الأربعاء، 20 ديسمبر 2006

ثقافة الصوت العالى وتعقيب على تعليق


أثرت بالأمس الثلاثاء 19/12/2006 موضوع بعنوان اسرق عشان الصوره تطلع حلوه بخصوص نشر المجله المزكوره لصوره أحمد بدون أذن مسبق او أى إشاره او تنويه لصحابها الأصلى ، وجاءت الردود من طرف المجله على موضوعى اولاً ثم على الموضوع عند صحاب المشكله نفسه وقاد حملة الرد من اتضح فيما بعد ان اسمه أ/أحمد رفعت و مديرة تحرير المجله أ/مها عفيفى
لا تزال ثقافه الصوت العالى - واعتقد انها ستظل لفتره - هى المرجع الأول والأخير فى معالجه قضاينا ( سأتهم منهم فيما بعد بانى اول من استخدمه) ، فقد تواترت الردود المطوله علينا بتنوع رائع يحسد عليه كاتبيه ما بين الترغيب والترهيب والأغراء ومحاولات مستميته للاقناع بمنطق مغلوط ، ولن أخوض نفس البحر ، ولن انساق وراء اى اسلوب مما استخدمتموه فى تعليقاتكم سواء فى مدونتى هنا أو فى مدونة احمد صاحب الصورة المثار حولها المشكله ، فقط سأوضح بعض النقاط
لا أنا ولا احد من المدونين يحمل لكم ضغينه شخصيه او حقد دفين او رغبه فى تحطيمكم ، وكل ما استقبلتموه ما هو الى قطره فى اول غيث لرد فعل بسيط على مشكله الصوره والتى ما كان يجب ان يقع فى مثلها من يصنف نفسه فى عداد المحترفين
ان كنتم ترون فى ما كتبته عنكم ولكم فى مدونتى او عن طريق البريد الألكترونى فيه إسائه ما فأنا اعتذر عنها ، وان راى احد من زوارى الأعزاء انى تجاوزت فى عباراتى المكتوبه بالموضوع او فى الرساله المرسله أليهم أو انه يجد ايهم (الموضوع او الرسالة) قد صيغ باسلوب غير حضارى فاليلفت نظرى وسأعتذر مره اخرى ، وأقول انه ليس هناك أى إسائة ولا خروح عن اللياقه
دفعكم بانه ما كان يجب على ان اتدخل فلا ناقه لى ولا جمل فى الموضوع لن يقبله او يبتلعه احد ، فهو دعوه مباشره للسلبيه ، وان كان يقبله أحد فاليعلمنى
ان غرس احدهم شجره مانجو فى حديقه عامه وجاء من لا يعلم صاحبها ليعتدى ، فهذا الجهل لا يعطيه الحق ومشروعيه قطف اى ثمره من ثمارها وان فعل فالواجب على كل من شاهد او علم بالواقعة الضرب على يده بقوه وجعله عبره حتى وان كان قطف الثمره بطريق المصادفة او الخطئ غير المقصود
قياده الحمله الموصوفه من سيادتكم بكل قبيح هى شرف لا ادعيه ، وليست تهمه اتنصل منها برغم التلويح بالمسائلة القانونية التى لا تستطيعون الخوض فيها لأسباب وأعتبارات عده أبسطها انه لا سند لها ، وللحق أقول ان اول شرارة انطلقت كالعادة من عند احمد شقير
موقع فليكر لا ينشر اى صوره الا ومعها صاحبها فالدفع بمبدأ عدم معرفتكم بصاحب الصوره غير مقبول فضلاً عن صاحب الصورة أستخدم بالفعل
creative copyright protection
وهذا ثابت والدقع بغيره غير مقبول
على اقل تقدير وان صدقت كل رواياتكم فما حدث مجرد بحث على الشبكه كان نتاجه هذه الصوره وبالقطع فى هذه الحاله تعلمون يقيناً أنها ليست ملكاً لكم ولا من ابداع احد مصوريكم فلا اقل من الأشاره وقت نشرها بانها مقتبسة بمنتها الأمانه والبساطه للخروج من اى مطب متوقع وانتهاج أسلوب المحترفين المنتظر منكم
الأعتراف بالحق فضيله من شيم الرجال ، وحجر زاويه فى أسلوب المحترفين فأن كنتم ترون ان الخطأ بسيط ويمكن رده بأعتذار وتنويه عن صاحب الصورة فمرحباً بكم وفى انتظار الأعتذار والتنويه المنشور فى العدد القادم لمجلتكم ، مع الإحتفاظ بكل الحق وكامل الحق فى الطريقه والأسلوب التى يراها صاحب الصوره للترضية المناسبه ، وسترون رد فعلى ورد فعل كل مدون والذى سيكون مختلف 180 درجه وستكون هناك حمله شامله لاحقاق حقكم فى الأشاده والتبجيل والتعظيم ومحو اى صوره سلبيه لحقت بكم
>

هناك 12 تعليقًا:

كلبوزة لكن سمباتيك يقول...

