الأحد، 29 أبريل، 2007

حسن محمود

           هو أحد القراء الغير مدونين يتابع مدونتى وغيرها من المدونات ، لطالما اثرى بتعليقاته مواضيع عندى وعند غيرى من الزملاء لكنه فجأه اختفى ولم يعد له اى ظهور لا هنا ولا هناك لفترة ليست بالقصيرة

ترى هل الم به خطب ما ؟ ارجوا من الله الا يكون كذلك ، هل تحول لقارئ خفى على حد تعبير احمد شقير فى موضوع سابق ؟ احتمال وارد ، هل يأس وسأم من المدونات وما فيها ؟ قد يكون معه بعض الحق وأقول له انه رغم الضعف والسطحيه لدى البعض الا انه هناك الكثير مما يستحق القرأة والمتابعة

حسن محمود لعلك بخير وفى خير ، افتقدك هنا ولا اقصد مدونتى بذلك اقصد هنا فى مجتمع المدونات ، فعساكم من عود
.

هناك 28 تعليقًا:

مصر هى أمى يقول...

محمد عبد الغفار

تصدق بالله انت سبقتنى لانى كنت ناوى انزل بوست فعلا اسال فيه عن حسن محمود لان برده كان بيعلق عندى واختفى وبالذات اما كتبت بوستات عن الاخوان المسلمين وانه قالى ان عيلته كلها اخوان مسلمين ربنا يستر وميكونش حصله حاجة

ربنا يكرمك يا محمد انك بتهتم وتشال على الناس اللى بتعلق عندك
ده يبين انك شخصية محترمة تماما

ma_3alina يقول...

معلش بقى .. أستاذنا واستاذنا واستاذنا كمان ..

الباشمهندس حسن محمود فعلا كان من الناس المميزة جدا في عالم التدوين وافتقده كثيرا .. افتقد تعليقه عندي وتعليقاته في مدونات كثيرا كان يناقش أصحابها بأسلوب راقي وجميل

وكنا تعرفنا عليه أكثر في فترة وعلمت منه أنه مهندس أظنه قال ميكانيكا ولكني غير متأكد .. وأظنه قال جامعة الاسكندرية ..

طلبت منه كثيرا جداً أن يعمل مدونة خاصة به لأن تعليقاته كانت جميلة جداً .. حتى انه دافع كثيرا عن حكمة النعامة في وضعها رأسها في الأرض عند الخطر .. لكنه كان يعتذر دائما عن عمل المدونة

بفكر اعمل إعلان عندي في المدونة : خرج ولم يعد

أمــانــى يقول...

السلام عليكم
الكل افتقده لانه كان اسلوبه اكثر من رائع فى التعليقات وكان يقول كلمته بدون مجاملة
وعلى فكره هو له اسبيس على الهوتميل ولكن دون موضوعات وكنت استغرب كثيرا كيف هذا الشخص لا يكتب وهو ذو افكار مرتبة فى التعليقات
وانا على فكره حاولت وبعت له رسالة من خلال الاسبيس لانه يتيح ذلك ولكنه لم يرد حتى الان لعل المانع خير
وهذا هو عنوان الاسبيس الخاص به
http://hbanna2.spaces.live.com/
الاسبيس خالى من اى شئ سوى الاسم والمهنة يــاااااااارب يكون بخير
وجزاك الله خيرا يا استاذ محمد

عصفور المدينة يقول...

http://ghost2004.maktoobblog.com/
أنا مش متابعه اوي لأني جديد في التدوين منذ نوفمبر الماضي
بس أعتقد أن تتكلمون عن هذا الرجل؟

كبير المتشردين يقول...

كنتي بسمي حسن محمود مدون من منازلهم كنت متعلق بيه جدا برغم اني مش اعرفه بس انا كنت فاكر انه مختفي من عندي انا بس يارب نشوفه قريب يا محمد بجد شخص كلماته تجنن واسلوب تفكيره حكاية

محمد الجرايحى يقول...

أخى الفاضل
السلام عليكم ورحمة الله وبركاته
أحييك على مشاعرك الكريمة وأخلاقك النبيلة
ونتمنى أن يكون الأستاذ حسن محمود بخير
وإن شاء الله يعود لأحبائه سالماً وينير عالم التدوين من جديد

بارك الله فيك ورعاك

شــــمـس الديـن يقول...

تصدق بالله انت معاك حق فعلا !!!!


