السبت، 1 سبتمبر 2007

مرحب شهر الصوم مرحب - عبد العزيز محمود


.



مرحب شهر الصوم مرحب لياليك عادت فى امان
بعد انتظارنا وشوقنا اليك جيت يا رمضان
مرحب بقدومك يا رمضان ونعيش ونصومك يا رمضان
بعد انتظارنا وشوقنا اليك جيت يا رمضان

زيك مفيش بين الأيام كلك حسنات
بيزيد معاك نور الأسلام فضل وبركات
لياليك محلاها يا رمضان ويا محلى بهاها يا رمضان
بعد انتظارنا وشوقنا اليك جيت يا رمضان

كل العباد بيك فرحانه بين صلاه وصيام
حتىالعيون فيك سهرانه مش راضيه تنام
ليل ويا نهار يا رمضان وكبار وصغار يا رمضان
بعد انتظارنا وشوقنا اليك جيت يا رمضان

محالاهم فيك بعد منفطر شمع منور
ماسكين فوانيس ده فانوس احمر وده فانوس اخضر
يرقصوا ويغنوا يا رمضان فرحم واتهنوا يا رمضان
بعد انتظارنا وشوقنا اليك جيت يا رمضان

المؤمن يستنى هلالك فرحان وسعيد
وتروَّح وتزيد فى جلالك ايام العيد
فيها خير وامانى يا رمضان وتجينا من تانى يا رمضان
بعد انتظارنا وشوقنا اليك جيت يا رمضان

مرحب شهر الصوم مرحب لياليك عادت فى امان
بعد انتظارنا وشوقنا اليك جيت يا رمضان
مرحب بقدومك يا رمضان ونعيش ونصومك يا رمضان
بعد انتظارنا وشوقنا اليك جيت يا رمضان
.

هناك 28 تعليقًا:

عصفور المدينة يقول...

وفق الله أخاك أحمد ويسر له وجعل رمضان شهر فتح عليه وبركة

مـحـمـد مـفـيـد يقول...

بجد يا محمد انت بديعجبت أغنيه بجد لها أثر في النفس كبير أوي

كل سنه وانت طيب والاسره الكريمه بألف صحه وسعاده واللهم بلغك رمضان ويغفر الله ذنبك

عصفور بلا أجنحة يقول...

اللهم باللغنا رمضان
وكل سنة وانت طيب والأغنية رائعة و محدش عاملها خالص وانت دايما كدة

karamella يقول...

اللهم بارك لنا فيما بقي من شعبان وبلغنا بفضلك شهر رمضان
وكا عام وانت الي الله اقرب
اخ محمد
ووفق الله احمد لما يحب ويرضي

ta5areef يقول...

اللهم بلغنا رمضان
آمين
آمين
آمين

Unknown يقول...

حلوه اوووووووي بجد(:

انا بحبها خالص

كل سنة وانت طيب, ويارب رمضان السنة دي يبقي جميل عليك وعلينا كلنا(:

ta5areef يقول...

اللهم بلغنا رمضان
آمين آمين آمين

غير معرف يقول...

صحيح
انت حاطت صورة جديدة و بتقول بالنجاح و ندعيلوا
مش تقول مين أحمد دة
هو أخوك و بيمتحن اية

مصطفى فتحي يقول...

كل سنة وانت طيب ودايما رمضان كريم
على فكرة
مدونتك رائعة
ربنا يوفقك يا رب

S H A H يقول...

مضان كريم و كل سنة و انت طيب

رفقة عمر يقول...

كل سنه وحضرتك طيب
وتقبل الله منا الصلاه والصيام والقيام

سكوت هنصوت يقول...

الله عليه عبد العزيز محمود في الأغنية الرائعة دي

والف تحية على كاتب احلى كلام...كلام مصري قوي..والحان مصرية قوي

تحس انك شامم من وراها ريحة الكنافة..وشايف الزينة و هي متعلقة في الحواري الضيقة..وسامع البمب و هو بيتفرقع من العيال الساعة 2 الصبح..والستات بتصرخ فيهم من البلكونات عشان يبطلوا زيطة

جو شعبي مصري حقيقي...بيفوح من أغنية مصرية..من حنجرة مصرية صميمة

كتر خيرك والله...وكل سنة وانت طيب

BinO يقول...

:)
رقيق جداً يا أستاذ محمد
ربنا يتم عليك نعمة الصحة والعافية
ويسعد أيامك ويجعلها كلها أيام طاعات
ويتم نعمته علينا أجمعين ويبلغنا رمضان
ويعتق رقابنا من النار
أمين

ghalia يقول...

كل سنة وكلنا طيبين يارب
وربنا يعيد علينا رمضان اعواما عديدة وأزمنة مديدة

حسام مراد يقول...

كل سنه وانت طيب والامه الاسلاميه بخير وافضل حال
ومرحب شهر الصوم
اللهم بلغنا رمضان واعنا فيه على الصيام والقيام والقران

سلامات

دنـيـا محيراني(ايناس لطفي يقول...

كل سنه و انت طيب
اللهم بلغنا رمضان

Rania Lelah يقول...

كل سنه و انت طيب
و يا رب رمضان الجاى تبقى فى صحة و سعادة
قصدى طبعا رمضان دة و الى جاى و كل رمضان باذن الله
الصورة الجديدة حلوة قوى
:))
تحياتى
و بعتذر عن التقصير

علي الالفي يقول...

حمد الله على سلامتك

و كل سنة و انت طيب

أحمد المصري يقول...

كل سنة وانت طيب وبلغنا الله رمضان وجعلنا من عتقائه بإذن الله0

n يقول...

ينعاد علينا و عليكم
باين بيقولوها كدا بس مش فاكره بقيتها
:)
عموما كل سنة و انت طيب

yasmina يقول...

كل عام وانت بخير
ورمضان كريم

semsem يقول...

كل سنه وانت طيب
وحوى يا وحوى

غير معرف يقول...

رمضان كريم
وكل عام وانتم بخير

محمود الدوح يقول...

اللهم اهدنا فى رمضان
امين

Marwa Friday يقول...

الله ..الله ..الله يافندم ! جميلة بشكل ..بديعة
أغاني زمان الرمضانية هايلة
كل سنة وحضرتك طيب وبألف خير
الأغنية تدل على ذوق شرقاوي أصيل
تفتكر لو عملوا أغنية رمضانية دلوقتي ..بتاعة العصر ده هتبقى ازاي ؟
تخيل؟..أنا عن نفسي سأتخيل..! وتبقى فكرة لو ألفتها ونشرتها ..! تحيااااتي

ابن حـجـر الـعـسـقـلانـى يقول...

بصراحة ... ذوقك عالى
كل سنة و انت طيب و تقبل الله منك رمضان

AZ يقول...

الا صحيح مين احمد الىل على جنب ده وندعيله بايه بالظبط؟؟

•√أريـ السمر ـج√• يقول...

كل عام و انت بخير
اللهم بلغنا رمضان .. و اعنا على صيامه و قيامه