الثلاثاء، 18 مارس 2008

دموع منى الشاذلى


منى الشاذلى الغنية عن التعريف ، أستضافت فى حلقة اليوم 08/03/18 من برنامجها المتميز العاشرة مساءً من اختارتهم وزاره التضامن الأجتماعى الأب المثالى والأم المثالية والأبن البار والأبنة البارة لهذا العام ، اشخاص عاديين جداً جداً قد تصادف أمثالهم فى عملك او جوارك او تلتقى بأشباههم فى مترو الأنفاق او فى عرض الطريق منتظرين الميكروباص او لا تلحظهم على الإطلاق للهاثك المحموم وراء الحياه ونهمك الى الترف الذى لا ينتهى ، قصصهم كفاح حقيقى خلال مشوار حياه مع الألم والأمل والمعاناة والصبر قد تكون سمعت مثلها من قبل او تعرف من يعيشون احلك منها ولا اريد ان اعرج على قصصهم التى عرفها من شاهد الحلقة واما من لم يشاهدها فليطلق لخياله العنان ليتخيل اشد ظروف الحياه تعباً وبؤساً وشقاءً وستكون قصصهم اصعب

دخولهم اقل من ان تذكر ولا يعرفون الا رعايه ذوييهم والعمل والتفكير بكل جد وكد وأجتهاد وبلا كلل ولا ملل ولا ضجر لتوفير ما يستطيعون لهذه الرعاية ، ويعيشون هم فى نفس بلادنا بغلائها وفسادها وكل ما نشكوا منه ليل نهار ، يرون قصصهم ولا يتخلل كلمات الرواية الا ألفاظ الحمد والشكر لله والأشارة والثناء على اشخاص فى حياتهم ساندوهم فى مهمتهم كالزوجه وزوجه الأخ والجارة من شخصيات اعتدنا ان نعتبرهم هذه الأيام مصدر القلق والقلاقل ، يرونها ببساطه مفرطه وقوه مزهله ووجوه انتقص من حقها ان قلت انها كانت راضيه وغارقة فى السكينة فهذه تعابير قاصره مقارنتاً بما تدفق به وجوههم اليك ، عندما سالتهم عن معنى الحياه لم تتعدى اجباتهم رضا الوالدين ونجاح الأبناء والصبر ، وعندما سالتهم عن امنياتهم من استطاعت ان تتذكر ان لها امنيه قالت احج بيت الله بينما كان الصمت اجابه الثلاثه الأخرين ففيما يبدو ان رضا نفوسهم لم يترك لهم شئ يتمنوه

صفعه عنيفه تعرضت لها مع هاتف يقول لى "ولسه ليك عين تشتكى وانت ترفل فى النعمة" وحبست دموعى من المها ، ولم تستطع منى الشاذلى ان تحبس شئ فنطقت شفتاها بعفويه قائلة "انتم اقويا أوى" ثم انسابت دموعها فى عتاب لنفسها قبل اى شئ اخر


هناك 26 تعليقًا:

la3lahakhier يقول...

منى الشاذلى لايختلف عليها اتنين
..انما
عود طيب
تحياتى

دكتور حر يقول...

اي والله عندك حق

في كتير كده


لكن في اكتر محتاجين القطع خالص

تحياتي

Ahmed Al-Sabbagh يقول...

رائع

وانا عاشق لمنى الشاذلى

تحياتى لك

احمد الصباغ

لماضة يقول...

اه والله اتفرجت عليها خلتنى عيط وانا بتعشى
حسيت بشىء من الرضا غريب يتسلل جوايا
وماما جنبى بتقولى فيه كده
قلتلها فيه اكتر من كده بشوفهم بالمئات يوميا
وسكت وانا بفكر خايفه انحس من كتر اللى بشوفه وانا بداري دموعي فى طبق المكرونه وبكمل اكل بعد يوم طويل

الطائر الحزين يقول...

ولتسئلن يومئذ عن النعيم

زوييهم -------> ذويهم


وفى حياتنا والله يا أخى ما هو أشد

بارك الله فيك

A.SAMIR يقول...

الدنيا دي فيها نماذج في منتهى الكفاح والرقي
انا باحس ان انا صغير قوي لما بشوف نماذج زي دي
تحياتي

عصفور المدينة يقول...

الحق أقول لك ...... إنما يبكي من يصدم بهذه الحقائق وهذا الواقع

أما أنا فلم أعد أبكي من كثرة ما أرى والله المستعان
وشوف حتى صاحبي الطائر الحزين بيقولك إيه

وفى حياتنا والله يا أخى ما هو أشد

ammola يقول...

قرأت حديثا لا أعلم مدى صحته"ان من الناس من لايصلحه الا الفقر فان اغناه الله فسد وان من الناس من لا يصلحه الا الغنى فان افقره الله فسد"
اللهم آت نفوسنا صلاحها وتقواها كيف شئت وارضنابما قسمت لنا

منى يقول...

منى الشاذلى حبيبتى مبقولش اسمها الا كده

الحلقه للاسف مشفتهاش بس بابا حكى لى
اكيد دمعت
بس مش عارفه عشان فرحانه بالناس دى
ولا صعبان عليه ظروفهم
لكن اعتقد ان احساسهم الرائع بالرضا
يخليهم اغنياء اوى
ربنا يكرمهم ويكرمنا دايما بالرضا

خمسة فضفضة يقول...