انا فعلا تسائلت كمان عن هوية هذا الشخص المحترم فعلا

كان يثري مدونتي بتعليقات اكثر من محترمة و اكثر من رائعو و جمالها في بساطتها

جزاك الله خيرا علي اثارة هذا الامر ... و ياريت يعود بالسلامة لو كان حصل له اي مكروة و ان شاء الله يكون العيب في الكمبيوتر ولا حاجة و يجيب واحد جديد قريبا :)

ربنا يستر علي بلدنا دي ... و ميكونوش اعتقلوه هو كمان !

yamen يقول...

ان شاء الله مايكونش في حاجة وحشة

بس تعرف ان المدونات مش هايبقي ليها اي مصداقية من غير
"قراء غير مدونين"

لاني بحس انه لو كل القراء مدونين هانبقي كلنا كاننا مجتمع مغلق مالوش اي تاثير في اللي حواليه

ربنا يرجع حسن بالسلامة

وذكرتني كلماتك بقصيدة الشاعر احمد مطر "زار الرئيس المؤتمن"..ا

و التي يسال فيها عن صاحبه حسن الذي اختفي بعد ان اشتكي للرئيس احوال البلاد الصعبة

ارجو الا يكون حسن خاصتنا قد انتهي الي ما انتهي اليه حسن في القصيدة

تحياتي

ياسمين يقول...

آه والله أشكرك لنى بالفعل لاحظت اختفاؤه وتساءلت بينى وبين نفسى اين ذهب
أرجو أن يرد على تساؤلاتك بالفعل
تحياتى

ياسمين يقول...

قرأت التعليقات
وفى فعلا حد بيعلق تحت اسم الشبح أوghost
ممكن يكون هو
وذهبت ورايت الرابط
يا رب يرد عليك بقى يا محمد

حائر في دنيا الله يقول...

حسن محمود
حسن محمود
لا اعتقد ان احداً بهذا الاسم قابلني، عموما ربنا يرده لنا سالما غانماً

وربنا يخليك لينا يعم محمد عبدالغفار

مع تحياتي

Esmeralda يقول...

من يومين سالت نفسي
لما اموت حتعرفوا ازاى؟؟ و اصلا حد حياخد باله؟؟؟؟؟؟

ان شاء الله خير

shermen يقول...

أنا معرفش مين الشخصية اللي بتتكلم عنها لكن نتمنى انه يكون بخير
-------------
في سؤال عندي على الكومينت بتاعك في آخر بوست ليا ياريت تجاوبه
منتظره ردك
---------------
صحيح نسيت أقولك
انا مبسوطه اوي أنك أول واحد يعلق
تحياتي

سمسم يقول...

عبده حبيبي
.........
ربنا يرد غيبته ويسلمه من كل مكروه

بس ليه دايماً قاسي مع من حولك

لما تصف الجميع او بعض الجميع وهو في

كلامك يعني النسبة الأكبر بالسطحية

دي تاني مره يا عبده بدأنا نقلق

تحياتي

ويجعلوعاااااااااااااااااااااامر

Rania يقول...

انا متشرفتش بيه قبل كدة بس ربنا يرجعة بالسلامة
تحياتى

reri يقول...

أنا ما أعرفهوش ... بس أكيد ما دام الكل مهتم بيه.. أكيد كان شخص محترم... ربنا يجعل سبب إختفاؤه خير

سلامي ليك وتحيه علي إهتمامك بالتواصل الإنساني.. وده أهم حاجه في عالم المدونات

ibn nasser - ابن ناصر يقول...

اه صحيح كنت بشوفه كتير وعلق عندي قبل كده ..بس انشاء الله نطمئن عليه
تحياتي

Tamer Nabil يقول...

ان شاء الله يعود

لمسة طيبة منك عزيزة محمد

تحياتى

أُكتب بالرصاص يقول...

والله يا محمد
بقالي فترة اتسأل عنه

افتقدتة

بس بصراحة برافوا عليك انك كتب موضوع مخصوص علشانه

حسن رغم انه ظهر لفترة قصيرة انما بنقاشاته ترك اثر كبير
لدرجة اننا بنبحث
عنه

يا حسن

انت فين
نداء من كل المدونين اللي عرفوك

يا ريت تجاوب

وينكى يقول...

ناس كتير قوى بتظهر فى حياتنا بشكل او باخر
بتسيب جوانا بصماتها وبتختفى
لكن بصماتها ما بتزولش
ماقدرش اقول غير..لعل المانع خير وان شاء الله يرجع تانى
على فكره
انا مررتلك تاج فى مدونتى
تعالى وخده

Mohamed A. Ghaffar يقول...

