المشاركات
فى البرنامج المذاع على قناه دريم واحد لسايدة النائب البرلمانى وسيادة نائب رئيس الإتحاد وسياده الأعلامى ومدير القسم الرياضى بدريم وسياده الموظف فى وكالة الأهرام للأعلان وسيادة المعلق الرياضى وسيادة الناقد الرياضى ( يا ترى كده خلاص ولا نسيت حاجة) والمعروف بأسم الكورة اليوم او الكوره كل يوم او جاى جاى اقرفكم كل يوم
اجرى سياده كل اللى فات ( مفيش داعى نعيد تانى) حوار تليفونى مع لاعب نادى الزمالك الحالى أبراهيم سعيد (معلش ملقتش له صوره بزى الزمالك) من لندن فى حلقة امس السبت 23/12/2006 حول اخبار احترافه فى نادى شيفلد الأنجليزى ، والذى منى بالفشل نتيجه عدم توافر شرط نسبة المشاركة مع المنتخب القومى للاعب ، حيث تشترط بريطانيا على اى لاعب يرغب الأحتراف بأحد انديتها ان يكون شارك فى نسبه معينه من مباريات منتخب بلاده وهذ الشرط لا ينطبق على ابراهم سعيد حيث انه لم يشارك مع متخب مصر الا فى بطولة الأمم الأفريقية الأخيرة
المثير فى الموضوع ان اللاعب فى اثناء حديثه التلفونى دار الحوار التالى بينه وبين أحمد شوبير
أبراهيم سعيد : انا بناشد الأتحاد يساعدنى ويقف جنبى
أحمد شوبير : الموضوع مفيهوش مناشده ياابراهيم الشرط مينطبقش عليك
أبراهيم سعيد : يا كابتن الأتحاد ممن يقف جنبى ويظبط الموضوع دى حاجه بسيطه
أحمد شوبير : التظبيط مش على الهوا يا ابراهيم
السؤال الأن اين يكون التظبيط يا سيادته النائب البرلمانى؟؟!! هل فى مكتبك بصفتك نائب رئيس اتحاد الكرة ؟؟!! ام بمكتبك فى الأهرام بصفتك موظف فى وكاله الأهرام للأعلان ؟؟!! ام فى مكتبك الخاص للتسهيلات والتشهيلات والتخليص واللى بتسميه حضرتك خدمه الجمهور ؟؟!! أم ان التظبيط سيكون من تحت احدى ترابيزات مطعم من المطاعم الشهيره بالمهندسين ؟؟؟!!! سؤال يحتاج اجابة
وهل وصل الفساد والإفساد للدرجه التى تسمح بتداوله عبر الفضائيات بهذا الشكل الفاضح !!! سؤال لا يحتاج الى اجابة
هناك 6 تعليقات:
الراجل ده انا مبؤوءة منه
و حسبى الله ونعم الوكيل فيه وفى اللى بيعمله
موقف هو عمله وضايقنى جدا لان احتكاكه معايا
فى يوم اليتيم اللى قبل اللى فات بعت دار اطفال 700 فرد بدون دعوة
و الاولاد وقفوا اكتر من ساعتين و نص فى الحر والقرف علشان سيادته مهنش عليه يكلم الناس يقولهم فيه دار 700
و اتغرز فى المشكلة دى متطوعين
وبعد كده يقولوا عضو مجلس شعب
كان بيتنكنظر على الغلابة و حسبى الله ونعم الوكيل
معلش الناس دي بتظبط علي الهوا وعلي الميه وعلي الارض وفي اي حته
لماذا نندهش دائماً عندما يصبح السلوك (الذي نعلم جميعنا أنه موجود) علنياً !! هل نندهش من الوقاحة ؟! المفروض أن لا .. لأن التصرفات الغير معلنة هي تصرفات أبسط ما يقال عنها أنها غير لائقة .. وبما أن المقدمات تؤدي إلى النتائج فمن الطبيعي أن صاحب هذا المسلك سيجاهر به بعد أن يعتاد عليه ويصبح معروفاً للجميع. أرجو أن نصبح على مستوى الأحداث ( قاع البحر يعني ) وأن نتوقف عن الإندهاش لأن الأسوأ لم يأتي بعد.. وشكراً
المشكلة ليست ان ذلك يتم على الهواء و الفضائيات
المشكلة ان هذة الافعال اصلا موجودة
اذن تم التصريح بها ام لا لن يغير من الامر شىء
ده بيعكس واقع الحياه دلوقتي انها بقت بالشكل ده
كله تظبيت في تظبيت
وحسبي الله ونعم الوكيل فيهم كلهم
شيماء
شرفتى المدونه ، انا مشفتش حد مش مفقوع منه غير اللى بيكلموه فى البرنامج بتاعك ، التصرف اللى زكرتيه ده يؤكد انه مدعى ومسطنع ، ربنا يرحمنا
دكتره
عندك حق
مجهول الهويه اللى اتضح فيما بعد انه احمد اخويا ، والعزيزة فانسى
كلامكم متقارب مع اختلاف الأسلوب ،عندكم حق طبعاً المر لا يدعوا للأندهاش والمشكلة الحقيقة هى تواجده وليس نشره على الفضائيات ، ولاحظوا انى قلت فى اخر سطر ان السؤال لا يحتاج الى اجابه
أنا عن نفسى لم اعد اندهش من اى شئ يحدث فقط أغضب ، وهو ما حركنى لكتابه ما كتبت
إرسال تعليق