الأربعاء، 9 يناير 2008

كل عام وانت لله اقرب

عام هجرى جديد فهل ننتظر على زيبق جديد


قصر السلطان عالي البنيان
حَجَرة بفضة و حَجَرة بمرجان
و أراضي بتاع ألفين فدان اسمها بستان

مليان أجراس .. مليان حراس
بقلوب ملهاش شبابيك و بيبان
جدران تولد في الليل جدران
و ده كله واقف على عمدان
أمال ازاي يبقى السلطان

قصر الوالي طبعا عالي مليان حتى لو الكون خالي
بدهب و فاروز .. و كنوز في كنوز
و ان شبعت بطنه اليد تعوز و ان عازت يده السرقة تجوز
يضحك نبكي إحنا طوالي أمال ازاي يبقى الوالي

و بيوت الناس .. لا حيطان ولا ساس
ولا ليها لون و لا ليها مقاس
و حيطانها طين .. أصواتها أنين و غناها حزين

وفي وسط الضلمة تهل انت
ولا نعرف من فين أو إمتى
ترفع بنيان الغلبان وتطاتي بنيان الوالي
و ترَقص قصر السلطان

يا على يا زيبق . . . يا على يا زيبق


الأغنية من تأليف الشاعر عبد الرحمن الأبنودى وألحان رضا رجب ، وكانت مقدمة لمسلسل يحمل نفس الأسم بطولة فاروق الفيشاوى وبكل اسف بعد طول بحث لم استطع الحصول على رابط لها لتشغيلها مع الكلمات فأعذرونى

تحديث . . جائنا رابط الأغنية وجزيل الشكر للناس والعالم

.

هناك 13 تعليقًا:

AHMED SAMIR يقول...

كل عام وانت بخير وسعادة
على الرغم من مقاطعتك لمدونتي الا ان مدونتك الجميلة لها معزة خاصة في قلبي باعتبارها من اوائل المدونات التي شرفت بمتابعتها
تحياتي واحتراماتي

Unknown يقول...

كل عام وانت الى الله اقرب
:)

мσнη∂ιš يقول...

كلسنة و انت طيب يا ياشا

خمسة فضفضة يقول...

السلام عليكم ورحمة الله وبركاته

كل سنة وانت طيب يااستاذ محمد

عام هجري جديد ومازلنا في انتظار علي الزيبق يارب يكون آخر اعوام الانتظار

--------
بالمناسبه كنت بحب المسلسل ده جدا

ma 3lina يقول...

حكموكي ما حكموكي
برضه المصري مصري والمملوك مملوكي
اوعي تباتي حزينة
يا حرة يا زينة
لو ربطوا ايدينا بكرة
بكرة نحرروكي
م السلطان والوالي
والعصر المملوكي

:)
كل سنة وانت طيب يا سي محمد

Reemo يقول...

كل سنه وانت طيب يا محمد
:)

غير معرف يقول...

كل سنه وانت طيب يا محمد كنت بحب المسلسل دة جدا شخصيه علي الزيبق دي اسطوريه يعني في القصص والحواديت ولو موجودة بتبقي كل مليون سنه ياريت كلنا نكون علي الزيبق كانوة استريحوة مننا ومصر بقت سجن كبير للكل

ammola يقول...

طبعا لايمكن...لازم نستنى على زيبق جديد
احنا قاعدين اهو ادام التليفزيون معانا الفشار واللب ومتحفزين لسماع نبأ ظهوره
كل عام وانت بخير

Neveen Ali يقول...

لا على الزيبق و لا صلاح الدين و لا اى بطل ممكن نتقوع ظهوره فى زمن عز فيه الرجال كهذا
كلام جه على الجرح و قلب المواجع و الله و لا املك الا ان اقول
كل عام و انت و نحن الى الله اقرب و يا رب يصلح الاحوال

غير معرف يقول...

كل سنة وانت طيب يا محمد وشكرا علي اهتمامك بيه في فترة غيابي

لحظة يقول...

كل عام ةانت الى الله اقرب
فاكرة المسلسل واتفرجت عليه
بس دلوقت ما فيش خليفة نشتكيله من الوالي
يعني البلد مالهاش كبير نلجاله
ولا بقى فيه حاجة زي مقالب على الزيبق تهزها
ولا حتى تقرير جهاز المحاسبات نفسه
ولا الف جودت .. قصدي زيبق بقو ينفعوا معاها

^ H@fSS@^ يقول...

شكلك مشيكتش في سالمية دوت نت
اتفضل يا سيدي

http://variety.salmiya.net/songs/mosalsalat/rm/mosalsalat264.rm
البداية

http://variety.salmiya.net/songs/mosalsalat/rm/mosalsalat265.rm
النهاية

تحياتي

lonely يقول...

كنت بحب المسلسل دا جدا
يا رب يطلع فى الزمن دا على زيبق جديد
يعمل اى حاجه
ونوعده هنساعده وهنكون تلامذته كمان