المشاركات
بقلم الشاعر أحمد فؤاد نجم
طاطي راسك طاطي طــــاطي انت ف وطن ديمقراطـــــــي
انت بتنـــعــــم بالحــــــــــرية بس بشرط تكون مطاطــــــي
لما تكون شغــال بذمــــــــــة خايف على مصــلحة الأمــة
شغلك يطلع من غير لازمــة علشان مبيعلاش غير واطي
طاطي راسك طاطي طاطـــي انت ف وطن ديمـــــقراطي
لما حاميها يكون حراميــها وبلاده ورا ضهره رامـيـها
طالع نازل واكل فيـــــــــها مسنود بالبدلة الظباطــــي
طاطي راسك طاطي طاطـــي انت ف وطن ديمـــــقراطي
لما شــقاك يصــبح مش ليك فقرك سد السكة علــــــــــيك
تتلفّت تلــــقى حـــوالـــــــيك إما حرامي و إما عقــــاطي
طاطي راسك طاطي طاطــــي انت ف وطن ديمقراطـــــــي
لماتلاقي بـــــلاد الـدنـيـــــــا فيها البني آدم حــــاجة تانية
وانت في الطبقات الـــــــدنيا قرد مسلسل أو وطواطــــي
طاطي راسك طاطي طاطـــي انت ف وطن ديمقراطــــــي
لما الجهلة يبــــــقوا أمــامــك أو فوقك ماسكــين ف زمامك
ويسوقك ع الهــلكة إمامك تشرب م السم السقـــــراطيي
طاطي راسك طاطــــي طاطي انت ف وطن ديمقـــــــراطي
لمــــا الكلـــمة تكون بتدينـك لما تخبي ف قلـــــــبك دينــك
لما الذل أشوفه ف عيـــــــنك هات إحباطك على إحباطــــي
طاطي راسك طاطي طاطـــي انت ف وطن ديمقراطــــــي
انت ف وطن ديمقراطـــــــي
هناك 7 تعليقات:
عندي اقتراح هايل بدل وجع الدماغ وحرق الدم كل يوم على عالفاضي،الا وهو ان الناس في مصر تكون حركة جديده اسمها مفيش فايده واؤكد لكم انه 99.99
من الشعب المصري هينضملها وخصوصا بعد فشل كل الحركات السابقه زي كفاية وغيرها
واحده كبرت دماغها
عزيزتى اللى مكبره دماغها
من لم يهتم بأمر المسلمين فليس منهم فمينفعش نكبر دماغنا ، بس ده ميمنعش ان مفيش فائده فعلاً عندك حق
ههههههههههه
مفيش فايدة
هو فعلا مفيش فايدة بس الاستسلام وحش
يعنى انا باشعر بأحباط من الشعر الانهزامى دة
لكن اكيد فى امل يا جماعة
دة احنا كدة نمووووووووووووت احسن
واحدة عندها امل فبكرة يكون احلى
نانسى
مفيش فائده دى عبارة مرتبطه بزمن ، يعنى النهادره صحيح مفيش فائده واكيد بكره كمان بس قدام شويه لازم يكون فى امل ، فالخير فى امتى الى يوم الدين (صدق رسول الله )، انماانا اخالفك الرأى فى انه شعر انهزامى ده شعر توضيحى شعر يثير الغضب اللى هو المحرك الأول للتغيير ، وكله على الله قولى يارب
امل ...امل ...امل الكلمة دي انا سمعتها فين قبل كده ,مش فاكره امتى بالظبط ,يمكن في ابتدائي ويمكن بعد كده ما علينا مش فارقة لكن علشان اريحك اعملي استفتاء صغير لاصحابك واساليهم بكل براءه يا جماعة مين عنده الحاجة الغريبة اللي اسمها امل (اللهم احفظنا)وياريت تبقي تعرفينا النتيجة اتمنى انك تلاقي حد فيهم يعرفها لكن اشك انك هيفتكروكي بتتكلمي هندي
واحده كبرت دماغها
بالنسبه للناس اللى سنهم فوق الثلاثين وأنهوا المرحلة الإبتدائيه فى مصر أكيد يفتكروا امل كويس وعمر كمان عشان اعدنا اولى ابتدائى وثانيه ابتدائى ندرس امل وعمر ولا لا يا بسبس لا تشدى الغسيل ، وجنب البيت حقل وجرن ، ونرجس بنت خالى ، ولعبنا مع نرجس لعبنا انا وامل ، اما بالنسبة ليا انى بقى ففاكر امل كويس عشان دى الحب الأول ( يارب مراتى متقرأش التعليق ده)وفى اغنيه هدى سلطان ميكنش ليه عندك امل ( كانت بتغنيها لكمال الشناوى فى فيلم طالع رسام دراعه مقطوع ، اما فى عموم الأمر بجد بجد لو مفيش امل الناس تموت فعلاً ولازم يكون عندنا امل عشان نعرف نربى ولادنا ونحب ازواجنا وزواجتنا واهلينا والأهم من ده كله ان ده امر الإلاهى بسم الله الرحمن الرحيم "يا ايها اللذين امنوا لا تقنطوا من رحمة الله" صدق الله العظيم وتقنطوا دى يعنى تيأسوا ، صيح الصوره قاتمه ولا يوجد ضوء ظاهر فى اخر النفق ولكن هتنور هتنور بإذن الله ، اما عن الأستفتاء فهو تحت الدراسه ،
مبدئيا يا جماعية الشعر ده مش انهزامى
ليه مش تقولوا انه اسلوب بيوعى الناس ويخليهم يفوقوا ويفكروا فى اللى بيحصل حواليهم بدل ما هم مستسلمين - ما بداية اى ثورة هى الافاقة - ده اسلوب تخطيط للمستقبل - يعنى خطة زمنية لها وقت ممكن يطول شوية بس نتيجته اكيدة باذن الله - يعنى الشعر اللى بتقولوا انه انهزامى ده بيوعى الناس وتفكرهم بحالهم وتدعوهم لقول لالالالالالا
كتر الضغط يولد الانفجار
عرفتوا بقى انه فى فايدة كبيرة باذن الله
إرسال تعليق