الأربعاء، 14 فبراير، 2007

إلى كل المحبين


بـأمــــــر الحــــــــــــــــــــب

بأمر الحب أفتح للهوى وسلم
بأمر الحب أفتح قلبك اتكلم
بلاش نهرب بلاش نتعب
تعالى نحب ونسلم بامر الحب

بأمر الحب أسمع يا حياة قلبى نداء قلبى
جاوبنى بصلى قرب كمان قرب هنا جنبى
وهات شوقك على شوقى وهات حبك على حبى
وانا وعيونك الحلوة نعيش قصة غرام حلوة
حرام نسكت على قلوبنا حرام الشوق يدوبنا
بلاش نهرب بلاش نتعب
تعالى نحب ونسلم بامر الحب

حياتى دنيتى عمرى بأمر الحب مش أمرى
بحبك حب محدش قبلنا عرفه ولا صادفه
بحبك حب ومش قادر على وصفه وانا شايفه
فى نظرة شوق فى تنهيدة فى دنيا كلها جديدة
ونجمه مسكتها بإيدى وكانت فى الفضاء بعيدة
وشئ فى الليل متوهنى وشئ فى عنيك بيندهنى
حرام نسكت على قلوبنا حرام الشوق يدوبنا
بلاش نهرب بلاش نتعب
تعالى نحب ونسلم بامر الحب

_ _ _ _ _ _ _ _ _ _ _ _ _ _ _ _ _

تحديث

أعزائى جميع الزوار رائعة عبد الحليم حافظ لم تكن أحتفالاً بما يسمى عيد الفلانتين فلزم التنويه

هناك 18 تعليقًا:

ياسمين يقول...

الحمد لله ان حبك وقلبك لسة احياء يرزقون

ربنا يخليهمولك

غيرك كان عنده حب وقلب ومات قبل الأوان

zordeak يقول...

يا لذيذ

يا رايق

:)

Sharm يقول...

العندليب

لسة عايش

عروسة النيل يقول...

happy valentine's

غير معرف يقول...

حلوة الاغنية اوي والاحلي انة يبقي في راجل بيحب الست كدة وهي ترد علية وتقولة بالحب وحدة انت غالي علية بالحب وحدة انت ضي عنية فكرتنا بايام الحب الجميل يا محمد هابي فالنتين هالة

مُزمُز يقول...

فالنتين سعيد

مش سعيد أوي يعني

.:.-=- ELGaZaLy-=-.:. يقول...

لا جميلة بجد ...

ربنا يسعد قلبك

غير معرف يقول...

عارفين والله بس الناس ما بتصدق اي مناسبة يتقال فيها سيرة الحب اصل احنا افتقدناة خلاص هالة

raspoutine يقول...

اللبى بيحب بيحب طول السنه بيبقو بيقطعوا فى بعض وبرضو بيموتو فى بعض لكن دلوقتى يا عم الواد والبت فى عيد الفلنتين ده يروحو يأجرو مركب الساعه بعشرين جنيه ويركبو المركب وعمنا المراكبى يعمل مش واخد باله ويديهم ضهره وعيش يا عم الحبيب واقلع الفلنتين
وبعد الرحله
يقول للبت
كل عام وانتى حبيبتى وهيا تقولو كل عام وانت حبيبى وتانى يوم ميعرفهاش
حب ايه يا عم محمد ده انا استويت والله استويت

Sampateek يقول...

حرام نسكت على قلوبنا
لازم نعالجها من المرض اللي اسمه الحب و الانتكاسة اللي اسمها الشوق و الاعراض الجانبية اللي اسمها الهيام

في مستوصف كويس بيوصف علاج سهل
اسمع اغنية فؤاد المهندس في مسرحية حواء الساعة 12

على حبل غسيل ميكنش طويل
اتعلق فيه و متسرخشي

---
تخ ياتي

ahmEd_H يقول...

حب
حب
حب
حب

و كمان حب

رق القلب علشان حب

ملقاش الحب زى ماحب

لاقى حب على اد ما اتحب

قالك احب علشان الحب

و راح قالها تحبى احبك حبة حب

قالتلوا حب ما انا كمان بحبك لاجل الحب

كلكوا بتكلموا عن الحب

عيد الحب عيد الخب

و كل حب و انتم على حب

تصبحوا على حب

Sampateek يقول...

ها لسة؟
فين الجديد؟

شخبطة ملوكى يقول...

صباح الفل يا معلم
بجد اغنية من اروع ما غنى العندليب ترجعنا لزمن الفن الجميل
تعرف انى مش عارف ليه من وانا صغير و عندى 10 سنين كنت بح اغانى الفيلم ده قوى بامر الحب / خايف مرة احب / ليه فارقته ليه / ضحك و لعب
بجد اشكرك لانك رجعتنا لزمن الفن الجميل
بس سؤال هو ليه نشرت الاغنية فى عيد الحب و نوهت ان مالهاش علاقة بعيد الحب؟
مجرد سؤال برئ ;)

أمينه يقول...

هوب ايء هوب هوب ايء على راى اللمبى
الاغانى زى بتاعه عبدالحليم دى اكبر دليل على ان البنى ادم عنده قرد ه جباره على انه يكدب الكدبه ويصدقها
وعلى راى نزار
الحب فى الارض بعض من تخيلنا
لو لم نجده عليا لاخترعناه

Mohamed A. Ghaffar يقول...

ياسمين
مادام قلبك ينبض ، فلا بد ان يحمل الحب مهما كانت الظروف ويأثم من هو غير ذلك

zordeak
والله ده انت اللى رايق ، وياريت متحرمناش من زيارتك

sharm
لسه عايش وسيظل لفتره طويله اعتقد

عروسة النيل & مزمز
لا احتفل به أعذرونى وطبعاً شرفتوا المدونة

هالة
منورة زائرة دائمة ، بجد بدور على تعليقاتك فى اى موضوع ، بس اللى يفتقد الحب دى مشكلته هو

.:.-=- ELGaZaLy-=-.:.
يسعد قلبنا بزيارتك الدائمة لنا يارب

راسبوتين
جريئ يا ايمن ، بس مش كل الناس كده نسبه كبيره صحيح زى منت قلت بس مش كل الناس ، مش هقلك شرفت ده بيتك يا باشا

سمباتيك
أو فى الحمام تفتح سخان وتشمشم فيه وميهمكش ، بس مش قساوة منك حبتين دى على الحب ، انا مشغول حبه فى الشغل عشان كده انتاجى ضعيف سامحينى

ahmed_H
هو ايه ده

شخبطه ملوكى
لا شكر على واجب يا باشا وكفايه انها جابتك عندنا المدونة ، واجابه السؤال . . لأن انا مكنتش اقصد عيد الحب انا كل فتره معينه شبه محدده بختار اغنيه متأثر بيها وأنشرها كلمات وسماعى جت دى مصادفة كده ولقيت الناس عماله تقول هابى فلاحتين فنشرت التنويه

أمينة أختى حبيبتى
مش أوى كده يا امينة

واحـــد مـــــن الـنـــاس يقول...

بحبها
بحبها
وفي قلبي ساكن حبها
ياريت يا شوق
توصلها
ويحس بيا قلبها
..
بس يا ترى هيا فين ؟؟

عمرو غريب يقول...

المدونة رائعة ارجو كتابة الكثير الكثير من المواضيع amr 345. blog spot .com

عمرو غريب يقول...

الحب شى جميل اوي