الأحد، 11 فبراير 2007

تاج تانى . . . أه يانى


             دينا فهمى مستقصدانى ، كل اما يجيلها تاج تغرزنى فيه ليه كده بس يا ستى انا كنت عملت لك حاجه ؟؟!!! هى بعتاه ليا من 10 أيام بس انا أتأخرت فى الرد عشان الزحمه اللى كنت فيها الفتره اللى فاتت

اية اللي حيحصل لايميلك لما تموت ؟
بعد شويه الناس هتفتكرنى جالى اكتئاب واعتزلت المسائل ، بس الحقيقه غير كده والموضوع ده شغلنى كتير على فكره مش على مستوى الميل انما على مستوى العلاقات الإلكترونيه اللى هتنتهى بوفاتى وهما مش هيبقوا عارفين انها وفاتى


اديت الباس وورد لحد قبل كده؟
لا

لو اه كانت طبيعة علاقتك بيه اية؟
. . .

اســــــمك؟
محمد عبد الغفار ، وفى ناس بتقلى عبد الغفار بس ، وطلع لى فى المقدر جديد جعفر والأخير ده بكرهه جداً


اسم الدلع المشهور وسط اصحابك؟
MGM مستر ايه جافار و


برجك؟
الجدى

شخصيتك نوعها ايه؟
انا بركان خامد صامت كالقبر واثور فجأه فلا ابقى ولا ازر لا حد عرف سكت ليه ولا ثرت ليه ولا امتى ممكن يحصل ده تانى

السفر بالنسبة لك؟
أمتع شئ فى الوجود

المود بتاعك؟
فى المعتاد متعقل ، اما دلوقتى فمودى العنب العنب العنب


وقت فراغك بتعمل فيه ايه؟
يعنى ايه وقت فراغ

الاكلة المفضلة؟
الملوخية

الصفات اللي خدتها من بابا؟
فصاحه اللسان وقوة البيان ، الصلابه والتحمل ، القدره على البطش دون الوقوع فى الخطئ ، الحزم والحسم ، القوه فى التصرف

الصفات اللي خدتها من ماما؟
طريقة التفكير العقلانى النظام الزوق والأتيكيت والمجاملات وحب الفن والحياة

اكتر 6 حاجات بتكرهها؟
الكذب وكل مشتقاته من غش ونفاق وخلافه
عدم الأنضباط
التشاؤم
التفكير الغلط
تمييع الأمور وعدم القدره على الحسم
العصبية
الظلم

اكتر 6 حاجات بتحبها؟
أفكر
احس بنعمه ربنا وحبه
حلاوة الإيمان
أهلى وتشمل ابى امى اخوتى زوجتى ابنى
أكون مفيد
الأستقرار

الشغل بالنسبة لك؟
أكون او لا أكون

ايه الكمبيوتر والانترنت بالنسبة لك؟

نافذه على العالم

وجاء وقت التدبيس ، كتير وعهد الله كتير بس خلاص حرام عفونا عنكم خاصه ان اهم شخصيه احب تجاوب عليه مش هتجاوب عشان التحرر من قيود الهوية وفى كتير راحلهم فعلاً وناس بعتلهم قبل كده ولا اهتمتش فهختار من اللى تجاوبوا معاى المره السابقه وهم فريدة ، قاسم افندى ، على ابو طالب ، طعمة ، فانسى ليدى ، كبير المتشردين ، حائر فى دنيا الله ، أستراحه المحارب ، طيارة ورق واسف لو نسيت حد هعتبرها دعوه مفتوحه لكل من تجاوب قبل سابق يتجاوب تانى حتى لو نسيت ازكره
>

هناك 11 تعليقًا:

MAKSOFA يقول...

واضح من أجاباتك انك من مواليد برج الجدي لأنه برج منظم عقلاني ، هاديء الا أنه ايضا عندما يثور يكون بركانا لايخمد بسهوله ، يحب الأستقرار

amany يقول...

عجبتنى صراحتك جدا لان دى مواصفات برج الجدى زى مابيقول الكتالوج.
بس ماعرفناش مزاجك عنب العنب ليه.
:)

Memo يقول...

يا سلام يا جعفر على حكايه الملوخيه دي مزاج و اللهي
انا كدا اتاكدت انك بتفهم كويس جدا
تحياتشيييي

غير معرف يقول...

فكرت اعلق علي التاج سؤال سؤال لقيتني هكتب كتير اوي عموما اجابتك كلها عقل وهدوء بس والنبي اللي يقولك يا جعفر اوعي ترد علية اصل الاسم دة وحش جدا مش بحبة خالص مالص وعنب اية دة شكلك فكهاني وبتحب الفاكهة وبعد الشر عليك من الموت في الموز والمانجة هالة

te3mah يقول...

يا ابن الحلال اعتقني بقى لوجه الله

Fancy يقول...

شكرا على التاج

و هاكتبلك الرد على الاسئلة حالا بالا

كراكيب نـهـى مـحمود يقول...

وانا عماله اقولك يا جعفر يا جعفر اوبس

Mohamed A. Ghaffar يقول...

مكسوفه
الله يخليكى

ميمو
ماشى يا ميمو الله يسامحك

هاله
والله ولا انا بحبه نهائى ، لأنه ببساطه مش اسمى ولا يمت لى بصلة من قريب ولا بعيد ، بس مبرداش ازعل ميمو رغم ان هى مصره تزعلنى

طعمة
لا ممكن أبداً

فانسى
العفو يا فندم واستعدى للثالث

كراكيب
مش مشكله طلاما مكنتيش تعرفى انما نعمل ايه بقى فى اللى قاصده تغيظنى
المدونة منوره بوجودك

ahmEd_H يقول...

ما هو من اعمالكم سلط عليكم انت رزعتنى تاج تلاقى الىى يدبسك فى واحد تانى و هكذا الدنيا يا صديقى فمن حفر بير لاخيه تزحلق فيه

Mohamed A. Ghaffar يقول...

طب تزحلق بقى يا حبيبى برجلك اليمين فى التاج الثالث

غير معرف يقول...

بجد مدونتك رائعه جدا اسمحلي اسجل اعجابي بيها جدا
متفق معاك في اختياراتك كمان نسبيا
مدونتك بصفه عامه من افضل المدونات في نظري
وبما اني سنه اولي تدوين
ياريت اعرف رأيك في مدونتي
من مجهول
http://mn-majhool.blogspot.com/