المشاركات
عمنا بيرم التونسى ( للتعريف بسيرته الذاتيه اضغط هنا ) وعم كل شعراء العاميه كتب شويه اشعار بقاله اكتر من 50 سنه انما ايه تقلش كاتبهم النهارده تعالوا كده معايا نشوف حبه منهم ونقرر كتبهم من خمسين سنه ولا امبارح
فى الطريــــــــــــــق
أربع عساكر جبابرة يفتحوا برلين
ساحبين بتاعة حلاوة جاية من شربين
شايله على كتفها عيل عنيه وارمين
و الصاج على مخها يرقص شمال و يمين
إيه الحكاية يا بيه ؟ جال خالفت الجوانين ؟
إشمعنى مليون حرامى فى البلد سارحين
يمزعوا فى الجيوب و يفتحوا الدكاكين ؟
أسأل وزير الشئون و لا أكلم مين ؟
أربع عساكر جبابرة يفتحوا برلين
ساحبين بتاعة حلاوة جاية من شربين
شايله على كتفها عيل عنيه وارمين
و الصاج على مخها يرقص شمال و يمين
إيه الحكاية يا بيه ؟ جال خالفت الجوانين ؟
إشمعنى مليون حرامى فى البلد سارحين
يمزعوا فى الجيوب و يفتحوا الدكاكين ؟
أسأل وزير الشئون و لا أكلم مين ؟
الغش و الغــــــــــــلا
الأكل و الشرب فى إيد اللومنجية
و الطماعين اللى غلوا الملح و الميه
و الغشاشين اللى فاقوا على الحرامية
الشاى بالمفتشر مخلوط ملوخية
والبن فيه الشعير تسعين فى الميه
و الميه و العيش برمله و طينه يا ملوخليه
و اللحم معروض بدون أختام رسمية
و الميه هيه اللبن و لا اللبن هيه
أفاعى متسيبه من غير رفاعيه
و دنيا مترتبه ترتيب فلاتيه
من كلمة هايفة
من هفوة أو كلمة هايفة نتحمق ونقوم
نسب و ندب و يدور العراك بالشوم
وكل محموق و له فرقة تقوم بهجوم
من قيل ما تعرف الظالم من المظلوم
تبقى الشرارة حريقة و السحابة حسوم
لا شركة تنجح و لاعيلة صفاها يدوم
و منين نشوف العدل و لا السفينة تعوم
مادمنا فوق قلبها قاعدين لبعض خصوم
تضحك علينا الحدادى فى السما و البوم
ها نقول كمان ولا كده كفايه؟؟؟
.
هناك تعليق واحد:
ايه يا جماعة هو عم بيرم كان حاسس باللى هيجرى بعد 50 سنه - كان راجل صالح ومكشوف عنه الحجاب ولا ايه - ولا اشعاره دى صالحة لكل العصور -
اه يا عينى عليك يا بلد
ولا يا عينى عليك يا شعب بتستحمل كل ده من زماااااااان - ده احنا شعب صبور قوى يا ولاد
إرسال تعليق