السبت، 29 مارس 2008

شد الحزام - سيد درويش


               أغنية شد الحزام الحان سيد درويش من المقام حجاز وتأليف بديع خيرى وغناء سيد درويش والمجموعة ، وهى أحدى الأغانى المعروضة فى رواية "قولوله" عام 1919 وقدمتها فرقة نجيب الريحانى ، وخاطبت الروايه العديد من الطوائف واهل الأمصار كالرشايدة فى اغنيه "اوعى تصدقى" والمراكبية فى "البحر بيضحك" والقناوية فى "مليحة جاوى الجلل الجناوى" والبنت المصرية فى "ده بأف مين اللى يألس" وغيرها مثل طلعت يا محلى نورها ويا ولد عمى ، اما اغنيتنا هذه فكانت موجهه للشيالين وارها تعنى لنا الأن فلسفة مرحلة لابد منها مش أضراب ولعب عيال


شد الحزام على وسطك غيره مايفيدك
لابد عن يوم برده يعدلها سيدك
إن كان شيل الحمول على ظهرك بيكيدك
أهون عليك ياحر من مدت إيدك
ماتيالله بينا انت وياه ونستعان ع الشقا بالله
واهو اللى فيه القسمه طلناه واللى مايجيش انشا لله ما جاه
مادام بتلقى عيش وغموس يهمك ايه تفضل موحوس
ماتحط راسك بين الرؤوس لا تقوللي لا خيار ولافقوس


حقولك ايه واعيد لك ايه كله له آخر
دى خبطة جامدة وجت على عينك ياتاجر
ياوحستك دلوقت لاوارد ولاصادر
يحلها الفين حلال ربك قادر
قل لي في عرض النبي ياحسين رايحين نلاقيها منين ومنين
والاش متجوز اثنين يادنيا غوري جاتك البين
شوفوا البخيل يفضل منحوس ولو علقوا على بابه فانوس
فلوس دي ايه سكت ياجاموس ديه السعادة في غنا النفوس


شد الحزام على وسطك غيره مايفيدك
لابد عن يوم برده يعدلها سيدك
إن كان شيل الحمول على ظهرك بيكيدك
أهون عليك ياحر من مدت إيدك
ماتيالله بينا انت وياه ونستعان ع الشقا بالله
واهو اللى فيه القسمه جبناه واللى مايجيش انشا لله ما جاه
مادام بنلقى عيش وغموس يهمك ايه تفضل موحوس
ماتحط راسك بين الرؤوس لا تقوللي لا خيار ولافقوس


قرب شيلنى شيل عمر الشدة متطول
قرب سيلنى سيل بكره نهيص زى الأول
لا تقولى كتير وقليل بكرة نهيص زى الأول
لا تقولى كتير وقليل عمر الشدة متطول
هيلا هيلا هيلا هيلا . . هيلا هيلا هيلا ليصة
.

هناك 25 تعليقًا:

http://kasperb4.blogspot.com/ يقول...

مضمون الكلمات حلو اوي وراقي جدا
ومحتاجينه بشدة في الفترة دي

على فكرة حكاية الإضراب دي مش عارف ليه انا مش مطمنلها

الطائر الحزين يقول...

بس هما يعلنوا اننا نشد الحزام

واحنا نشد والله

كلبوزة لكن سمباتيك يقول...

تصور لما كانوا رابطين الحزام كانت العشر بيضات بمليم دلوقتي طبق البيض بقى بكام؟؟
و لسة رابطين الحزام
نقدر نطلق على نفسنا بلا منازع الشعب المتحزم

اغنية هادفة فعلا
تحياتي

كلبوزة لكن سمباتيك يقول...

تصور لما كانوا رابطين الحزام كانت العشر بيضات بمليم دلوقتي طبق البيض بقى بكام؟؟
و لسة رابطين الحزام
نقدر نطلق على نفسنا بلا منازع الشعب المتحزم

اغنية هادفة فعلا
تحياتي

Ahmad Hegab يقول...

الدنيا مش حتبقى جنة بعد الاضراب

بس على الاقل اللى لسه مسمعش يسمع واللى لسه ماعرفش يعرف !!

اننا كرهنا العيشه فى ظلهم ! لازم الناس دى ترحل !
الاضراب فى حد ذاتة 90 % ممكن ماينجحش بس المهم اننا اتحركنا كمان خطوة فى طريق التغيير

sara يقول...

اتفق مع سمباتيك في موضوع الشعب المتحزم دي

ثانيا : ليه الضمير العربي ..دا انا لو عديتلك عدد مرات هروبي من الاغنيه دي اني ما اشفهاش وما اسمعهاش ..مش هاتصدقني ..ادخل هنا الاقيها في مدونتك ..ماكنش العشم :((((((

bastokka طهقانة يقول...

انا حضرب و مش حشد الحزام تاني


اوروفوار

Amira يقول...

كلمات الأغنيه جميله جدا
و موائمه جدا لعصرنا الحالي

الغريب ان مصر تكون بلد فيها الخير ده كله
و على مدار تاريخها متقراش عن مرحله فيها مصر منتعشه اقتصاديا و الناس فاكه الحزام بجد

سمراء يقول...

