الأربعاء، 6 فبراير 2008

نداء عاجل


الى عزيزى المواطن الذى وجد هاتفى المحمول وضرب عليه


رجاء مراسلتى على بريدى الألكترونى لتدبير تسليمك شهاده الضمان حيث انها مازالت ساريه ولمدة شهرين


لا تتردد فى الأتصال بى ، صحيح هو كان فردة شبشب بس شهرين ضمان ينفعوا بردو


هناك 25 تعليقًا:

Dr.khaled يقول...

ربنا يعوض عليك يا شيخنا :)

فردة شبشب فردة شبشب...
فيه مثل عندنا في الفلاحين بيقول
(حمارتك العارجة تغنيك عن سؤال اللئيم)

http://kasperb4.blogspot.com/ يقول...

معلش انا اسف بس بجد عايز اضحك
هههههههههه

طبعا انا مش هيأسك واقولك انت بتدن ف مالطة
انا عارف انها حاجة مؤلمة حتى لو كان الموبايل مش غالي
هو احساس وحش فعلا
معلش قلبي عندك
D:


لكن انا هقولك على تجرتي الشخصية ف الموضوع ده لما اتسرق مني موبايلي بفضل الله ربنا الهمني بالاسترجاع دايما كان على لساني ـ إنا لله وإنا إليه راجعون ـ
وبفضل الله العاقبة كانت افضل مما كنت اتمنى
انا ملقتهوش بس ربنا ابدلني احسن منه

ربنا يأجرك في مصيبتك ويخلفك خيرا منها
:)

غير معرف يقول...

ربنا يأجرك في مصيبتك ويخلف لك خيراً منها
إحساس ان الواحد اتسرق احساس رزل اوي :(
قدر الله وماشاء فعل

لو معاك الرقم التسلسلي للموبايل المفروض انك تبلغ الموضوع ممل شوية في المتابعة بس لو نفسك طويل هاتوصل

عصفور المدينة يقول...

إلى عزيزي المواطن الذي سرق اللحم والكوسة من زوجتي يوم الجمعة الماضي أقول له بالهناء والشفاء
وأحب أشكره لأن البيتزا عجبتني أكثر من الكوسة

خمسة فضفضة يقول...

السلام عليكم ورحمة الله وبركاته


معلش يا محمد ربنا يعوضك احس منه ، يمكن تكون فرصه انك تدخل الجيل الثالث G3 وتجيب واحد بقي من ابو كامرتين وماحدش يعرف يكلمك :-D

smraa alnil يقول...

ههههههههههه

هو برضه الموضوع مش يضحك بس فكرة جامدة

معلش يا محمد ما الشبشب دة كان ابو وردة
ممكن تجيب الخفافي دلوقتي

انا مجربة الاحساس دة قبل كدة في موبيل
وخاتمين دهب وشراب
وحياتك شراب ليا اتسرق لما كنت في الكلية والمهم انه كان ملبوس
يلا هيروحو من ربنا فين
قلبي عندك يا محمد
لو تحب اعملك اعلان عندي نلملك تبرعات
ههههه

عدى النهار يقول...
أزال المؤلف هذا التعليق.
عدى النهار يقول...

هو "وجد" الشبشب ولم يسرقه.. تفرق مع اللعيبة. بس هى فرصة برضه تجبرك على عدم الخروج من البيت بالشبشب
:)

Reemo يقول...

أهم حاجه الأمل
انك دايما يكون عندك أمل
حتى لو عارف انه مش هيرجع
:D

Unknown يقول...

ههههههههههه
معلش اكتر من كده ويزيح ربنا
فكرتنى بالفقيد الله يرحمه موبايلى والشوذ بتاعى ومحفظة الفلوس وكتاب التشريح
يعوضك ربنا باحسن منه ان شاء الله يا استاذ محمد

رفقة عمر يقول...

بس سؤال بسيط
تعتقد اللى سرق الموبيل بيعرف يقرا اساسا
طب لو بيعرف يقرا عارف المدونات
بجد هم يبكى وهم يضحك
ربنا يعوض على حضرتك اللهم امين يارب العالمين
اكيد ربنا رايد تغير فردة الشبشب وتجيب حاجه احسن منها
الموبيلات بقت كتير قوى ورخصت قوى

إيمان الحسيني يقول...

ربنا يعوض عليك يا محمد
أنا أعرف إنك لو معاك الرقم التسلسلي بتاعه ممكن يتفيرس
يعني أي حد من محلات الموبايلات يبعتلك عليه فايروس يخليه فردة شبشب بجد
:)

مـحـمـد مـفـيـد يقول...

ههههههههههههههههه
الله يجازيك
ربنا يعوض عليك
طيب لما تجيب موبيل جديد ابقي قولي بقي علشان اكلمك واديك الرقم

ma 3lina يقول...

إيش ضمني ؟؟؟

ما يمكن عملي كمين وآجي اسلمك فردة الشبشب تنزل عليا بالقباقيب

لا ياعم موبايل مسروق في اليد خير من موبايل بضمان شهرين ع الشجرة

:D

غير معرف يقول...

نداء عاجل اللي خد فردة الشبشب يشربه في امرة معايه الفردة التانيه ههههههههههههاللي يجنن الارقام هتجمعها ازاي دي بتبقي صعبه اوي عموما ربنا يعوض عليك

Maha يقول...

ههههههه

أنا برضة اتسرق موبايلي في رمضان من كام سنة

شعور صعب جدا جدا

ربنا يعوضك خير .. استرجع واحمد الله

eldoctor يقول...

الله يعوض عليك

محمد يقول...

أخلفك الله خير منه

هبههههووب يقول...

{بنا يعوضك خير عن موبايلك
انا مريت بسرقه موبايلى ..وكان احساس مؤلم جدا
والى زعلت عليه مش العدة لكن زعلت اكتر على الشؤيحه والارقام الى فيها الى مقدرتش اجيبها تانى
بس بردو الحمد لله ولعل فى ذلك خير
عسى ان تكرهوا شيئا ويجعل الله فيه خيرا كثيرا
---
الا صحيح انت اش ادراك ان الى معاة موبايلك من متابعى مدونتك
خد بالك انت كدا بتخبط ف الحلل
--
انا للع وانا اليه راجعون
اللهم اجرهه فى مصيبته واخلف له خيرا منها
لا تحزن...الحمد لله انها جت على اد الشبب

Unknown يقول...

موبيلك اتسرق؟

:/

هي أكيد حاجه تضايق وتغيظ اوي

ربنا يسامحه بقي

mesh2dra يقول...

السلام عليكم

ربنا يعوض عليك



طب تقول ايه بقى
للي اتسرقت شنطتها وهى في المسجد بتاع الكلية
كانت نازلة تسجد وحاطة الشنطة ادامها
قامت مالقتهاش

ههههههههههههه
فكرة البوست حلوة اوى

سلاماتي

Ahmad Hegab يقول...

هاهاهاهاهاهاهاها

لم تعطنى فرصة للتعاطف معك

تحياتى

saso يقول...

معلش ولا يهمك
:)

غير معرف يقول...

سرقوا الصندوك موهاميد لكن مفتاهو معايا

koukawy يقول...

ملكش حق يا عبد الغفار ما انت كانش
حقك تمشي بالموبايل من غير شهاده الضمان في المحفظه كده تدوخ الراجل معاك برضو