السلام عليكم ورحمة الله وبركاته


اللي يشوف حال الناس يهون عليه حاله


حمد الله علي السلامه

محمد الجرايحى يقول...

السلام عليكم ورحمة الله وبركاته
أخى الفاضل: محمد

لقد أصبحت هذه النماذج هى الغالبة على الحياة فى مصرنا ..وهناك ماهو أشد منها

تقبل تقديرى واحترامى
أخوك
محمد

koukawy يقول...

حقيقي الجميع يشهد لحساسية مني الشاذلي
الناجحه اللي تستاهل النجاح اللي هي فيه
تاني حاجه الحمدلله علي كل شئ
و الناس دي ليهم الجنه
و كل سنه و انت طيب

Jana يقول...

من يبكى هنا يبكى على حاله ...بعد ان يتسائل أأكون فى قوتهم ..ان كنت فى ظروفهم.!!؟؟..ثم نستشعر ان حمدنا لله مهما ذكرنا لا يكفى..فنعاود البكاء

أحييك على مدونتك الجميلة بما انها أول مرة أعلق ...لكنها بالطبع ليست اول مرةأتشرف بالزيارة

تحياتى

Rania يقول...

اذا رضى ابن ادم برزقة
و حمد ربهعلى كل شىء
سوف نكون حقا اقوياء مثلهم

اما منى الشاذلى فهى اعلامية راقية و ضمير حى ينبض فى ظل قاذروات الاعلام الهابط

ومودتى

أحمد الشمسي يقول...

برنامج العاشرة مساء برنامج ببساطة لازم يتشاف.. مش بس يتشاف.. لازم يتابع، ببساطة هو نافذة أمينة جدا على الأوضاع في مصر

الشخص الذي سيأتي بالتأكيد يقول...

ربما تسببت دموع منى الشاذلي لهؤلاء القوم العاديين اكثر مما ينبغي في سعادة عارمة ..
لا يعرف مثلها الاغنياء
من يدري ؟

احييك

فاضل

ahmEd_H يقول...

منى بنت ناس و محترمة و بتعرض فكرتها بأحترام و هدوء و تستحق كل تقدير

مدحت محمد يقول...

برنامج منى الشاذلى برنامج قوى جدا
بيطرح قضايا سياسية اجتماعية ثقافية رائعه ومنى شخصية حساسة اوى ذكية اوى
مشفتش الحلقة بس
فعلا انا بحييها
على الجهد
اللى بتقوم بيه
جدا
تحياتى

حبة حاجات (ايمان) يقول...

اولا احييك على البوست دا فعلا لانها كانت حلقه مميزه
ثانيا احب اشكرك على اهتمامك لزيارتى فى المدونه ومتابعتك

اشكرك للمره التانيه

Miss Dot يقول...

أسفه لم أقرأ موضوعك لكن أمامي مهمة نشر مدونه في غاية الاهميه أنشرها بين المدونين ان استطعت
ادعوكم لزيارة هذه المدونه
http://www.ta7arosh.blogspot.com/

السـيد شبـل يقول...

الحمد لله

Human يقول...

منى الشاذلي ..إنسانه محترمة ورائعة جداً

إبـراهيم ... معـايــا يقول...

فعلاً يا محمد منى الشاذلي رااائعة، بالمناسبة مش أول مرة تدمع ف البرنامج !!
*************
.
.
إلى كل المدونين المصريين، ومحبي الأدب،وبهاء طاهر ، ومصر :
أدعوكم، وتدعوكم ورقة وقلم .... إلى الاحتفالية المقامة بمناسبة فوز بوكر العربية ببهاء طـاهر ، وذلك يوم الثلاثاء القادم .... الأول من إبريل ... في نقابة الصحفيين الدور الرابع ... السادســـة مساءً

Sampateek يقول...

لما كنت لا استطيع تغيير الواقع المؤلم المتهاوي في مصر يوما بعد يوم فقد اعتزلت مشاهدة برنامج العاشرة مساء و برنامج 90 دقيقة
ربما بامتناعي عن مشاهدة آلام الناس تختفي آلامهم
(نظرية النعامة)
تحياتي

جسر الى الحياة يقول...

الحلقة دى وجعت قلبى وعنيا من كتر البكا وكمان الحلقة اللى بعدها كانت بجد متعبة للنفس والمشاعر قوى
بجد ربنا يجازيها خير انها خرجتهم من الظل ووضعتهم تحت دائرة الضوة ولو للحظات على الشاشة ليدعو لهم كل من يشاهدهم
وربنا معاهم ويقويهم

انجى يقول...

انا مشفتش الحلقه بس منى الشازلى معروفه بمصداقيتها .. انا اعرف ناس راجل ومراته.فقره جدا بس اغنيه عند الله ومتعففين قوى .ربو عيالهم ودلوقتى عندهم ولد ف اقتصاد وعلوم سياسيه وبنت ف طب..ربنا جزاهم ف الدنيا خير وهيجزيهم ف الاخwww.engyelbohy.blogspot.com ارجو التعليق ره خير عظيم ان شاء الله