سيد درويش كان مطرب الشعب حيث قام بالتعبير عن كل الفئات ولكن مسماه الجديد مع كلمات الاغنية ( شد الحزام ) هو مطرب كل عصور الاضمحلال في مصر
للاسف لم يعد هناك فارق بين ذلك العصر الاستعماري وعصرنا الحالى
احييك
سمراء

سمراء يقول...

سيد درويش كان مطرب الشعب حيث قام بالتعبير عن كل الفئات ولكن مسماه الجديد مع كلمات الاغنية ( شد الحزام ) هو مطرب كل عصور الاضمحلال في مصر
للاسف لم يعد هناك فارق بين ذلك العصر الاستعماري وعصرنا الحالى
احييك
سمراء

عاشــــــ النقاب ـقــــة"نونو" يقول...

هنشده اكتر من كدة
طيب ما احنا شدينه لحد ما عدتش فيه وسط اصلا من كتر الشد
اول زيارة لحضرتك
انا من احباء اعمال سيد درويش
تحياتي

rana يقول...

الدعوة للاضراب دى مظهر من مظاهر الفوضى اللى بتعم المشهد المصرى عموما
يعنى ما فيش تركيز على حاجة واحدة او هدف يتلم الناس حواليها ودة نتيجة سنين طويلة من الفشل الحكومى فى تحسين احوال الناس

rana يقول...

اما الاغنية بصراحة روعة واد اية كلماتها سهلة وبسيطة
وبتوجع

•√أريـ السمر ـج√• يقول...

اختيار جميل جدا

و وقته مناسب

بس ايامهم كانت ايام خير لاقيين العيش و الغموس

دلوقتى حتى العيش بموتوا بعض عليه

دمت بخير

خمسة فضفضة يقول...

السلام عليكم ورحمة الله وبركاته

احنا عاملين نشد الحزام من ايام سعد زغلول لحد ماخلاص قرب يتقطع

Rania Lelah يقول...

هنفضل نشد الحزام لحد امتى
مفيش مرة ننفجر بقى

انما الاغنية روعة
تحياتى

allfollowsome يقول...

أول مرة اسمع حاجة زى كده فى حياتى

جميلة جدا

لدرجة انى فكرت الاغنية دى فى ال 1800 ولا ال 1700 كمان.

المهم ظهور الاغنية دى فى وقتنا هذا تدل ان من اوائل هذا القرن والشعب جعان

محمد فوزي يقول...

والله من ساعة ما ابتدت أزمة الغذاء والدواء , والماء والهواء , وانا دايما في بالي مطلع الأغنيه دي !!
بس انا في تصوري الشخصي ان الشعب المصري عنده استعداد انه يشد الحزام ويتحمل هوايل بس لما يحس ان ده في سبيل هدف قومي عظيم وده حصل كتير قبل كده في تاريخنا , انما لما يكون مجبر ع الشد بسبب الفساد أو قلة الحيله الحكوميه فالوضع بيكون مختلف , وعموما المعدن المصري الجدع اللي كانت الأغنيه دي بتخاطبه تم طمسه للأسف عند كتير من الناس
آسف للأطاله وتحياتي لك.

السـيد شبـل يقول...

هو تقريبا فى ناس مبقتش لاقيه تمن الحزام

غير معرف يقول...

http://benkerishan.blogspot.com/

Jana يقول...

سيد درويش ده راجل حكيم
هو جاب من الاخر ..وعارف ان اخرتها برده شد حزام
واهو كله رقص وتلوى .
حتى لو كان تلوى من الجوع
:)

تحياتى لاختيارك اللى فى الجون
لكن حاول تتفائل..حلو الاحساس ده وان استمر يومين بس
:)

بنت مصريه يقول...

هو كان فيه زى سيد درويش احييك على اختيارك له انا لسه بسمعو لحد دلوقتى اما بالنسبه لموضوع شد الحزام احب اقول لحضرتك ان الحزام اتقطع من كتر الشد ومعناش فلوس نجيب واحد تانى وبالنسبه للاضراب عندى احساس ان هيبقى فيه كارثه اليوم ده اما بالنسبه لحضرتك ف مدونتك جميله جدا http://www.engyelbohy.blogspot.com ارجو التعليق

بنت مصريه يقول...

عشان ربنا حرم أكله يبقى اكيد فيه ضرر انا مش متزكره الايه بالضبط بس ربنا حرم اكل الحيولنات زى الحافر زى الدم ولحم الخنزير لحكمه لا يعلمها الا هو ....انا اللى مضايقنى ان كل واحد ف مصر دلوقتى زمانه كاله حمارين او كلبين ..شكرا ع التعليق

بنت مصريه يقول...

يا استاز محمد انت ممكن تكون قطاع خاص مش عام عشان كده بتتكلم بثقه قوى والمعلومات اللى انا كتباها دى مش من عندى دى من مصادر موثوق فيها ده غير ان اللى اعرفهم كلهم مارحوش شغلهم انهارده وانا ليا علاقات بناس كتير جدا ودى طبيعه شغلى ازا كنت حضرتك مش موافق الشعب الغلبان عالخطوه دى دى بقى حاجه تانيه

غير معرف يقول...

فى مغنى حو اوي اسمه حمزة نمرة مغنيها تحفة
http://www.youtube.com/watch?v=-oQ-wCFPUtA&feature=related