,成人交友,成人圖片,18成人,成人小說,成人圖片區,微風成人區,成人網站,免費影片,色情影片,自拍,hilive,做愛,微風成人,微風論壇,AIO

情趣用品,情色,成人,A片,自拍

情趣用品,色情,成人影片,色情影片,免費A片

情趣用品,成人網站,A片下載,日本AV,做愛

情趣用品,美女交友,A片,辣妹視訊,情色視訊

情趣用品,色情聊天室,聊天室,AV,成人電影

غير معرف يقول...

情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品