انا عجبتني قوي شجرة المانجة اللي في البوست دي
طعمها حلو
بس انا شايفة ان اللي بيتنشر على النت بيبقى مشاع يعني اللي ما يشتري يتفرج
حتشتري يا خواجة لا راخ نتنيل
و اللي خايف على مجهوده يحفظه بالملكية الفكرية - يمسيك بالخير يا شعبولة-و مزرعش شجرة مانجة و ارجع اضرب الناس اللي بتاكل منها
ما انا زارعها في الشارع
اوكي
نيجي بقى لسياسة الصوت العالي
تصور بقى انها سياسة ناجحة للاسف
عايز حقك لازم تبقى قليل الادب و صوتك عالي و لو ابن ناس و مؤدب يبقى فوت علينا بكرة يا سيد
---
في خطأ مطبعي في اخر البوست



المحترفين فأن كنت ترون ان الخطئ بسيط ويمكن رده بأعتذار وتنويه


سابع سطر من تحت
ان الخطأ
---
معلش المهنة بتحكم
ههههههههههه
اي خدمة

محمد عبد الغفار يقول...

نورتى البلوج ست كلبوزه ، والمنجى طبعاً لازم تعجبك دى فص عويسى انما ايه

من حيث الواقع ما تقوليه صحيح تماماً انما من حيث الأصل والحق فلا يجب ان يكون ودى مسألة مبدأية لا خلاف عليها ، ونهايتها فوضى عارمه وانحداراخلاقى وتفسخ لا حدود له اى بالضبط هو الواقع الذى نعيش فيه وواجبنا حتميه تغييره

قانونك ببساطه ان المال السايب يعلم السرقة صحيح طبعاً ، انما هذا القانون يلفت نظر صاحب المال لضرروة المحافظه عليه بكل وسيله ولكنه لا يضفى مشروعيه على فعل السارقة

المشكله يا كلبوزه مش فى اللى عاوز حقه وبيستخدم ثقافة الصوت العالى للحصول عليه وده يمكن معذور، أنما المشكله فى اللى بيغلوش على حقوق الأخرين بتخن صوته وصفاقه اسلوبه ونمطقه المغلوط وهذا ما قصدته بثقافه الصوت العالى

متشكر على التصحيح الف شكر وهل من الممكن اعرف منهنتك ايه؟وممتن لزيارتك المدونة وفى انتظار تكرارها

Ahmad Hegab يقول...

كلامك عظيم جدا و عجبنى اوى سردك للكلام بالطريقه دى و شكرا جدا انك ساعدتنى فى الحصول على حقى وزى ما انت قلت انا كمان بقول معاك

لأعتراف بالحق فضيله من شيم الرجال ، وحجر زاويه فى أسلوب المحترفين فأن كنتم ترون ان الخطأ بسيط ويمكن رده بأعتذار وتنويه عن صاحب الصورة فمرحباً بكم وفى انتظار الأعتذار والتنويه المنشور فى العدد القادم لمجلتكم ،وسترون رد فعلى ورد فعل كل مدون والذى سيكون مختلف 180 درجه وستكون هناك حمله شامله لاحقاق حقكم فى الأشاده والتبجيل والتعظيم ومحو اى صوره سلبيه لحقت بكم

Ahmad Hegab يقول...

بجد انا متشكر انك وقفت معايا و فعلا عجبنى اوى ردك و طريقتك فى سرد الكلام لانى ماشوفتش تعليق مها عفيفى الا بعد ماكلمتها و بصراحه اتكلمت معايا كويس جدا و فهمتنى الموضوع كله و هو دا الى انا كنت عايزه من الموضوع كله لا اكتر ولا اقل

المشكله كلها ان بعض الناس كانوا فاكرنا بنشهر بالمجله علشان نتشهر احنا و دا الى انا فهمته من بعض كلام المحررين و بشكرك انك رديت و اسمحلى استخدم كلامك

لأعتراف بالحق فضيله من شيم الرجال ، وحجر زاويه فى أسلوب المحترفين فأن كنتم ترون ان الخطأ بسيط ويمكن رده بأعتذار وتنويه عن صاحب الصورة فمرحباً بكم وفى انتظار الأعتذار والتنويه المنشور فى العدد القادم لمجلتكم ، وسترون رد فعلى ورد فعل كل مدون والذى سيكون مختلف 180 درجه وستكون هناك حمله شامله لاحقاق حقكم فى الأشاده والتبجيل والتعظيم ومحو اى صوره سلبيه لحقت بكم

غير معرف يقول...

