الثلاثاء، 10 يوليو 2012

يا محكمه يا دستوريه يا عليا انت جايه إشتغلى ايه ! ! ! ؟

       
        المحكمه الدستوريه بصفه ايه تلغى قرار الرئيس ! ! ! بقى المحكمه المعينه بالكامل وكان مختارها راس النظام الفاسد بنفسه واحد واحد الا واحده اخترتها مراته تلغى قرار الرئيس المنتخب من الشعب واللى قدر يلم حواليه فى ظرف أسبوع اغلب التيارات الثوريه على حبه وتاييده ! ! ! 

بالبلدى كده مجلس الشعب حلوه عشان خطأ دستورى اجرائى على عينا وراسنا لكن هذا لا ينفى ان نوابه اختارهم الشعب فى انزه انتخابات عرفتها مصر فى التاريخ الحديث ، طب الرئيس المنتخب اللى هو البنى ادم الوحيد الحائز على الشرعيه فى طول البلاد وعرضها عين مجلس شعب جديد بكامل هيئته واختار أعضائه بمعرفته وعشان يبقى مصدمش الشعب وشغال من دماغه لما حب يعين راح جاب النواب اللى كان اختراهم الشعب بنفسه ، ريس وعين موظفين موافق عليهم الشعب لحد ما الشعب ينتخب غيرهم تانى فى انتخابات جديده مفيهاش عيوب دستوريه ، ايه بقى المشكله يافاسدين وبتفرفروا حلاوه روح

يا محكمه يا دستوريه يا عليا انت جايه إشتغلى ايه  ! ! ! ؟ واترك لحضراتكم الإجابة على هذا السؤال كلاً حسب ادبه واخلاقه
.

هناك 4 تعليقات:

كريمة سندي يقول...

هما مش راح يرتاحوا إلا لما يلغوا منصب رئيس الجمهورية ويريحوا دماغتهم على الآخر تحياتي

عين فى الجنة يقول...

عندك حق

غير معرف يقول...

ثقافة الهزيمة .. ناس هايصة و ناس لايصة

قال المحامى "خالد على" رئيس المركزي المصري للحقوق الأقتصادية والاجتماعية، في ندوة عقدت في معرض القاهرة الدولي للكتاب، أن راتب المشير حسين طنطاوي، 3 ملايين جنيه، الفريق سامي عنان يتقاضى 2 مليون جنيه شهريا. متسائلاً: "كيف نتكلم عن الثورة والعدالة الاجتماعية وسط هذا الواقع؟" ، قامت حركات الاحتجاج في المحلة عام 2006 والتي نبعت من المطالب الاجتماعية كتحسين شروط العمل وفتح ملف الحد الأدنى للأجور"، الذي فتح هذا الملف عامل بسيط في شركة مطاحن جنوب القاهرة، حيث كان يتقاضى أجرا يقدر بـ300 جنيه مصري رغم خبرة تجاوزت 15 عاما...باقى المقال بالرابط التالى

www.ouregypt.us

و نشرت جريدة المصرى اليوم فى 3 يوليو 2012 ذكرت مصادر مقربة من د. محمد مرسى، رئيس الجمهورية، أن الحكومة الجديدة المقرر تقليص عدد وزاراتها إلى 28 بدلاً من 32، بينما فى ألمانيا حوالى 82 مليون نسمة لا يتجاوز عدد الوزراء 14 وزيرا بالأضافة لمنصب المستشار الألمانى

العاب فلاش يقول...

well done