الاثنين، 20 أغسطس 2007

كلمتين فى السريع

الوطنى يكسب فى كل مكان مصر ان كان او كزاخستان

عيالنا بتموت ، كل يوم والتانى واحد يروح مننا مش عارفين نعمل ايه ؟؟ رحنا لكل المسئولين مفيش فايده !! احنا بنناشد
السيد رئيس الجمهورية الأب والأنسان والسيد جمال مبارك نصير الشباب يقفلوا لينا البلاعه اللى على اول الشارع

كل مشاكل المجتمع تمام وعال العال ولم يبقى لنا حرب الا ختان الإناث

الأخوان المسلمون دائماً يبدأون الإصلاح من أعلى وأبداً هو من اسفل

أثبت يا شعب ، مقولة راقصة فى سيرك حسن ونعيمه بأحد الموالد الشعبية ترددها عند هياج الجمهور لظهور احدى ساقيها

هناك 28 تعليقًا:

beroo يقول...

اه والله زي مايكون اقتصادنا ايه والعيش في كل بيت ومحدش نايم في الشارع وخلاص دي المشكله الوحيده انا سعيده جدا بزيارتي لمدونتك وياريت لو تشرفني

... يقول...

عندك حق
التوقفات الطويلة
والتأملات المستفيضة
تؤدى إلى الجنون
خليهم كلمتين فى السريع

عصفور المدينة يقول...

حمدا لله على سلامتك كثيرا طيبا مباركا فيه
ويبدو أن الله قد زادك حكمة

بس بالله عليك بلاش البلاعات عشان دي تراث وبنعلم بيها الشوارع

غير معرف يقول...

قلب لغــزة
هل تعرفون، ماذا يعني مدينة بلا كهرباء؟
غـزة منذ يومين بلا كهرباء
مستشفياتها، منازلها، مؤسساتها التعليمية والصناعية، متاجرها، شوارعها
غزة الجائعة تختنق في الظلام
أدعو الجميع
بوقفة أحتجاجية
بتعتيم المدونات ليوم واحد
الخميس
وعلى كل من يعرف اللغات الأجنبية
الإنجليزية والفرنسية والأسبانية والألمانية... وغيرها
رجاء ترجمة هذه الدعوات وإيصالها للمدونين الأوربيين
مع أرسال نسخة للأخرين لتوزيعها
ربما أستطعنا توصيل صوتنا لمن يشاركنا الحب والغضب في اوروبا

saso يقول...

الف سلامة عليك اولا
اثابك الله علي المك

حضرت حوار ظريف جدا الست بتشتكي وتستنجد بمبارك بصفتة فاروق العصر !!! والمذيعة بتاكد لها اننا دولة مؤسسات

دي يتقاللها ايه دي
الست شايفة ان السلطة احادية وطنية وليها حق
حقيقي الشعب واعي جدا

عصفور بلا أجنحة يقول...

الف حمد للة على سلامتك

أمــانــى يقول...

حمــدلله على الســـلامة
وعودآ محمودآ
اهم حاجة انهم كلمتين فى السريع بس ايه فى العمق فعلآ

bastokka طهقانة يقول...

مالها البلاعة المفتوحة مضيقاك في اية يا اخي بتجيب طراوة
الغرابة الشعب ده ميعجبهوش العجب

جامد قوي يا عم المركز انت

بضم الميم و فتح الكاف

اوروفوار

Layla يقول...

فعلا...اثبت يا شعب

يا مثبت العقل في الراس يا رب
:))

ma 3lina يقول...

دول خمسة كلمات مش كلمتين

ماشي من إجمالي المتأخر على حضرتك .. ومستنين الباقي اللي يارب ما يكونوش في السريع

عجبتني قوي اثبت يا شعب وحدخلها في القاموس إن شاء الله ..

عدى النهار يقول...

الوطنى ده أصله سره باتع فى أى مكان.. لكن مصيره البلاعة إنشاء الله

عبدالله مفتاح يقول...