هىهى شىء مش جديد على تين ستاف.. كان ليه تعامل معاهم ايام الكليه.. روحت احد لقاءاتهم الاسبوعينه اللى بيعملوها فى نادى المزيكا بتاعهم على اساس نى اكتب ريفيو لأغانى وبتاع.. فى آخر الميتينج بقى قالولنا كل واحد فينا هيدفع اشتراك خمسة جنيهات وياينشروا اللى بينكتبه يا مينشروهوش.. ولو عايزه اشترك فى الجروب الفنى ادفع خمسه جنيه كمان.. قلتلهم شككرااااااااا مبعرفش اتلزق على قفايا......

Adem Salhi يقول...

اخي العزيز؛ المدونون التونسيون يخططون لاضراب عن التدوين احتجاجا على حجب بعض المدونات و ذلك يوم الاثنين المقبل؛ مارأيكم او انضممتم الينا؛ و يكون بذلك يوما عربيا لاحتجاج على الحجب الذي يطال بعض المدونات؛ اذا كنت مهتما بالامر و بامكانك المساعدة في نشر ذلك في المدونات المصرية اتصل بي

أسوور يقول...

انا هأتضايق برضه لو حد أخد من مدونتى وكتبنشر تحت اسمه أو من غير اسم خالص .. فين آداب مهنة الصحافة .. فين ميثاق الشرف المهنى للصحفيين .. الظاهر مركونين على الرف .. يجب عند الإقتباس الإشارة إلى المصدر .. دة قانون .. ولو حد رفع قضية هيكسبها .. بجد

غير معرف يقول...

شكرا لك اخي العزيز على تضامنك؛ هل يمكنك ان تكتب تدوينة في الموضوع او ان تنشر ما كتبته انا في مدونتي او ما كتب في المدونة التونسية؛ حتى نضمن تعريفا اكبر بالاضراب
تحياتي

محمد عبد الغفار يقول...

عزيزى احمد
انا معملتش غير الواجب ،لأن ده التصرف الطبيعى لأى حد عنده ضمير وان كان فى حد يستحق الشكر فهو احمد شقير ، مش عشان المجهود اللى عمله فى مساعدتك لن ده واجبه بردو انما لقدراته الفذه فى التقصى والأطلاع وسرعة الأستجابه الجباره للحدث
ان كان فى حد فاكر انننا غاويين شهره بالتشهير اعتقد ان اللى كتبته يزيل اى التباس ويوضح غرضنا وطلبنا ، اللى اتمنا انهم يصدقوا فى اجابتهم ليه وادينا هنشوف
من ناحيتى انا مش هحرك اى حاجه فى الموضوع لحد مشوف الأعتزار زى موعدت أ/مها عفيفى ويا تن تن يا تن تن

أمينةاختى شقيقتى حبيبتى
مش مستغرب ده منهم ده العادى بل بالعكس لو اعتذروا زى موعدوا هيبقى ده اللى غريب فى زماننا وهيتعمل لهم حفله شكر
ومش مستغرب انك لك تجريه معاهم اناعارفك متبحره وخاصه ان ده مجال شغلك واللى عارفه اكتر انك مش ممكن يضحك عليكى مش اختى بقى

أدم
انا بعتلك تعليق فى مدونتك بعلن فى قبولى للمشاركة واستعدادى انى اتعاون معاك بأى صوره انت تفضلها وفى انتظار ردك

ياسمين
ادب ايه ومهنة ايه وميثاق ايه هو انت مش عايشه معانا هنا فى مصر المحروسة بردو ، انت فاكره كل الناس محترمه زييك

محمد عبد الغفار يقول...

عزيزى أدم
حاضر ، مشاركون مشاركون مشاركون

وسلامى لتونس الخضراء

غير معرف يقول...

شكرا لك اخي العزيز؛ طيب اقترج عليك ان تنشر مقالي مع الشعار؛ اضغط على الشعار سيحملك الى صفحة المدونة التونسية؛ هناك تجد كود الشعار؛ ارجو ان تضعه في مكان ما يظهر للجميع في مدونتك الى جانب وجوده في المقال طبعا؛ كما ارجو ان تدعو كل من تعرف و حتى من لا تعرف من المدونين؛ اما بان تبعث له مايل او ان تقوم بالتعليق في مدونته لاخباره بذلك؛ اود ان تنسقوا ذلك بينكم ليتم الانتشار الكبير و نحصل على نتائج مرجوة
تحياتي؛

Ahmad Hegab يقول...

hehehe

yeah man ya ten ten ya ten ten