الاثنين، 31 ديسمبر 2007

نحن نحتفل

قد يكون احتفالى انا وزملائى مختلفاً بعض الشئ ولكنى احسبه افضل احتفال بنهايه عام وبداية أخر جديد ، فاليوم وبخلاف ما تم جرده طوال اليوم فى جميع اقسام المصنع ، وبعد انصراف العاملين فى موعدهم المحدد قام مجموعه من الزملاء وهم من صفوة الأداريين بالمصنع (منهم على سبيل المثال لا الحصر مدير المشتريات ومدير الحسابات ومدير الشئون الأداريه) ، قاموا بجرد المنتج الغير تام (بأيديهم قطعه قطعه وليس كمشرفين او اعضاء فى لجان الجرد) ولأيضاح حجم العمل المنفذ اقول ان ناتج الجرد كان قرابة السبعين الف قطعه فى مراحل الأنتاج المختلفه ، وانتهوا من اعمال الجرد فى العاشره مساء تقريباً ، فاتنى تصويرهم وكان من المفترض ان اكون معهم ولكن كان لى عمل اخر ينتظرنى ، فمنذ الصباح الباكر نقوم بتحميل شحنه مؤلفة من 22378 قطعة بنطلون فى ثلاث حاويات ضخمه لتصدر لأسبانيا ولم يتم الإنتهاء من التحميل حتى كتابة هذه السطور ولن ننتهى قبل الواحده من صباح العام الجديد يداً بيد لا فرق بين مدير وغفير وهو ما لم يفوتنى تصويره












ينقص الصور صوره زوجتى وابنى فى انتظارى وانا غائب عنهم فى عملى الى ما بعد منتصف الليل فهم الجندى الحقيقى الذى يقف خلف كل ذلك والأحق والأجدر بالأشادة



هناك 23 تعليقًا:

عصفور المدينة يقول...

انتم طبعا بتشتغلوا بالشاي والقهوة البنزين بتاعكم يعني

ربنا يعيننا ويعينك

عصفور المدينة يقول...

ِيل بقى الكومنت موديراشن ده
أنا بقالي سنة جالي 3 تعليقات شتيمة بس

Gid-Do - جدو يقول...

ابو حميد

دة احسن احتفال فى الدنيا الاحتفال بالنجاح فكل سنة وانت واسرتك وكل الناس المنتجة فى مصر بخير

سؤال ـ هل البنطلونات دية يمكن شرائها من مصر ولا للتصدير فقط؟ واذا كانت موجودة فى مصر هل فية اسماء محلات معينة بتبيعها؟

دنـيـا محيراني(ايناس لطفي يقول...

كل سنه و انت طيب
اجمل شيء انك بتحتفل بالعام الجديد بصحبه طيبه تجتمع علي العمل بالاخلاص
و اجمل شيء انك لم تنسينا في مشغولاتك و اردت ان نشركك هذا الاحتفال
لكن اجمل من تذكرته هو اهل بيتك
تحيه طيبه للمشاعرك و احساسك بكل ما حولك
و كل عام و انت بخير و اقرب الي الله دواما
تحياتي

Unknown يقول...

كل عام وحضرتك الى الله اقرب
ويارب سنه سعيده عليك

طيب اعزم
:)

عصفور المدينة يقول...

هيييييييييييييييه
محمد شال الكومنت موديراشن يا عيال

رفقة عمر يقول...

مش عارفه مبسوطه قوى ان حضرتك شاركتنا الساعات دى
رربنا يوفق حضرتك يارب
وربنا يخليلك عبد الرحمن ومامته يارب

خمسة فضفضة يقول...

السلام عليكم ورحمة الله وبركاته

كل سنة وانت طيب يا محمد

ويارب تكون سنه احسن من اللي فاتت سعيده عليك وعلي عيلتك وتحقق كل امانيك فيها


الف مبروك انك شلت الموديراشن بركاتك ياشيخ عصفور

ههههههه

غير معرف يقول...

كل سنة وانت طيب يا اكسلانس
وكل جرد وانت طيب
وأخيراً كل طلبية تصدير وانت طيب :)

مجهول يقول...

يا بختك
اجمل احتفال هو احتفالك وسط احبائك وزملاء عملك المخلصين بنجاحكم

عام سعيد عليك وعلي زملائك وموفق عليكم جميعا يا محمد ان شاء الله

كل عام وانت بكل خير واسرتك واهلك
وكل احبائك

......
صحيح هوه المصنع بيبيع في مصر ؟
عايز انفعكم واهو اخد خصم 80 في المية ولا شيء من هذا القبيل

سها السباعي يقول...

كل عام وانت الى الله اقرب
حضرتك ليله راس السنه كنت شغال
انا والولاد كنا نايمين من الساعة 9 عشان عندنا امتحانات ترم تاني يوم
بس الحمد لله صحيت ولحقت حته من حلقة العاشرة مساء مع فاروق جويده
كل سنه وانت والاسرة الكريمة بالف خير

ملحوظة
2008
فيها 3 سنين هجرية
خدتو بالكوا؟
كل سنه وانتم طيبين 3 مرات

lonely يقول...

عام سعيد ان شاء الله
ودائما فى نجاح ورضا

الراقـــص مع الذئـــــاب يقول...

السلام عليكم
كل عام وانت بخير
كان الله في عونك وعون كل من اجتهد في عمله

ammola يقول...

وانا كمان كنت باحتفل
home alone

محمد الجرايحى يقول...

أخى الفاضل :أ/محمدعبد الغفار
السلام عليكم ورحمة الله وبركاته
أحييك على طرحك الذى أعلى من قيمة العمل وشرف الاجتهاد

وكل عام وأنت وكل العاملين معكم بخير وحب واتقان للعمل

أخوك
محمد

البنت الشلبية يقول...

ربنا يوفقك فى شغلك ويعينك
ويخليلك زوجتك وابنك ويباركلك فيهم يارب
وكل سنة وانت باحسن حال

غمض عينيك يقول...

كل سنة وانت طيب سا استاذ محمد
ربنا يعينكم

ibn_abdel_aziz يقول...

ما شاء الله
:)

انا مبسوط من الموضوع والصور والتفاصيل وكل شئ

جزاكم الله خيرا

Dr.khaled يقول...

يعني لما تختمها تختمها بصورتك وانته بتشرب؟؟؟
طيب راعي ظروف اخوانك العطشانين :(

طيب جداً يا استاذ محمد انك تتذكر زوجتك في الموقف ده...
انتم السابقون ونحن ان شاء الله بكم لاحقون....

طبعا اكيد...عصفور المدينة...و في العمق..لازم يشرفونا :)

^ H@fSS@^ يقول...

كل سنة و انت طيب
ربنا يعينك و يعينهم
عشان كده على كتاب الوشوش كنت متضايق اوي ليلة راس السنة
تحياتي
لك و لاسرتك

Ahmad Hegab يقول...

برافو يا محمد بجد

هبههههووب يقول...

ربنا يوفقكم جميعا وكل الناس ربنا يعينهم ف شغلهم
واحسن شىء عجبنى فعلا هو ذكر دور الجندى المجهول
ربنا يسعدكم ويكتر افراحكم

جسر الى الحياة يقول...

ربنا يوفقكم ويعينكم على عملكم الجميل اى شىء ياتى بثمرة انتاج فهو مفرح ومتهيالى ان الصناعة المصرية فخر الصناعات