المشاركات
هو : صباح الخير
وسلم على يداً بيد كعادته اليومية مع كل العاملين بالمصنع
أنا : صباح النور
هو : إزيك
أنا : الحمد لله بخير
هو : تعالى عاوزك
وسار الى مكتبه وسرت خلفه دون رد حتى دخلنا المكتب وحدنا
هو : هزقنى
أنا : مفتحتش بقى
هو : زود التهزيق
أنا : ولا نطقت
حتى مقدرتش اقول فى سرى يحرق يلعن يدعق ولا قدرت اقول - فى سرى بردو - لا كان ولا يكون ولا ايش يكون ، ببساطه كان عنده حق ، وبابسط من البساطه لو مكنش عنده حق كنت بقى ايه هسكت بردوا عشان بحترمه
هناك 18 تعليقًا:
ربنا يكرمك انتم الاثنين
لأن بعض الناس يكون يستحق الاحترام فعلا ويكون السخط وموجودا أيضا في قلوب البعض رغم الإحسان
وصول الشخص إلى درجة الاحترام القلبي الكامل لمن يستحق الاحترام هو أيضا من طيب خصاله
ووصول الشخص أن يحوز هذه المكانة لهو دليل على إحسان كبير ومثالية عالية
ايه ده؟ انا مش فاهمة حاجة
أنا غيرت الاسم
أي خدمة (;
مش فاهمة أوي بس المهم ان فيه درس انت اتعلمته
:)
اهم حاجة الاحترام المتبادل
اداك البرستيج قدام الناس وسحبه منك بينك وبينه
بس متهيقلي لو مكنتش غلطان كنت عملت عمايل
في سرك يعني من خاف سلم ههههههههه
الأحترام حلو اوى وبعديين يا محمد هو بيعلمك الصح و فى نفس الوقت خايف على مصلحتة و بعديين خد بالك المرة الجاية و مخليش حد يقدر يهزقك حتى لو بالنظرة
الاعتراف بالحق فضيلة...
فعلا كان درس
الاحترام المتبادل منه ليك ومنك ليه شيء جميل
يعني لم يجرحك امام احد
وسخط عليك وصب جام غضبه بينك وبينه
الاحترام منك
في صمتك
الداخلي والخارجي
فلم تشعر بضيق او لم يرد لخاطرك حتي ردا علي غضبه
احترام يفرض نفسه
درس فعلا كان انبارح وكل يوم
انا مش معاك يا محمد
حتى لو بتحترمه
مش لازم تسكت له
احنا جايين نهدي النفوس
بس صحيح
كل شيء ولو حدود
aham 7aga en lama el tahzee2 yegy mn 7ad bt7trmo ... mbyb2ash tahzee2 gare7 :)
اهم حاجة فى الدنيا فى التعاملات تبادل الاحترام بين الطرفين
ودا شرط اساسى فى التعامل
مش فاهم بس انت اخدت درس وده اللى انا فهمته وده الاهم
أعتقد انه لما هزقك برده كان ياحترام
بمعنى اصح انه نهرك مش هزقك
باحترام برده
وه سبب انك مرتش عليه
وانك حتى لو مكنتش غلطان
كنت مش هترد عليه
لانه احترمك
وفى المقابل انت قابلت الاحترام باحترام
حمدالله على السلامه
:))
تحياتى
كان لازم تسكت
اما انك غلطان فكان لازم تسكت
واما انه اكبر منك سنا وانت بتحبه وبتحترمه فلازم تسكت
والا فاقلب عليه التربيزة ومش لازم تسكت
الاحترام مهم في جميع الحلات ولكن يجب ان نقف عند حقنا اذا كان الحق لنا
الأخ الفاضل: محمد
السلام عليكم ورحمة الله وبركاته
القوى من قوى على نفسه وكظم غيظه
للأسف لم يعد هذا السلوك موجوداً الآن تملكتنا العصبية وضيق الصدر
وخاصة فى هذه الحياة الصعبة المليئة بالمنغصات
وأنا أحييك لنقلك لهذا السلوك الطيب القويم..
تقديرى واحترامى
أخوك
محمد
انا بصراحة مش قادرة اعلق ولا اقول غير كلمة واحدة ربـنا ويزيدك صــبر
هو انا حاولت افهم بس مافيش نصيب
مش هتقنعه بقى يفتح ديزاين هاوس ويشغلنى عنده :(
وانا اوعده انى ههزأه كل يوم... نياهاهاها
إرسال تعليق