الاثنين، 4 سبتمبر 2006

الشرطه فى خدمة الشعب

ان اللسان لينعقد من هول المنظر ولا اجد ما اقول ، مرفق ثلاث مقاطع من الفيديو لأهانه مواطنين بأقسام الشرطه ، يالها من بشاعه ولو كانوا مجرمين
رجاء الضغط على الرابط التالى لتوصيلك بالمقطع مباشرة
المقطع الأول . . . الضرب بالخرطوم
المقطع الثانى . . . الضرب على القفى
المقطع الثالث . . . الضرب على الوجه
وصلتنى هذه المقاطع بالبريد الألكترونى ولم اكن أعرف مصدرها وبالأمس أثناء تصفحى لبعض المدونات علمت ان مصدرها مدونة الوعى المصرى لصاحبها أ /وائل عباس فلزم التنويه لحفظ حق المجهود

هناك 4 تعليقات:

غير معرف يقول...

كل اللى عاوزه اعرفه ازاى دول ( اخوانا البعده ) بيقدرو يناموا وضميرهم مرتاح بعد اللى بيعملوه فى الناس ده
حنان

محمد عبد الغفار يقول...

عزيزتى حنان

اولاً متقوليش عليهم اخوانا البعده عشان كده ممكن تقعى تحت طائلةالقانون لكونك بتذدرى السلطه وتروحى تقفى جنب اللى كانت بتنضرب بالخرطوم تستنى الدور ، انما قولى عليهم حبايبنا الحلوين كده فله ومحدش يقدر يعترض ولا يعاقبك الا اذا مستقبلاً اصدر قانون منع الحب
ثانياً بقى اجابه السؤال بتاع ازاى بيعرفوا يناموا طبعاً ملئ الجفون مش بيقبضوا على اعداء الوطن وبيأدبوا اعداء الوطن مينموش ليه بقى !!! وان مكنش دول اللى هيناموا مين اللى هينام أعداء الوطن مثلاً ، وبعدين اذا كان كل الطغاه والسفاحين والقتله على مر التاريخ كانوا بيناموا ييبقى حبيبنا الحلوين مش هيناموا !!! دول بيتعبوا خالص يا حنان انت بس اللى مش مقدره شوفى الراجل ايده وجعته اد ايه وهو بيمارس مهمته الوطنية وبعدين لازم تعرفى ان اى واحد بيقدم على اى تأديب لأعداء الوطن بيكون قلبه مات واتبرمج من وهو فى الكليه على تظبيط اعداء الوطن وبعدين خد كورسات تدريبيه من اللى اكبر منه فأصبح شئ عادى بيعمله كروتين او نوع من الفكاهه وده اشد درجات التفانى فى العمل ان الواحد يحب عمله لحد ميصبح فكاهه مسمعتهمش بيضحكو ازاى وهما بيربوا اعداء الوطن
أتمنى انى اكون جوابتك

غير معرف يقول...

انتم مستغربين قوى من مقاطع الفيديو دى - دى حاجة بسيطة بالقياس للى بيحصل - يا جماعة حبايبنا الحلوين عندهم اساليب تانية كتير للتعذيب - كفاية اننا نعتبر ثالنى دولة بعد امريكا فى استخراج المعلومات من المساجين وكفاية ان امريكا بتبعت لنا الناس المهمة قوى اللى مطلوب الحصول على المعلونات منها- يا جماعة كفاية الناس اللى بتموت فى المعتقل محدش بيشوف لها جثث وجنازتهم بتبقى باشراف الشرطة وحراسة الشرطة على المقبرة لاكتر من شهر والله اعلم ايه اللى فى القبر اصلا ولا ايه سبب الوفاة على الرغم ان السبب مفهوم - لا حول ولا قوة الا بالله - ولا يسعنا الا قول "حسبى الله ونعم الوكيل فيهم "

محمد عبد الغفار يقول...

فعلاً حسبى الله ونعم الوكيل لكن اود ان اوضح ان الموضوع ليس استغراب ولكن مهما كانت حجم المعلومات المتلاقاه من مصادر النشر المختلفه والأعتياد عليها وارتفاع سقف التخيل لأهوال التى قد يتعرض لها اى انسان فى موقف مشابه فإن الرؤية المباشرة لأقل من المروى تفزع ، وشكراً لتعليقك