الاثنين، 25 فبراير 2008

الحضرى فوق . . . . الحضرى تحت

عندما تسقط النجوم تتحول لشهاب يضئ السماء والأرض


وتنتهى حياتها كنجمة فى الثوان القليلة التى تلى ذلك


تحديث
القضيه ليست فى انتقال فلان او علان من ناد اياً كان الى ناد اخر اياً كان وما يمثله ذلك من فرصة نجاح من عدمة، ولا فى عدم وضوح الصورة ووجهات النظر فى بلادنا الا بعد حين .
وأنما القضية فى عدم أحترام العقود والمواثيق واللهاث وراء المادة من دونهما ما اتيحت لك الفرصة لذلك وتعاظم القيمة السلبية للحدث كله ان كان فاعله نجم ساطع بحجم عصام الحضرى
..

هناك 20 تعليقًا:

hend...hanady يقول...

اى موضوع فى بلدنا ميتسمعش وميتصدقش وميتعرفش من الغلطان وهو فى اوله لازم نستنى لما يهدى خالص وبعدين الحقيقة كلها بتبان

عاشقه الفردوس يقول...

هو انا مش فاهمه الموضوع اوي


بس اللي فهمته من تدوينات تانيه
ان الحضري تقريبا هيروحنادي تاني صح

طيب لو النادي التاني ده احسنله وهيحترف فيه يبقي ايه المشكله

خللي الحراس التانيينياخدوا ثقه في نفسهم
وخليه يروح يلعب في حته تانيه وسبحان الله يمكن بانه يروح مكان تاني يكون قدوه او يكون نموذج للانسان المسلم بتصرفاته ويمكن يكون سبب لهدايه ناس

ده انسان
مش اله
نحركه بمزاجنا

جايز كلامي غلط
بس ده اللي فاهماه
اما لو الموضوع مش كده فيبقي اعذرني

عاشقه الفردوس يقول...

معلش بكتب تعليق تاني

http://www.masrawy.com/news/egypt/sports/2008/february/24/hadary2.aspx

رد الحضري هنا بيوضح انه ماغلطش

عموما كلنا بشر
ربنا يكرمك علي الطرح الهادي للموضوع

خمسة فضفضة يقول...

السلام عليكم ورحمة الله وبركاته

مهما كان اصل الحكايه ايه فده واحد بيجري ورا الفلوس ومش عاوز حاجه غيرها ، مش عارفه هوه عمل كده ليه دا في آخر 3 اسابيع كان في جيبه اكتر من 2 مليون جنيه غير الهدايا بتاع الامارات
وغير كمان مرتبه من الاهلي ومكافئاته ،وعلي راي مانويل جوزيه بيكسب كتير وبيصرف قليل ،
يعني لو سمحتوا ماحدش يصدق انه عمل كده عشان عاوز يأمن مستقبله ،ده واحد اصلا مليونير ،
يبقي اللي عمله ده يندرج تحت بند الجشع والطمع والاستعجال اللي ماخلهوش يصبر اربع خمس شهور لحد آخر الموسم

اتوقعله انه يرجع وهوه بيجر اذيال الخيبه زي كل اللي هربوا قبله
وغدا لناظره قريب

مـحـمـد مـفـيـد يقول...

اتفق معك جدا في عدم احترام العقود والمواثيق وان الخطأ خطأ متبادل
الحضري لعدم احترامه للعقد
وهروبه دون سابق انذار والتلاعب بناديه وجماهيره ومحبيه
والنادي
لانه اعتبر اللاعب وكأنه حكراً عليه لا يحق له الانتقال الا بموافقه منه
وطالما هو يرغب الرحيل من فتره فلما لا يسمح له بالرحيل اياً كان المقابل مادام هو اختياره
انا لا ابرر موقف الحضري ولكن الحياه لا تتوقف علي احد
الجرح الكبير هو ان الحضري له مكانه خاصه في قلوب المصريين فمثل هذا التصرف الاهوج ينقص من اسهمه كثيراً

عصفور المدينة يقول...

نقدر نقول يعني كدة إن موضوع الوطنية المرتبط بالكورة ده يفكرش كدة ويتكلموا بزنس

ma_3alina يقول...