بعد ما موضوع ختان الاناث يخلص هيدخلوا على الذكور
حاجة مقرفه

sarah la tulipe rose يقول...

اثبت يا شعب
و الله شر البلية ما يضحك
فعلا تحولنا لشعب ما يتهزش الا لسيقان عارية
عندنا في الكلية وانا ماشية سمعت -من غير تلميع اكر!- عامل بينصح زميله ان يعمل كارينه حزب وطني عشان حاله يمشي!..فعلا اثبت يا شعب

بيجاسوس المصرى يقول...

اولا حمد الله على السلامة يا محمد و الله بجد كنا مفتقدين تعليقاتك الرائعة و صاحبة الهدف

ثانيا بتفكرنى بفيلم جائنا البيان التالى لما روح لقوا الراجل فى بركة المجارى قال ايه بعمل حمام سباحة للاولاد
البلد بضيع ضايع اسود و ربنا يسترها بجد على البلد دى

مرة تانية حمد الله على السلامة و نورتنا مرة تانية

BinO يقول...

حمداً لله علي سلامتك
وزادك الله من بحر الحكم

هاه بتقول مين
رئيس مين
هاه
مش سامع كويس

غير معرف يقول...

ياه
هو ده واقعنا
و الله هو ده
حاجه تتعب فعلا
احنا لو هنحلل كل ده هنتعب بجد
لكن لازم واقعنا يتصلح

mesh2dra يقول...

ياااااه
الف حمدا لله على سلامتك

احنا كمان كان
عندنا بلاعة مفتوحة في الجامعة

اتكتب عنها في الجرايد بس
بس ولا بعتنا شكاوى ولا حاجة
بس مش عارفة قفلوها ليه
تقريبا حد وقع فيها


عودااحمد

S H A H يقول...

الف حمدالله على سلامة صوابعك يا صاحبي

حبيت اطمئن عليك

كنت دايما اقرا من غير تعليق

تقبل مروري

رفقة عمر يقول...

حمد الله على سلامتك اسفه متاخرة شويه بس انا ياست من كل شويه ادخل ولا اجد جديد
انا سعيدة جدا بعودتك وكبير المشردين عاد الحمد لله والجعان وحائر
يارب مافيش حد يغيب تانى ابدا اللهم امين يارب العالمين

أسوور يقول...

مشكلة ختان الإناث مهمة برضه يا محمد ولا ايه؟

مش معنى اننا بنهتم باحدى المشاكل يبقى بلاهة المشاكل الأخرى

حمد الله على السلامة وحشتنا بجد

sara يقول...

اولا حمد الله علي السلامه ولو انها ممكن تكون متأخرة شويه ..بس كنت منقطعه عن الاتصال بالعالم الخارجي ومياله للعزله شويه الفترة اللي فات

عودة قويه ببوست قوي

تحياتي
في انتظار بوستاتك عن تركيا

LAMIA MAHMOUD يقول...

واااااااااه يا بلد

ahmed mefrh يقول...

عندك حق

صاحب البوابــة يقول...

طبعاً

فالوطنى سيكسب فى كل مكان

-----------

حسبنا الله ونعم الوكيل

غير معرف يقول...

محمد انا جي اقولك انا اسف اني أتأخرت في اني اقول حمد الله علي السلامة ونورت مدونتك يا عمنا
سيبك يا باشا من السياسية مبقاش ينفع بقينا بننفخ في قربة مقطوعة وخليك مع الناس يمكن نصلح عيل صغير ينفع البلد دي بعد ما نموت ونرتاح

مجهول يقول...

صدقت
كسبان كسبان صحرا كان او بستان او حتي طاجاكيستان

ده وطني مش اي حاجة

غير معرف يقول...

حمد لله على سلامتك،
افتقدنا كتاباتك،
كما عودتنا كلمات قليلة فى العمق

خمسة فضفضة يقول...

السلام عليكم ورحمة الله وبركاته

الف حمد الله علي السلامه ربنا يتم عليك الصحه والعافيه

صحيح كلمتين في السريع بس كمان في الصميم


كل سنة وحضرتك طيب