مصر هى امى
متشكر ، وفعل الخير ليس فرض كفايه فيمكن تكراره هنا وهناك ومن هذا وذاك

ما علينا
انت قاصد تغيظنى بقى ، مش لدرجه خرج ولم يعد فقط ادعوا له بالخير والسلامة

أمانى
الله اعلم هو ولا مش هو ، ولو كان هو فلن اقلق مضجعه وعليه بالتواصل معنا ان اراد

عصفور
شكراً على المجهود

كبير المتشردين
لعله فى خير

محمد الجرايحى
ولك وله بمثل ما ديعت

شمس الدين
تبقى مصيبه

Yamen
عندك حق ، واتمنى له ما تتمناه

ياسمين
الحقيقه لا اعرف وانتظر ان اعرف

حائر فى دنيا الله
متشكر

Esmeralda
مش هنعرف الا اذا كان حد يعرفك فى عالم الواقع ، وبعد الشر عليكى

شارمين
ظهر واختفى قبل دخولك عالم التدوين

سمسم
سؤال اريد اجابته بصراحه تانى مره عاشر مره لا يهم ، المهم هل اتجنى اما انى اصف واقع وحقيقه موجوده؟

رانيا
يارب

ريرى
والله مش شرط يعنى ، بس هو كان كويس من وجهة نظرى وشكراً لتحياتك

ابن ناصر
شكراً للمتابعه

تامر نبيل
الله يخليك

أكتب بالرصاص
هو من يستحق الشكر لما تركه من اثر

Mohamed A. Ghaffar يقول...

وينكى
اشوف فيكى يوم ، بس الحمد لله نفدنا المره دى جاوبت عليه من كام موضوع كده ، لو بتابعى المدونة كنت عرفتى

أميرة البلطجية يقول...

اه..وانا برضه جه في بالي حسن من كام يوم وقلت لنفسي هو اختفي فين؟
ربنا يطمنا عليه
شكرا اوي يا محمد على اللفته الاخوية دي

koukawy يقول...

علي فكره هو فعلا اختفي ده كان متابع كل يوم بانتظام و انا كنت بفكر اكتب بوست ليه بس انت سبقتني
يارب فعلا يكون بخير

واحـــد مـــــن الـنـــاس يقول...

بجد بجد نفسي اطمن على الانسان ده

من اكثر المعلقين احتراما واثراء للحوار

دائما والله

رغم اني عمري ما كلمته ولا اعرفه معرفة شخصية

بجد بجد نفسي اطمن عليه

ربنا يستر

رفقه عمر يقول...

انا كمان مفتقده تعليقا ت استاذ حسن محمود جدا عارف هو بصراحه من اكتر الناس اللى بهتم بتعليقهم عارف ليه لانه مش عنده مدونه منتظر فيها حد يعلق عنده وبيعلق علشان فعلا عايز يعلق وعايز يقول رايه مش لغرض انتشار مدونته او علشان الناس تروح تعلق عنده باتمنى انه يكون بخير يارب ويكون مسافر او عنده حدث سعيد مانعه من المتابعه عارف انا بعتبرك الاخ الكبير للمدونين بجد دة احساسى

farida يقول...

هو كان من المعلقين الدائمين عندي

نصحته مره بانشاء مدونه و رفض

غبت أنا و عدت لأجده غائبا!!!!؟

لعل المانع خير
ان شاء الله

أحييك يا محمد على اهتمامك

حسن محمود يقول...

وللأصالة عنوان

أخى العزيز محمد عبد الغفار
لم أكن أتصور يوما أن احدا سوف يذكرنى حينما أختفى . وذلك لأنى كنت قد قررت أن أرحل فى صمت ولا أخفى عليك انك لمست جانب مما دار فى مخيلتى من حيث ما فائدة المدونات ؟ ولماذا أعلق ؟ وللأسف كنت أقول ان المدونات مجرد هوجه وسوف تنتهى كما أن بعضها ردىء وبغيض . ولكن على مايبدو ان هناك تواصل انسانى على الرغم من اننا فقط قد تبادلنا بعض الافكار او التعليقات
لا أعرف كيف اشكرك على اهتمامك بى وسؤالك عليه. واتذكر القول العربى المشهور رب أخ ٍ لك .. لم تلده امك.
و أعدك بانى سوف احاول ان اكون على اتصال دائم بك فأنا حقا معجب بمدونتك واكثر مايعجبنى ضحكتك البهية فى الصورة الموضوعه وكلماتك القائلة أنك صادق وكفى . يالايتنا كلنا صادقون

على كل حال سوف اعاود التعليق من جديد فهناك ناس قد عرفتهم من خلال مدوناتهم أعتقد انهم كنوز وكما قلت هناك فعلا مايستحق القراءة

ودمت بكل خير وحب وتقدير وسلام
لك جزيل شكرى وخالص احترامى يا اخى العزيز