هو ليه التركيز على الحضري
يمكن نقول عليه جشع أو طماع أو خان فريقه ولو انها الفاظ كبيرة على مجرد لعبة

لكن هي الناس نسيت حسام غالي اللي ساب المنتخب .. مش نادي بقا .. وراح للنادي الأوروبي اللي قدم له عرض

وسابه امتى ؟؟ .. قبل مسابقة كبيرة حيدخلها المنتخب وكان كل المصريين منتظرينها .. مش مشجعين الأهلي بس

طيب لو اعتبرنا اللي عمله الحضري تخلي عن المبادئ وخيانة لناديه ... نسمي اللي عمله غالي إيه ؟؟....

الطائر الحزين يقول...

ده بزنس مفيش عواطف

تحياتى

ammola يقول...

تصرف غيرحضرى

محمد الجرايحى يقول...

مرحباً بعودتك أخى الكريم

أخى: نحن فى زمن يعلو فيه صوت المادة فوق كل صوت

محمد فوزي يقول...

اولا تحياتي لشخصك الكريم
اول مره ادخل مدونتك وعايز اقولك انه من خلال صورتك بس في تعليقك على مدونه تاني حسيت انك شخص محترم واكيد بتكتب كلام محترم فسيماهم على وجوههم والحمد لله .
اللي مأرقني في الموضوع ده اننا شعب عاطفي زياده عن اللزوم ودي على فكره حاجه مش حلوه لانها في حالتنا دي بتخلينا نغلب العاطفه على اي حاجه القيم الاخلاق الالتزام .. كل ده بنرميه على جنب قدام العاطفه عشان كده اكتر كلمه بنقولها هي معلهش , وكفايه انك تبقى محبوب عند الناس عشان تعمل اللي انت عايزه انشالله تخرب الدنيا والي مش مصدقني يسأل ابراهيم سعيد

غير معرف يقول...

السلام عليكم..

هذا هو السلوك المنتظر من كابتن النادي الأهلي (بغض النظر عن الشارة) لأن من يتواجد داخل هذا النادي لن يخرج بأي قيمة أخلاقية من أي نوع .. فالنادي ومشجعيه يتشدقون يومياً بعبارة أن المكسب هو عنوان النجاح وأن المعيار المادي والقوة النابعة من التفوق المادي هي لغة الحوار المعتمدة للنادي .. فلا تلوموا عصام الحضري ولوموا من صنعه وتعهده بالتربية

أحمد زكي

Monzer يقول...

أنا مبسوط من الى حصل جد

لان احنا فى مصر
وطبعا على راسه النظام المصرى

يربط أي انجاز فنى او كروى بالوطنية


وكانه انجاز سياسى او عسكرى مثلا

كان لازم تحصل صدمة تفوق الناس من فرحتها المزيفة المضللة بغض النظر عن الموضوع الأصلى

تحياتى

حائر في دنيا الله يقول...

يقول المثل
من أعمالكم سلط عليكم
وبصراحة الأهلي بسم الله ما شاء الله متخصص في الحركات دي مع لعيبة كتيرة
وخاصة مهندس الثغرات عدلي القيعي
طبعا أنا رافض ما فعله الحضري لأن المسلم يجب أن يلتزم بعقده والعقد شريعة المتعاقدين

عامة الحضري كتب بيده فصل الغباء بيده
ربنا يسرتها عليه وعلى شبابنا المنجذب لهؤلاء

لك تحياتي
السلام عليكم

Mo3Az يقول...

كلامك سليم
100 فى 100
الحضرى خسر كتيييييييير اوى حتى لو كان كسب فيلا وعربية زى ما قال

السيد مجهول معروف المجهول يقول...

حضري فوق حضري تحت اخص عليك يا بتاع الكحك
مع السلامة

david santos يقول...

Excellent!
Good weekend.

Rania يقول...

متفقة معاك تماما
لابد من احترام العقود و الوعود
و لا يمكن الجرى وراء الماديات و التى جعلته الان فى موقف لا يحسد عليه

تحياتى

Vague يقول...

بحبك يا حضري طول مانت بعيد عن الاهلي

ذوقوا مما نذوق

جسر الى الحياة يقول...

يا محمد كل مشكلة فى بلدنا لها بعد اخلاقى اولا، فعندما نفقد جزء من اخلاقنا تتغير افعالنا الى ما يشيننا وهذا ما حدث مع الحضرى