الخميس، 28 ديسمبر، 2006

التعديلات الدستورية


تمر بلادنا هذه الأيام بحدث من المفترض انه بثقل الهرم الأكبر ، الا وهو التعديلات الدستورية الجديدة فقد أعلن الرئيس مبارك فى رساله له (نص الرسالة) عن مخاض مقترحاته لتعديل 34 ماده من الدستور (التفاصيل هنا)، ومن المفترض ان يكون هذا الحدث هو الشغل الشاغل للمجتمع بالكامل ، ولكن هل هى حقاً تستحق
أرى ان ازمة الثقه المستحكمة بين المجتمع بكل طوائفه بما فى ذلك عامة الشعب من جهة وبين الحكومة والحزب والسلطه من جهة اخرى لا تعطى اى امل فى جدوى او جدية التعديلات المقترحة ، اما المتخصصون فهم على وجهين الأول ان التعديلات ليست إلا انها مجرد تكريس للأوضاع القائمة بصيغ جديده لا اكثر ولا اقل التفاصيل هنا ، أما الثانى فانها مفرغه من مضمونها ولن تغنى أو تسمن من جوع والتفاصيل هنا ، وللمزيد من الآراء حول الموضوع أضغط هنا
وفيما يبدو ان الموضوع كما تردد عمتى دوماً قولتها الشهيرة أنه كلام زى اللى بصحيح ، أو كمن اراد ان يجدد سياره متهالكه الموتور والجسم فادخلها فرن الدوكو وعليه فلن تصل به العربة يوماً لأى هدف منشود ولا امل فى ان تكمل معه طريق ، فما رأيكم دام فضلكم

هناك 12 تعليقًا:

ahmEd_H يقول...

اتصدق فعلا فى ازمة الثقه لانى ماكنتش عايز اقرا البوست اساسا

وله نهايه يقول...

عيد سعيد عليكم ياجماعه وبازن الله العام الجديد يكون خلاصنا من النظام الفاسد

وله نهايه يقول...

happy new year
happy feast

ALiaa يقول...

شكرا أنا كنت بدور عشان ماهتميتش يومها أسمعه.... بس بجد أكتر حاجة فرحتني انهم شالوا كلمة اشتراكية

adam يقول...

لقد تم حجبي اليوم

adam يقول...

لقد تم حجبي اليوم في تونس

وله نهايه يقول...

انا كرهت حياتي
انا بحسدك انك قدرت تمسك نفسك وتكتب موضوع زي ده لان بصراحه مبارك سببلي انهيار عصبي
كل سنه ياعم وانت طيب بمناسبه الاعياد
ويجعله عامر

Mohamed A. Ghaffar يقول...

ahmEd_H
كل سنة وانت طيب ويراب يخلصنا من كل فساد حالى بس من غير ما يجى اللى افسد منه

وله نهايه
أشكرك على التهنئة المطلوب من المواضيع دى واللى زيها مش اننا نغضب حتى الأنهاير انما حتى الأيجابيه وان كانت الأيجابيه غير متاحه فأعد نفسك لوقت أتاحتها


علياء
العفو يا فندم ده انا الىل متشكر على زيراتك اللطيفه لمدونتى المتواضعة ، والحمد لله انى قدرت اكون مصدر لمعلومات اى انسان

أدم التونسى
والله منا عارف اقلك ايه اناحاولت اساعد بكل وسيله بس إظاهر مفيش فائده ربنا يعينك ، ويحفظنا من الحجب

farida يقول...

في حاله عامه من اللمبالاه سببها الاحساس الدائم بالقهر و العجز

من يمثلونا و لهم الحق في التصويت ليسوا منا

ماذا نفعل؟؟
استسلام و خيبه و كفايه كده حيجيلي ضغط
سلام

Mohamed A. Ghaffar يقول...

لا يغير الله ما بقوم حتى يغيروا ما بأنفسهم يا فريدة

واليأس اخر شئ مطلوب مننا

نور القمر يقول...

انا رئى ان التغيرات الدستورية دى ورها هدف خفى عموما هيبان ن عاجلا ام اجلا بس على فكرة هى تحصيل حاصل يعنى هى بس بشكل جديد يعنى عملين ليها نيو لوك المهم فعلا يكون عندنا ايجابية

أحمد سلامة يقول...

ياترى لحد امتى يا محمد
الحكومه لا تثق في الشعب والشعب لا يثق في الحكومه والاثنين لاي يحركا ساكنا
هنستورد حكومه من بره يعني ولا هنلغي الشعب
إمتى بجد الشعب يكون حكومه والحكومه تكون شعب
إمتى؟
أحييك على صبرك لقراءة كا هذه التفاصيل
وبجد فرحت لاهتمامك السياسي ده